Tihlabelelo 122
122
Umthandazo wekucela kuthula kweJerusalema
Ingoma yaDavide yekuya emikhosini.
1 Ngajabula ngesikhatsi batsi kimi:
“Asambe siye endlini yaSimakadze.”
2Sesime emkhatsini
wemasango akho, Jerusalema!
3 IJerusalema lidolobha
lelakheke kahle lavivaniswa.
4 Ngulapho ikhuphukela khona
imindeni yaSimakadze,
iyewudvumisa Nkulunkulu,
njengobe yena ayala Israyeli.
5 Ngulapho kuhlala khona
tihlalo tebukhosi tekwehlulela,
tihlalo tebukhosi tendlu yaDavide.
6Thandazelani kutsi
kube nekuthula eJerusalema:
“Shangatsi bangaphumelela
babe nenhlanhla,
bantfu labatsandza wena, Jerusalema.
7Akube nekuthula
ngekhatsi kwetindvonga takho,
kube nekuphepha etigodlweni takho.”
8Ngenca yebazalwane bami
nebangani bami ngitsi:
“Kuthula akwandze ngekhatsi kwakho.”
9Ngenca yendlu yaSimakadze,
Nkulunkulu wetfu,
ngikucelela inchubekelaphambili.
Currently Selected:
Tihlabelelo 122: SWT
Highlight
Share
Copy
Want to have your highlights saved across all your devices? Sign up or sign in
© Bible Society of South Africa 1996. Used with permission. All rights reserved.
