TIPISALEMA 13
13
Xikhongelo xa loyi a karheleke ngopfu.
Eka mufambisi wa vasimi. Pisalema ya Davhida.
1Oho Yehovha, u ta yisa kwihi ku ndzi rivala hi masiku xana?
U ta ndzi fihlela mombo wa wena ku yisa kwihi-ke?
2Moya wa mina wu ta tivilerisa ku yini,
Ni mbilu ya mina yi ta va ni nhlomulo hi masiku ku yisa kwihi?
Nala wa mina u ta tshika rini ku ndzi pfukela?
3Yehovha, Xikwembu xanga, languta, u ndzi hlamula!
U hanyanyisa mahlo ya mina,
4Leswaku ndzi nga tshuki ndzi etlela vurhongo bya rifu,
Nala wa mina a nga tshuki a ku:
“Ndzi n'wi hlurile!”
5Ni lava ndzi xanisaka va nga tshuki va tsaka loko ndzi tsekatseka.
Loko ndzi ri mina, ndzi tshembile tintswalo ta wena,
6Mbilu yanga yi tsaka hi ku hlayiseka ka wena;
Ndzi ta twarisa Yehovha, hikuva u ndzi endle swinene.
Currently Selected:
TIPISALEMA 13: TSO29
Highlight
Share
Compare
Copy
Want to have your highlights saved across all your devices? Sign up or sign in
Bible in Xitsonga 1929/2012 © Bible Society of South Africa 2012. Digital Version © Bible Society of South Africa 2012. All rights reserved. www.biblesa.co.za.
