Tihlabelelo 70
70
Umthandazo wekucela kukhululeka
(Hla. 40:13-17)
Sihlabelelo saDavide lesisikhumbuto; setfulwe kumhlabelisi.
1 Hhawu, Nkulunkulu!
Phutfuma ungikhulule!
Hhawu, Simakadze!
Phutfuma ungisite!
2Abahlazeke bajabhe
labo labafuna kuphila kwami
nalabo labafuna kungibulala.
Abancandzekiswe bahlazekile
labo labangifisela kutsi ngife.
3Labo labangicoloshelako batsi:
“Walayeka!”
Shangatsi bangancandvwa ngemahloni.
4Bonkhe labafuna wena
abajabule batfokote kuwe!
Nalabo labatsandza insindziso yakho
abasho njalonjalo batsi:
“Mkhulu Nkulunkulu!”
5Kodvwa mine ngihluphekile futsi ngeswele,
ngiphutfume, Nkulunkulu.
Nguwe lolusito lwami nemkhululi wami.
Awu, Simakadze, shesha, ungalibali.
Currently Selected:
Tihlabelelo 70: SWT
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1996. Used with permission. All rights reserved.
