TIPISALEMA 20
20
Israele a khongelela hosi loko va ya eku lweni.
Eka mufambisi wa vasimi. Pisalema ya Davhida.
1Yehovha a a ku hlamule hi siku ra nhlomulo,
Vito ra Xikwembu xa Yakobo, a ri ku sirhelele!
2A a ku rhumele ku pfuna ka yena loku humaka evukwetsimelweni,
A ku nyika ku tiya a ri Siyoni!
3A a anakanye timhamba ta wena hinkwato,
A va a amukela magandzelo ya wena!
4A a ku nyike leswi rhandziwaka hi mbilu ya wena,
A hetisa ni makungu ya wena hinkwawo!
5Hi ta ba mikulungwana hikwalaho ka ku hlayiseka ka wena,
Kutani hi tlakusa mujeko hi vito ra Xikwembu xa hina;
Yehovha u ta ku nyika hinkwaswo leswi u swi kombelaka.
6Ni sweswi, ndza swi tiva
leswaku Yehovha u hlayisa muhlawuriwa wa yena,
U ta n'wi hlamula a ri ematilweni ya ku kwetsima ka yena,
Hi mitirho ya ku lwela ka voko ra yena ra xinene.
7Van'wana va tidzunisa hi tigolonyi ta vona, van'wana hi tihanci;
Kambe hina hi tidzunisa hi vito ra Yehovha,
Xikwembu xa hina.
8Vona va oveka va wa ehansi,
Kambe hina hi ta pfuka, hi yima hi tiya kona.
9Yehovha, hlayisa!
Hosi a yi hi yingise siku hi huwelelaka eka yona!
Currently Selected:
TIPISALEMA 20: TSO29
Highlight
Share
Compare
Copy
Want to have your highlights saved across all your devices? Sign up or sign in
Bible in Xitsonga 1929/2012 © Bible Society of South Africa 2012. Digital Version © Bible Society of South Africa 2012. All rights reserved. www.biblesa.co.za.
