TIPISALEMA 6
6
Ku rila eka xikwembu eku vavisekeni.
Eka mufambisi wa vasimi. Hi magubu. Hi xeminiti. Pisalema ya Davhida.
1Oho Yehovha! U nga ndzi holoveli hi vukari bya wena;
U nga ndzi bi hi ku holova ka wena.
2U ndzi tsetselela, Yehovha, hikuva ndzi pfumala matimba;
U ndzi horisa, Yehovha hikuva marhambu ya mina ma rhurhumela.
3Moya wanga wu chava ngopfu;
Kambe wena Yehovha, u ta hlwela ku yisa kwihi?
4Tlhela, Yehovha! U tshunxa moya wa mina;
U ndzi ponisa hikwalaho ka tintswalo ta wena.
5Hikuva eku feni a ka ha anakanyiwi;
I mani la nga ta ku dzunisa exivandleni xa vafi?
6Ndzi karhele hi ku keta;
Hi vusiku byin'wana ni byin'wana, ndzi tsakamisa xilawu xa mina hi ku rila;
Byetlelo bya mina byi tsakama hi mihloti ya mina.
7Mahlo ya mina ma hela hi nhlomulo;
Ma ondza hikwalaho ka hinkwavo lava ndzi xanisaka.
8Tshinelani ekule na mina, n'wina hinkwenu lava tirhaka swo biha;
Hikuva Yehovha u yingisile rito ra swirilo swa mina.
9Yehovha u yingisile ku kombela ka mina.
Yehovha u amukele xikhongelo xa mina.
10Hinkwavo valala va mina va ta khomiwa hi tingana, va rhurhumela;
Va ta tlhela endzhaku, va khomiwa hi tingana.
Currently Selected:
TIPISALEMA 6: TSO29
Highlight
Share
Compare
Copy
Want to have your highlights saved across all your devices? Sign up or sign in
Bible in Xitsonga 1929/2012 © Bible Society of South Africa 2012. Digital Version © Bible Society of South Africa 2012. All rights reserved. www.biblesa.co.za.
