NEHEMIYA 1
1
Nehemiya loko a khongelela tiko ra yena.
1Timhaka ta Nehemiya, n'wana Hakaliya. Hi n'hweti ya Kislevhu ya lembe ra makume mambirhi, loko ndza ha ri Xuxani, emutini wa ntsindza, 2ku fika Hanani, un'wana wa vamakwerhu, a ri ni vavanuna va Yada; ndzi va vutisa timhaka ta Vayuda lava poneke, lava seleke eku bohiweni, ni ta va Yerusalema; 3va ku eka mina: “Masalela, lama saleke eku bohiweni, lava akeke etikweni leriya, va le nhlomulweni lowukulu, ni le tinganeni; rirhangu ra Yerusalema, i swiphemu, ni timbanti ta kona ti tshwile hi ndzilo.”
4Kuteloko ndzi twile timhaka leti, ndzi tshama ehansi, ndzi rila, ndzi va enkosini hi masiku layo talanyana, kambe ndzi titsona swakudya, ndzi khongela emahlweni ka Xikwembu xa le matilweni, 5ndzi ku: “Yo! Yehovha Xikwembu xa matilo! Xikwembu lexikulu, lexi chavisaka, u hlayisela lava ku rhandzaka lava hlayisaka milawu ya wena, ntwanano ni tintswalo! 6Oho! Ndleve ya wena a yi rhiyete, ni mahlo ya wena a ma hanyanye, u ta yingisa mikhongelo ya nandza wa wena, leyi ndzi nga karhi ndzi tlhandlukiselaka eka wena enkarhini wa sweswi, nhlekanhi ni vusiku, ndzi khongelela malandza ya wena, vana va Israele, ndzi karhi ndzi vula swidyoho swa vana va Israele, leswi hi ku dyoheleke ha swona, hikuva mina ni yindlu ya tatana hi dyohile. 7Kunene, hi ku dyohele ngopfu, a hi hlayisanga ku lerisa ni milawu ya ku avanyisa loku u ku leriseke Muxe, nandza wa wena. 8Wa nga anakanya rito leri u tshamaka u ri byela nandza wa wena, Muxe, u te: ‘Kutakuloko mi tiarisa, ndzi ta mi hangalasa exikarhi ka matiko; 9kambe loko mi hundzukela eka mina, mi endla hakona, hambi mi nga hangalasiwa emakun'wini ya matilo, ndzi ta mi hlengeleta ndzi mi vuyisela endhawini leyi ndzi yi hlawuleke ku veka vito ra mina ka yona.’ 10Kutani valavo, malandza ya wena, i tiko ra wena leri u ri kutsuleke hi matimba ya wena lamakulu, ni voko ra wena ra matimba. 11Oho! Yehovha, ndleve ya wena a yi rhiyeketele mikhongelo ya nandza wa wena, ni mikhongelo ya malandza ya wena lama tirhandzeleke ku chava vito ra wena; wanga tiyisa nandza wa wena, kutani u n'wi kumisa tintswalo emahlweni ka wanuna loyi.”
Kambe a ndzi ri mucheleri wa hosi.
Currently Selected:
NEHEMIYA 1: TSO29
Highlight
Share
Copy
Want to have your highlights saved across all your devices? Sign up or sign in
Bible in Xitsonga 1929/2012 © Bible Society of South Africa 2012. Digital Version © Bible Society of South Africa 2012. All rights reserved. www.biblesa.co.za.