TIPISALEMA 43
43
Ku navela ku tirhela Xikwembu.
1Ndzi avanyisele, Xikwembu, u ndzi lwela
Eka rixaka leri nga ku rhandziki;
Ndzi ponise ka munhu wa ku hemba ni wa ku homboloka.
2Hikuva hi wena Xikwembu xa ku chavelela ka mina,
U ndzi cukumetela yini?
Xana ndzi fambela yini hi nkosi ndzi karhi ndzi xanisiwa hi nala?
3Rhuma ku vonakala ka wena ni vunene bya wena, swi ndzi fambisa,
Swi ndzi yisa entshaveni ya ku kwetsima ka wena ni le tindlwini ta wena.
4Ndzi ta tshinela alitari ya Xikwembu,
Ya Xikwembu lexi ku nga ku tsaka ka mina ni ku yimbelela ka mina;
Ndzi ta ku dzunisa hi haripa, wena Xikwembu, Xikwembu xanga!
5Moya wanga, u hele matimba ha yini, u tshukele yini endzeni ka mina?
Tshemba Xikwembu, hikuva ndzi ta tlhela ndzi xi dzunisa;
Hi xona ku hlayiseka ka mina, ni Xikwembu xa mina.
Currently Selected:
TIPISALEMA 43: TSO29
Highlight
Share
Compare
Copy
Want to have your highlights saved across all your devices? Sign up or sign in
Bible in Xitsonga 1929/2012 © Bible Society of South Africa 2012. Digital Version © Bible Society of South Africa 2012. All rights reserved. www.biblesa.co.za.
