Baruk 5
5
1Jerusalem,#Aesaea 52:1; 61:3, 10; Revelesin 21:2. yu tekemaot kaleko blong sore wea yu werem taem blong bikfala sore, an yu werem bikfala laet blong God olsem barava spesol kaleko.
2Yu werem gud an stretfala wei blong God. Yu taetem raonem hed blong yu bikfala laet blong God wea hemi stap olowe. 3God bae hemi som gudfala lukluk blong yu fo olketa evri traeb long hol wol. 4Hem bae hemi givim yu wanfala niu nem bae hemi stap olowe. Disfala niu nem ya hemi olsem, “Gudfala wei blong yu hem nao botom blong stap long piis, stap strong long God hem nao hemi givim bikfala nem.”
5Jerusalem yu stanap, yu go stap antap long maonten, yu lukim God wea hemi holi an hemi bik tumas hemi tekem tugeta pikinini blong yu wea olketa kam long ist an olketa kam long west. Olketa hapi tumas bikos God hemi tingim olketa moa. 6Jerusalem, taem olketa enemi tekemaot olketa pikinini blong yu, olketa wakabaot long lek blong olketa nating. Bat distaem God nao hemi tekem kam baek olketa fo yu. Hemi karim olketa kam long tron blong king. 7God hemi odarem fo olketa mas stretem evri hae maonten wea olketa stap olowe, an evri smol hil, an filimap olketa vali, mekem olketa Israel save wakabaot gud long stret ples taem olketa kambaek long ples long laet blong God. 8God hemi odarem olketa tri wea olketa smel gud fo grou gud moa fo givim gudfala sado fo olketa pipol long Israel.
9God nao bae hemi lidim olketa pipol long Israel fo go hom, mekem hem gadem olketa long lav blong hem an stretfala wei blong hem. Bae olketa hapi tumas fo lukim laet blong God wea hemi stap raonem olketa.
Currently Selected:
Baruk 5: SIDC
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
Baruk 5
5
1Jerusalem,#Aesaea 52:1; 61:3, 10; Revelesin 21:2. yu tekemaot kaleko blong sore wea yu werem taem blong bikfala sore, an yu werem bikfala laet blong God olsem barava spesol kaleko.
2Yu werem gud an stretfala wei blong God. Yu taetem raonem hed blong yu bikfala laet blong God wea hemi stap olowe. 3God bae hemi som gudfala lukluk blong yu fo olketa evri traeb long hol wol. 4Hem bae hemi givim yu wanfala niu nem bae hemi stap olowe. Disfala niu nem ya hemi olsem, “Gudfala wei blong yu hem nao botom blong stap long piis, stap strong long God hem nao hemi givim bikfala nem.”
5Jerusalem yu stanap, yu go stap antap long maonten, yu lukim God wea hemi holi an hemi bik tumas hemi tekem tugeta pikinini blong yu wea olketa kam long ist an olketa kam long west. Olketa hapi tumas bikos God hemi tingim olketa moa. 6Jerusalem, taem olketa enemi tekemaot olketa pikinini blong yu, olketa wakabaot long lek blong olketa nating. Bat distaem God nao hemi tekem kam baek olketa fo yu. Hemi karim olketa kam long tron blong king. 7God hemi odarem fo olketa mas stretem evri hae maonten wea olketa stap olowe, an evri smol hil, an filimap olketa vali, mekem olketa Israel save wakabaot gud long stret ples taem olketa kambaek long ples long laet blong God. 8God hemi odarem olketa tri wea olketa smel gud fo grou gud moa fo givim gudfala sado fo olketa pipol long Israel.
9God nao bae hemi lidim olketa pipol long Israel fo go hom, mekem hem gadem olketa long lav blong hem an stretfala wei blong hem. Bae olketa hapi tumas fo lukim laet blong God wea hemi stap raonem olketa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.