Revelesin 14
14
Singsing blong olketa wea God hemi sevem olketa finis
1Nao#Esikiel 9:4; Revelesin 7:3. mi luk go moa, an mi lukim Smolfala Sipsip ya hemi stanap antap long maonten long Saeon, an 144,000 pipol#14:1 “144,000 pipol” Lukim Revelesin 7:4. ya i stanap wetem hem. An nem blong Smolfala Sipsip ya wetem nem blong Dadi blong hem, hemi stap long fohed blong olketa pipol ya. 2An mi herem wanfala saon long heven, wea hemi meknoes tumas olsem olketa bikfala wev an olketa bikfala tanda. An disfala saon ya hemi here olsem plande gita wea olketa gohed fo pleim. 3Olketa 144,000 pipol ya olketa stanap long frant long God wea hemi sidaon long tron, an long frant long fofala animol an olketa bikman ya. An olketa pipol ya i gohed fo singim wanfala niufala singsing wea no eni man moa hemi save long hem. Olketa pipol ya hu God hemi bin peimaot olketa finis from pipol long wol, olketa nomoa i save singim. 4Olketa man ya, no enitaem nao olketa bin durong wetem eni woman.#14:4 “no enitaem nao olketa bin durong wetem eni woman” Hemi minim olketa bin falom wei blong God an no wosipim eni laea god enitaem. Olketa bin stap klin olowe.#14:4 “Olketa bin stap klin olowe.” Long langguis long Grik hemi sei, “Olketa bin stap olsem yang gele.” An oltaem olketa falom Smolfala Sipsip ya long evri ples wea hemi go. God hemi bin peimaot olketa finis from pipol long wol, mekem olketa nao olsem fas kaikai fo ofarem long God an long Smolfala Sipsip ya. 5No#Sefenaea 3:13. enitaem nao olketa bin talemaot eni laea toktok. Olketa barava stret long ae blong God.
Trifala enjel singaot
6Nao mi lukim nara enjel moa wea hemi flae antap long skae, an hemi garem Gudnius wea hemi no save finis enitaem. Waka blong hem nao fo talemaot Gudnius ya long evri pipol long wol, olketa long deferen traeb an laen an langguis an kantri. 7Hemi gohed fo singaot olsem, “Yufala mas tinghae long God an liftimap nem blong hem, bikos taem blong hem fo jajem olketa pipol, hemi kam finis nao. Yufala mas wosipim hem, hu hemi mekem heven an graon an si an olketa springwata.”
8Nao#Aesaea 21:9; Jeremaea 51:8; Revelesin 18:2. mi lukim moa mektu enjel wea hemi kam bihaen long fas enjel ya, an hemi tok olsem, “Bikfala taon Babilon ya#14:8 “Babilon” Wanfala nem olketa Kristin save yusim taem olketa minim Rom. Taem Jon hemi sei Babilon hemi durong wetem eniwan, hemi minim wea olketa pipol save wosipim enikaen laea god long hem. wea hemi garem paoa, hemi foldaon nao. !Hemi foldaon finis! Olketa pipol long evri kantri long wol olketa bin kamap olsem drang bikos olketa falom disfala nogud wei blong hem fo durong wetem eniwan.”
9Nao mi lukim moa mektri enjel wea hemi kam bihaen long tufala enjel ya, an hemi singaot olsem, “Sapos eni man hemi wosipim wael animol ya wetem kaving blong hem, an hemi tekem disfala mak blong wael animol ya long fohed o long raet han blong hem, 10bae#Aesaea 51:17; Jenesis 19:24; Esikiel 38:22. God hemi panisim hem. Bae man ya hemi dringim disfala kap waen, wea hem nao olsem ful paoa blong kros blong God. Olketa bae safa nogud tumas long barava hot faea wea hemi laet long diskaen ston salfa. An olketa holi enjel an Smolfala Sipsip ya bae lukim diswan. 11An#Aesaea 34:10. smok blong faea wea hemi mekem olketa fo safa tumas, hemi gohed oltaem an hemi no save finis. Evriwan hu i wosipim wael animol ya wetem kaving blong hem an garem disfala mak blong nem blong hem, bae olketa no save garem eni res long panis ya. Bae hemi gohed olowe nomoa, nomata de an naet.”
12Long olketa samting ya, yufala pipol blong God wea yufala obeim olketa lo blong hem an yufala gohed tu fo biliv long Jisas, yufala mas stanap strong nomoa.
13Nao mi herem moa wanfala voes long heven, wea hemi sei, “Yu raetemdaon olketa toktok ya. ‘Stat long distaem, olketa pipol hu i biliv long Masta blong yumi an olketa dae, olketa nao i hapi tumas.’”
Ya, Holi Spirit hemi tok olsem, “!Hemi tru tumas ya! Bae olketa hapi fo res from hadwaka blong olketa, bikos bae olketa garem olketa gudfala samting from waka blong olketa.”
Panis blong God kasem olketa pipol long wol
14Den,#Daniel 7:13. mi lukim moa wanfala waet klaod, an mi lukim wanfala man wea hemi sidaon antap long hem, wea hemi luk olsem san blong man.#14:14 “hemi luk olsem san blong man” Lukim Daniel 7:13. Long hed blong hem, hemi garem wanfala gol kraon, an long han blong hem, hemi holem wanfala huknaef wea hemi sap fogud. 15Nao#Joel 3:13. mi lukim nara enjel moa wea hemi kamaot long tambuhaos, wea hemi singaot olsem long man hu hemi sidaon antap long klaod ya, “Yu yusim huknaef blong yu, an katemaot olketa kaikai wea olketa redi finis. Distaem hemi barava taem fo havest, bikos evri kaikai long wol hemi redi nao.” 16Den man hu hemi sidaon antap long klaod ya, hemi yusim huknaef blong hem, an hemi havestem olketa kaikai wea i redi finis long wol.
17Nao mi lukim moa nara enjel wea hemi kamaot long tambuhaos long heven, an hem tu hemi garem wanfala huknaef wea hemi sap fogud.
18Nao nara enjel moa hu hemi lukaftarem faea long olta, hemi lusim olta ya an hemi kam. Hemi singaot go long nara enjel hu hemi garem disfala sap huknaef an hemi sei, “Yu yusim huknaef blong yu fo havestem olketa frut blong grep tri. Bikos olketa frut i raep nao.” 19So enjel ya hemi yusim huknaef blong hem fo havestem olketa frut blong olketa grep tri long wol. Hemi torowem olketa frut ya insaet long bikfala hol long ston#14:19 “bikfala hol long ston” Hol olketa katemaot long bikfala ston long graon, mekem hemi isi fo tekemaot wata blong frut ya taem olketa laek fo mekem waen long hem. Lukim “Grep tri” long diksonari. wea olketa yusim fo wakem waen long hem. Ples ya hemi saen blong kros blong God. 20An olketa gohed fo step antap long olketa frut insaet long hol wea#Aesaea 63:3; Lamentesin 1:15; Revelesin 19:15. hemi stap aotsaet long biktaon ya, go-go blad nao hemi ranaot from disfala hol. Blad ya hemi ran bikfala, hemi ran goaot farawe go kasem 300 kilomita, an dip blong hem hemi kasem kolsap tu mita.
Currently Selected:
Revelesin 14: SIDC
Highlight
Copy
Compare
Share
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
