TIPISALEMA 112
112
Ku kateka ka loyi a chavaka Xikwembu.
1Dzunisani Yehovha!
Ku katekile munhu la chavaka Yehovha,
A tsakelaka ngopfu milawu ya yena.
2Rixaka ra yena ri ta va ni matimba emisaveni;
Vatukulu va lavo lulama va ta katekisiwa.
3Ndzalo ni rifuwo swi ta va kona endlwini ya yena,
Ku lulama ka yena ku tshama hi masiku.
4Ku vonakala ku xela lava lulameke emunyameni,
Ni lava nga ni tintswalo, ni nsovo, ni ku lulama.
5Ku katekile munhu la hananaka a va a lomba;
A lulamisa timhaka ta yena hi ku anakanya,
6Hikuva a nga ka a nga tsekatsekisiwi ni siku ni rin'we.
La lulameke a tsundzukiwa hi masiku,
7A nga ka a nga chavi mpfumawulo lowo biha;
Mbilu ya yena yi tiyile, yi titshembela Yehovha.
8Mbilu ya yena yi tiyile swinene, a nga chavi nchumu,
Mahlo ya yena ma ko ma tsakisiwa hi valala va yena.
9A avela, a nyika swisiwana;
Ku lulama ka yena i ka masiku hinkwawo;
Rimhondzo ra yena ri yima hi ku kwetsima.
10Lowo biha u vona sweswo, kutani a vilela ha swona,
U getsela meno, a omelela,
Ku navela ka lavo biha ku endliwa swahava.
Currently Selected:
TIPISALEMA 112: TSO29
Highlight
Share
Copy
Want to have your highlights saved across all your devices? Sign up or sign in
Bible in Xitsonga 1929/2012 © Bible Society of South Africa 2012. Digital Version © Bible Society of South Africa 2012. All rights reserved. www.biblesa.co.za.
