TIPISALEMA 114
114
Yehovha u fanele ku chaviwa.
1Kuteloko Israele a humile eEgipta,
Yindlu ya Yakobo loko yi suke etikweni ra ririmi rin'wana,
2Yuda u hundzuke ku kwetsima ka Yehovha,
Na Israele ku fuma ka yena.
3Lwandle loko ri n'wi vona, ri baleka,
Yena Yordani a tlhelela endzhaku;
4Tintshava ti tlulatlula kukotisa tinyimpfu,
Switsunga kukotisa swinyimpfana.
5A wu ri na yini, wee lwandle leswi u nga baleka,
Na wena Yordani, loko u tlhelela endzhaku?
6N'wina tintshava mi tlulatlulela yini kukotisa tinyimpfu,
Na n'wina switsunga mi kotisela yini swinyimpfana?
7Wena, misava, rhurhumela emahlweni ka Hosi!
Emahlweni ka Xikwembu xa Yakobo,
8Lexi hundzuluxaka ribye ri va tiva ra mati,
Ni tamba ma va mati lama pfelelaka!
Currently Selected:
TIPISALEMA 114: TSO29
Highlight
Share
Copy
Want to have your highlights saved across all your devices? Sign up or sign in
Bible in Xitsonga 1929/2012 © Bible Society of South Africa 2012. Digital Version © Bible Society of South Africa 2012. All rights reserved. www.biblesa.co.za.
