TIPISALEMA 138
138
Xikwembu, muhetisi wa hinkwaswo.
Ya Davhida.
1Ndzi ta ku tlangela hi mbilu hinkwayo ya mina,
Ndzi ku yimbelelela emahlweni ka swikwembu.
2Ndzi ta ku khinsamela endlwini ya wena leyo kwetsima,
Ndzi twarisa vito ra wena, hikwalaho ka tintswalo ni ku tshembeka ka wena,
Hikuva u engetile ntwalo wa wena hi ku heta leti u nga swi hlaya.
3Siku leri ndzi nga rila ka wena, u ndzi twile,
U ndzi tiyisile, matimba ma nghene emoyeni wa mina.
4Oho Yehovha!
Tihosi hinkwato ta misava ti ta ku dzunisa,
Loko ti twa marito ya nomu wa wena;
5Ti ta khensa tindlela ta Yehovha,
Hikuva ku kwetsima ka Yehovha kukulu.
6Yehovha u tlakukile; u vona lava titsongahataka,
U tiva vatikurisi va ha ri kule.
7Loko ndzi famba exikarhi ka maxaniseko, wena wa ndzi hanyisa,
U tshambuluta voko ra wena ku ndzi sirhelela ka vukari bya valala va mina,
Kutani voko ra wena ra xinene ra ndzi ponisa.
8Yehovha u ta tirha ematshan'weni ya mina ku yisa eku heteleleni.
Yehovha! Tintswalo ta wena hi leti nga heriki,
U nga tshiki mitirho ya mavoko ya wena!
Currently Selected:
TIPISALEMA 138: TSO29
Highlight
Share
Compare
Copy
Want to have your highlights saved across all your devices? Sign up or sign in
Bible in Xitsonga 1929/2012 © Bible Society of South Africa 2012. Digital Version © Bible Society of South Africa 2012. All rights reserved. www.biblesa.co.za.
