TIPISALEMA 126
126
Loko Yehovha a vuyisa vakhomiwa va Siyoni.
Risimu ra ku tlhandluka.
1Loko Yehovha a vuyisa vakhomiwa va Siyoni,
A hi fana ni lava lorhaka.
2Milomu ya hina a yi nga tshiki ku hleka hi ku tsaka,
Ririmi ra hina a ri ba mikulungwana.
Kutani a va ku exikarhi ka matiko:
Yehovha u va endlele swilo leswikulu!
3Hakunene,
Yehovha u hi endlele leswikulu;
Hi tsakile ngopfu hikwalaho!
4Yehovha, vuyisa vakhomiwa va hina,
Kukotisa milambu ya le dzongeni.
5Lava byalaka loko va ri karhi va rila,
Va ta tshovela va huwelela hi ku tsaka.
6Va famba va ri karhi va rila loko va hlwanya mbewu,
Va vuya va yimbelela tinsimu loko va rhwala tinyandza ta vona.
Currently Selected:
TIPISALEMA 126: TSO29
Highlight
Share
Copy
Want to have your highlights saved across all your devices? Sign up or sign in
Bible in Xitsonga 1929/2012 © Bible Society of South Africa 2012. Digital Version © Bible Society of South Africa 2012. All rights reserved. www.biblesa.co.za.
