Esta Long Grik F
F
Modekae hemi tingimbaek drim blong hem
4 Modekae hemi tok olsem, “!God nao hemi mekem olketa samting ya fo hapen olsem! 5 An mi tingimbaek drim blong mi wea mi lukim, an evrisamting wea mi lukim insaet long drim ya hemi hapen tru nao: 6 disfala springwata ya wea hemi kamap wanfala bikfala riva, an san wea hemi saen, an wata wea hemi ful. Disfala bikfala riva ya, hem nao Esta hu king hemi maritim an hemi kamap kuin blong hem. 7 Tufala bikfala krokodael ya, hem nao Haman an mi. 8 Olketa kantri wea mi lukim, hem nao evriwan hu i kam tugeta fo kilim dae olketa Jiu. 9 Evri pipol long kantri blong mi Israel, i krae go long God fo helpem olketa, so hemi sevem olketa nao. !Ya, God hemi sevem nao olketa pipol blong hem! Hemi sevem mifala long evri nogud samting ya, an hemi mekem olketa bikfala mirakol wea hemi no hapen yet long eniwan long olketa narafala kantri. 10 Hemi olsem bikos God hemi redim finis wanem bae hemi hapen long olketa pipol blong hem, an wanem bae hemi hapen long olketa pipol long narafala kantri. 11 Hemi kasem taem nao wea tufala samting ya mas hapen, wea God hemi redim finis tingting blong hem abaotem olketa pipol. 12 God hemi tingim olketa pipol wea hemi siusim finis, an hemi saet wetem olketa. 13 So evri yia, olketa pipol bae i kam tugeta long ae blong God long mekfotin an fiftin de long mans blong Ada. Long tufala de ya olketa mas selebretem an mekem bikfala fist fo hapi an singsing.”
Dositeas hemi tekem leta long Bikde blong Purim
Long mekfoa yia wea Tolemi an Kleopatra i lida long Ijip, wanfala man, nem blong hem Dositeas, hemi tekem kam disfala leta wea Modekae hemi raetem fo olketa abaotem fist blong Purim. Dositeas ya hemi talem dat hem nao hemi wanfala prist long laen blong Livae. San blong hem nao hemi kam wetem hem. Tufala i talemaot dat disfala leta wea tufala i tekem kam ya hemi gudwan, an Lisimakas hu hemi san blong narafala Tolemi nao hemi transletem go long langguis blong olketa Grik. Tolemi ya hemi stap long Jerusalem.
Currently Selected:
Esta Long Grik F: SIDC
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.