TIPISALEMA 70
70
Xikhongelo xa loyi a xanisiwaka.
Eka mufambisi wa vasimi. Pisalema ya Davhida ya ku tsundzuxa.
1Oho Xikwembu, hatlisa ku ta ndzi tshunxa!
Yehovha, angwetla ku ndzi pfuna!
2A va khomiwe hi tingana, va rhurhumela, lava lavaka vutomi bya mina!
A va tlhelele endzhaku, va sandziwa, lava rhandzaka ku onhaka ka mina!
3A va tlherisiwe endzhaku ni tingana ta vona
Lava vulaka “Aháà! Aháà!”
4A va tsake va tsakisisa eka wena,
Hinkwavo lava ku lavaka!
Lava rhandzaka ku hlayiseka ka wena,
A va vule hi masiku, va ku:
“Xikwembu a xi kurisiwe!”
5Mina, ndzi xisiwana, ndzi le khombyeni;
Oho Xikwembu, ndzi hatlisele!
U mupfuni wanga ni muntshunxi wanga;
Yehovha, u nga hlweri!
Currently Selected:
TIPISALEMA 70: TSO29
Highlight
Share
Copy
Want to have your highlights saved across all your devices? Sign up or sign in
Bible in Xitsonga 1929/2012 © Bible Society of South Africa 2012. Digital Version © Bible Society of South Africa 2012. All rights reserved. www.biblesa.co.za.
