TIPISALEMA 67
67
Vamatiko hinkwavo va ta vonga Xikwembu.
Eka mufambisi wa vasimi. Hi mugubu. Pisalema. Risimu.
1Xikwembu a xi hi tsetselele, a xi hi katekise,
A xi vonakarise mombo wa xona ehenhla ka hina,
2Leswaku ndlela ya wena yi tiviwa emisaveni
Ni ku hlayiseka ka wena exikarhi ka matiko hinkwawo!
3Matiko ma ta ku vonga, oho Xikwembu!
Vamatiko hinkwavo va ta ku twarisa.
4Matiko ma ta tsaka, ma tsakisisa,
Hikuva u ta avanyisa matiko hi ku lulama,
U ta fambisa matiko emisaveni.
5Matiko ma ta ku vonga, oho Xikwembu!
Vamatiko hinkwavo va ta ku twarisa.
6Misava yi humesile mihandzu ya yona,
Xikwembu, Xikwembu xa hina xi ta hi katekisa.
7Xikwembu xi ta hi katekisa,
Kutani matlhelo hinkwawo ya misava ma ta xi chava.
Currently Selected:
TIPISALEMA 67: TSO29
Highlight
Share
Compare
Copy
Want to have your highlights saved across all your devices? Sign up or sign in
Bible in Xitsonga 1929/2012 © Bible Society of South Africa 2012. Digital Version © Bible Society of South Africa 2012. All rights reserved. www.biblesa.co.za.
