Baruk 4
4
1Waes#Sirak 24:23. hem nao buk blong lo blong God, disfala lo bae hemi stap olowe. Evriwan olketa holem strong bae olketa laef, an eniwan hu hemi lusim bae hemi dae. 2Yufala pipol long Israel, yufala mas tane go long waes, an yufala mas holem strong, yufala mas wakabaot go long laet blong hem. 3Yufala mas no givimaot long eniwan wanem God hemi givim yumi. 4Yumi pipol blong Israel, yumi mas hapi, bikos God nao hemi som long yumi olketa samting hemi gud long ae blong hem.
Toktok fo mekem olketa pipol long Jerusalem fo stap strong moa
5Yufala stanap strong yufala olketa pipol blong mi, yufala nao holemap nem blong Israel hemi laef. 6God nao hemi letem fo salem yufala go long narafala traeb, hemi no minim fo mekem yufala nogud. Nomoa, God hemi kros bikos long ravis wei blong yufala, so hemi givim yufala go long han blong enemi blong yufala. 7Taem yufala ofarem sakrifaes long nogud devol yufala no ofarem long God wea hemi mekem yufala, an yufala mekem God hemi barava kros nogud long yufala. 8Yufala fogetem nao God hemi stap olowe, hem nao hemi fidim yufala olsem pikinini, an Jerusalem hemi sore tumas bikos hemi olsem mami blong yufala.
9Jerusalem hemi luksave olsem God hemi panisim yufala bikos hemi kros tumas, an hemi talem olsem long olketa bikfala taon wea olketa stap raonem, “Yufala lukim bikfala trabol wea God hemi tekem kam fo mi. 10Mi lukim taem God hemi letem olketa san an dota blong mi go, an God seleva nao hemi letem olketa go stap olsem slev long narafala ples. 11Bifoa mi hapi tumas fo lukaftarem gud olketa pikinini blong mi, an taem olketa tekem olketa goawe from mi, mi krae an mi sore tumas. 12No eniwan bae hemi hapi long sore blong mi bikos distaem mi wido nao, plande pikinini blong mi olketa tekem olketa go finis from mi. Olketa no falom lo blong God, an bikos long sin blong olketa hemi mekem mi fo stap seleva olsem. 13Olketa no tingting hae long lo an tambu blong hem, olketa les fo laef falom olketa. Olketa no letem God fo hemi gadem olketa long stretfala rod.
14“Yufala olketa biktaon wea yufala stap kolsap, yufala kam an lukim hao nao God hemi stap olowe hemi letem evri pikinini blong mi fo go stap olobaot. 15Hemi sendem kam wanfala traeb olketa kam farawe, olketa ya toktok long deferen langguis, an olketa i no save kea long eniwan, an no save tingting hae long olketa oloman, an no save sore long olketa pikinini. 16Olketa pipol ya nao tekemaot from mi san an dota blong mi wea mi lavem olketa tumas, an mi stap seleva olsem wido an olsem no eniwan hemi save long mi.
17“Ya, yufala olketa pikinini blong mi wea yufala stap olsem slev long narafala ples, mi no save duim enisamting fo mi helpem yufala. 18Hem seleva wea hemi givim panis long yufala nao, hemi save sevem yufala from enemi blong yufala. 19!Yufala go, olketa pikinini blong mi, an yufala duim waka blong yufala! Letem mi stap seleva nao. 20Mi tekemaot nao longfala kaleko blong mi wea mi werem long taem blong piis, an mi werem ravis kaleko wea hemi saen blong sore an krae. Long hol laef blong mi bae mi krae long God fo hemi helpem mi.
21“Yufala olketa pikinini blong mi mas no fraet, yufala mas krae go long God antap fo hemi helpem yufala. Hem bae hemi sevem yufala long han blong enemi blong yufala wea olketa spoelem yufala. 22Mi biliv strong olsem God hemi stap olowe bae no longtaem hemi mekem yufala fri. Hemi holi tumas, hemi sevia blong yufala olowe, bae hemi mekem mi hapi taem hemi sore long yufala. 23Mi sore an mi krae taem olketa tekem yufala from mi, bat God nao bae hemi tekem yufala kambaek long mi, an bae hemi mekem mi hapi olowe. 24Olsem taem olketa biktaon wea olketa stap raonem Jerusalem olketa lukim taem olketa tekem yufala go olsem slev, an bae olketa lukim tu taem God hemi sevem yufala an hemi tekem yufala kambaek long bikfala braet blong hem. 25Yufala olketa pikinini blong mi, yufala mas stap strong an no wari tumas long panis wea God hemi givim long yufala. Distaem, olketa enemi blong yufala olketa mekem yufala safa, bat bae yufala lukim taem olketa nogud, an olketa stap long han blong yufala. 26Yufala olketa pikinini blong mi, mi lavem yufala tumas, olketa enemi olketa odarem yufala fo wakabaot long rod wea hemi garem plande ston, olsem olketa sipsip wea olketa tekemaot olketa.
27“Yufala no fraet, olketa pikinini blong mi, yufala mas krae goap long God mekem hem helpem yufala. Hem nao hemi panisim yufala, bat hemi had tumas fo hem fogetem yufala. 28Bifoa yufala tingting strong tumas fo ranawe long God, distaem yufala mas kambaek long hem an waka fo hem long hol laef blong yufala.
29“Hem nao givim kam olketa nogud samting ya, an hem tu bae hemi sevem yufala an hem bae givim yufala hapi wea hemi no save finis.”
God hemi promis bae hemi helpem Jerusalem
30Yu stanap strong, Jerusalem. God, hemi givim nem long yu, bae hemi kam an hemi mekem yu hapi.
31Bikfala safa tumas bae hemi kasem olketa i mekem yu safa nogud an olketa hapi fo lukim taem yu foldaon.
32Ya, bikfala safa bae hemi kam fo olketa evri bikfala taon wea olketa tekem olketa pikinini blong yu olsem slev. Bikfala safa bae hemi kasem Babilon, hem nao bikfala taon hemi kaikaim olketa pikinini blong yu. 33Disfala biktaon hemi hapi tumas an hemi singsing taem yu foldaon an yu barava nogud, distaem bae hemi krae taem hemi stap emti.
34Bae God hemi tekemaot from hem evri pipol blong hem wea olketa toktok hae long hem, toktok hae blong olketa bae hemi bikam krae. 35God hu hemi God olowe, bae hem putum faea fo kam long hem, an bae hemi bone fo plande de, an olketa nogud devol bae olketa stap longtaem long biktaon ya.
36Yu Jerusalem yu luk go long ist, an yu lukim hapi wea God hemi tekem kam fo yu. 37Yu luk go, an yu lukim olketa pikinini blong yu wea olketa tekemaot from yu bifoa olketa kambaek moa. Distaem disfala God wea hemi holi an bikfala tumas, hemi kolem olketa kambaek stat kam long ist an long west, an olketa wakabaot kam long rod nao, olketa hapi tumas an olketa preisim bikfala paoa blong God.
Currently Selected:
Baruk 4: SIDC
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.
Baruk 4
4
1Waes#Sirak 24:23. hem nao buk blong lo blong God, disfala lo bae hemi stap olowe. Evriwan olketa holem strong bae olketa laef, an eniwan hu hemi lusim bae hemi dae. 2Yufala pipol long Israel, yufala mas tane go long waes, an yufala mas holem strong, yufala mas wakabaot go long laet blong hem. 3Yufala mas no givimaot long eniwan wanem God hemi givim yumi. 4Yumi pipol blong Israel, yumi mas hapi, bikos God nao hemi som long yumi olketa samting hemi gud long ae blong hem.
Toktok fo mekem olketa pipol long Jerusalem fo stap strong moa
5Yufala stanap strong yufala olketa pipol blong mi, yufala nao holemap nem blong Israel hemi laef. 6God nao hemi letem fo salem yufala go long narafala traeb, hemi no minim fo mekem yufala nogud. Nomoa, God hemi kros bikos long ravis wei blong yufala, so hemi givim yufala go long han blong enemi blong yufala. 7Taem yufala ofarem sakrifaes long nogud devol yufala no ofarem long God wea hemi mekem yufala, an yufala mekem God hemi barava kros nogud long yufala. 8Yufala fogetem nao God hemi stap olowe, hem nao hemi fidim yufala olsem pikinini, an Jerusalem hemi sore tumas bikos hemi olsem mami blong yufala.
9Jerusalem hemi luksave olsem God hemi panisim yufala bikos hemi kros tumas, an hemi talem olsem long olketa bikfala taon wea olketa stap raonem, “Yufala lukim bikfala trabol wea God hemi tekem kam fo mi. 10Mi lukim taem God hemi letem olketa san an dota blong mi go, an God seleva nao hemi letem olketa go stap olsem slev long narafala ples. 11Bifoa mi hapi tumas fo lukaftarem gud olketa pikinini blong mi, an taem olketa tekem olketa goawe from mi, mi krae an mi sore tumas. 12No eniwan bae hemi hapi long sore blong mi bikos distaem mi wido nao, plande pikinini blong mi olketa tekem olketa go finis from mi. Olketa no falom lo blong God, an bikos long sin blong olketa hemi mekem mi fo stap seleva olsem. 13Olketa no tingting hae long lo an tambu blong hem, olketa les fo laef falom olketa. Olketa no letem God fo hemi gadem olketa long stretfala rod.
14“Yufala olketa biktaon wea yufala stap kolsap, yufala kam an lukim hao nao God hemi stap olowe hemi letem evri pikinini blong mi fo go stap olobaot. 15Hemi sendem kam wanfala traeb olketa kam farawe, olketa ya toktok long deferen langguis, an olketa i no save kea long eniwan, an no save tingting hae long olketa oloman, an no save sore long olketa pikinini. 16Olketa pipol ya nao tekemaot from mi san an dota blong mi wea mi lavem olketa tumas, an mi stap seleva olsem wido an olsem no eniwan hemi save long mi.
17“Ya, yufala olketa pikinini blong mi wea yufala stap olsem slev long narafala ples, mi no save duim enisamting fo mi helpem yufala. 18Hem seleva wea hemi givim panis long yufala nao, hemi save sevem yufala from enemi blong yufala. 19!Yufala go, olketa pikinini blong mi, an yufala duim waka blong yufala! Letem mi stap seleva nao. 20Mi tekemaot nao longfala kaleko blong mi wea mi werem long taem blong piis, an mi werem ravis kaleko wea hemi saen blong sore an krae. Long hol laef blong mi bae mi krae long God fo hemi helpem mi.
21“Yufala olketa pikinini blong mi mas no fraet, yufala mas krae go long God antap fo hemi helpem yufala. Hem bae hemi sevem yufala long han blong enemi blong yufala wea olketa spoelem yufala. 22Mi biliv strong olsem God hemi stap olowe bae no longtaem hemi mekem yufala fri. Hemi holi tumas, hemi sevia blong yufala olowe, bae hemi mekem mi hapi taem hemi sore long yufala. 23Mi sore an mi krae taem olketa tekem yufala from mi, bat God nao bae hemi tekem yufala kambaek long mi, an bae hemi mekem mi hapi olowe. 24Olsem taem olketa biktaon wea olketa stap raonem Jerusalem olketa lukim taem olketa tekem yufala go olsem slev, an bae olketa lukim tu taem God hemi sevem yufala an hemi tekem yufala kambaek long bikfala braet blong hem. 25Yufala olketa pikinini blong mi, yufala mas stap strong an no wari tumas long panis wea God hemi givim long yufala. Distaem, olketa enemi blong yufala olketa mekem yufala safa, bat bae yufala lukim taem olketa nogud, an olketa stap long han blong yufala. 26Yufala olketa pikinini blong mi, mi lavem yufala tumas, olketa enemi olketa odarem yufala fo wakabaot long rod wea hemi garem plande ston, olsem olketa sipsip wea olketa tekemaot olketa.
27“Yufala no fraet, olketa pikinini blong mi, yufala mas krae goap long God mekem hem helpem yufala. Hem nao hemi panisim yufala, bat hemi had tumas fo hem fogetem yufala. 28Bifoa yufala tingting strong tumas fo ranawe long God, distaem yufala mas kambaek long hem an waka fo hem long hol laef blong yufala.
29“Hem nao givim kam olketa nogud samting ya, an hem tu bae hemi sevem yufala an hem bae givim yufala hapi wea hemi no save finis.”
God hemi promis bae hemi helpem Jerusalem
30Yu stanap strong, Jerusalem. God, hemi givim nem long yu, bae hemi kam an hemi mekem yu hapi.
31Bikfala safa tumas bae hemi kasem olketa i mekem yu safa nogud an olketa hapi fo lukim taem yu foldaon.
32Ya, bikfala safa bae hemi kam fo olketa evri bikfala taon wea olketa tekem olketa pikinini blong yu olsem slev. Bikfala safa bae hemi kasem Babilon, hem nao bikfala taon hemi kaikaim olketa pikinini blong yu. 33Disfala biktaon hemi hapi tumas an hemi singsing taem yu foldaon an yu barava nogud, distaem bae hemi krae taem hemi stap emti.
34Bae God hemi tekemaot from hem evri pipol blong hem wea olketa toktok hae long hem, toktok hae blong olketa bae hemi bikam krae. 35God hu hemi God olowe, bae hem putum faea fo kam long hem, an bae hemi bone fo plande de, an olketa nogud devol bae olketa stap longtaem long biktaon ya.
36Yu Jerusalem yu luk go long ist, an yu lukim hapi wea God hemi tekem kam fo yu. 37Yu luk go, an yu lukim olketa pikinini blong yu wea olketa tekemaot from yu bifoa olketa kambaek moa. Distaem disfala God wea hemi holi an bikfala tumas, hemi kolem olketa kambaek stat kam long ist an long west, an olketa wakabaot kam long rod nao, olketa hapi tumas an olketa preisim bikfala paoa blong God.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Pijin Catholic Bible © Bible Society of the South Pacific, 2008.