Matthew 8
8
Dune ooka whulhjut-un Jesus soo naꞌyinla
1Jesus ndus de shus kꞌuz ha naja whe lhane dune yunantisdil, 2ꞌinkꞌez dune ooka whulhjut-un, ꞌi leprosy huyúlhni, ꞌen yududizya ꞌinkꞌez yubut nachaniti ꞌinkꞌez ꞌuyulhni, “SMoodihti hukwaꞌ ninzun de, be ilhtus-i be sunaꞌilhdeh.”
3ꞋEt Jesus dula be yutꞌaiznai ꞌinkꞌez, “A, hukwaꞌ nuszun. Nyunaꞌide!” yúlhni. Ooka whulhjut-un, ꞌet ꞌaho soo naꞌuja. 4ꞋEt Jesus ꞌuyulhni, “ꞋUyoonne doniꞌ junih! Lubret ꞌen ootsꞌinyalh ꞌinkꞌez tsꞌihꞌun unꞌa díni nyustꞌe ntsꞌenꞌa whe soo naꞌuja ꞌinkꞌez nyunoolhꞌen. Moses ooghuni ꞌutni kꞌunꞌa huwaꞌ tanꞌalh. Whuz unꞌa whubuntalhtun dainja whe soo naꞌinja-un.”
ꞋIlhoghun Rome whutꞌenne saldanne bumoodih, ooyeꞌ Jesus soo naꞌyinla
5ꞋEt Jesus keyoh Capernaum tsꞌoozya whe ꞌilhoghun Rome whutꞌenne saldanne bumoodih, ꞌen yudughuninꞌa ꞌinkꞌez yutsꞌu tedudli, 6“SMoodihti seꞌustle-un yoh yun sulhti delhdusni. Tube dzoh nuzut.”
7ꞋEt Jesus yulhni, “Ootsꞌu tisyalh ꞌinkꞌez soo naꞌoosdleh.”
8ꞋEt saldanne bumoodih ꞌuyulhni, “SMoodihti syoh tsꞌe tanyalh huba soo lheꞌuzdzooꞌ. ꞋAntsꞌi nghuni be ꞌet ndúdinja de, ꞌet la seꞌustle-un soo naꞌootneh. 9ꞋAlhaꞌ sichꞌoh skꞌuneꞌ whutꞌen-un ꞌusli whe ꞌonghohne sando ꞌuhintꞌoh hukwaꞌ huninzun tuneꞌ suhulhꞌen. ꞋEt si cha whuz unꞌa za saldanne buba ndo ꞌustꞌoh. ꞋIlhoghun, ‘Whuz inyalh!’ dusni te, whuz wheyaih. ꞋUyoon ‘ꞋAnih,’ dúsni te, sghu yaih. Seꞌulhna-un, ‘Njan dineh!’ dúsni te, ꞌet ndútꞌih.”
10Jesus whúdantsꞌo whe ooba hooncha. Yunidulhne ubúlhni, “Tsꞌihꞌun unꞌa nohdúsni, Israel ndulcho whe dune whuz unꞌa ooba ꞌalha ꞌuhoontꞌoh-un nalhizústi. 11Nohdusni ndaz de ꞌinkꞌez nooz de lhane whusatidulh yakꞌuz keyoh ꞌet Abraham cha, Isaac, ꞌinkꞌez Jacob cha, ꞌalhgoh lhla náꞌhutitꞌulh. 12ꞋEt hoontsꞌi mbene la yakꞌuz kꞌuneꞌ hoolꞌen huba ꞌuntꞌoh inleꞌne, tsahólhgus tsꞌe hubotilhdulh, hutso ꞌinkꞌez dughoo lhehídutikꞌus.”
13ꞋEt Jesus saldanne bumoodih yulhni, “Tinya tsꞌe inyalh! ꞋEt ntsꞌe whula mba ꞌalha ꞌuhoontꞌoh, whuz unꞌa mba ꞌuwhutánelh.” ꞋOh whuya ꞌuhunitꞌoh whe beꞌ ꞌustle-un soo naꞌuja.
Peter oobiz, Jesus soo naꞌyinla
14Jesus Peter ooyoh daninya whe oobiz yunilhꞌen. Lili kꞌut sulhti dada nulwus-i be nduda. 15Yula tꞌaiznai. ꞋAho nulwus duda ootsꞌu ha naidide. ꞋAho dunadija ꞌinkꞌez bugha náꞌuntꞌai.
Lhane ntsiꞌ-i nududeh ooyudúltsꞌine, Jesus dughuni be butsꞌa há bunanyoot
16Sa yo tizꞌai whe lhane ntsiꞌ-i nududeh ooyudúltsꞌine, Jesus highu bonínla. Dughuni be ntsiꞌ-i nududeh-i buyáhanainanyoot. Ndudane cha tsꞌiyawh soo naꞌbinla. 17ꞋEt whuz unꞌa Isaiah nus hoꞌen-un ndutni, Lhawhdotneh ha. ꞋEt huwa njan ndutni,
“Ndai la tetsun neilhꞌi-i, ꞌi tsꞌiyawh neghu nayílhchoot.
ꞋInkꞌez nedadaꞌ cha ꞌet tsꞌiyawh netsꞌu ha náhonla.”
Jesus Christ ꞌuntidulhne ndi yun kꞌut hukwꞌe hintsiꞌ-un, whula hudootni
18Jesus ndunne lhanne yunat yúdilhyawhunalhꞌen whe ꞌet ꞌubulhni, “Nyan uztookeꞌ.” 19ꞋEt ꞌilhoghun Moses be ꞌudustlꞌus ꞌukꞌu nunáguz-un, ꞌen yughu ninya ꞌinkꞌez ꞌuyulhni, “Nehodulhꞌeh-un ntsꞌoh nutányalh, ndulcho nyunún tisyalh.”
20Jesus ꞌuyulhni, “Nanguz ꞌi cha ꞌan whutꞌi wheꞌ ꞌuntꞌoh ꞌinkꞌez dutꞌaiyaz cha tꞌo ꞌutꞌi. ꞋEt hoontsꞌi Yinka Dune Yeꞌ, ꞌaw hukwꞌut tsén talꞌalh-un hoontsꞌi lhuhóotꞌiꞌ.”
21ꞋEt ꞌuyoon yugha hodulꞌeh-un, ꞌuyulhni, “SMoodihti sba silhꞌi. ꞋUdechoo ꞌubá ꞌaoostelh.”
22ꞋEt hoontsꞌi Jesus ꞌuyulhni, “Sunanyalh. Dudulh yaidlane didutchꞌoh ꞌanalhuhoolyelh.”
Nilhtsi ꞌinkꞌez tatsi bulh Jesus yukꞌuneꞌ ꞌutꞌen
23ꞋEt ꞌawet tsꞌi beinya ꞌinkꞌez yugha hodulꞌehne, hiyulh ꞌúhooja. 24Nus huzki ibulh bubulh taoodiltsꞌut ꞌinkꞌez ꞌawet tsꞌi be tawhendunitih, ꞌet hoontsꞌi Jesus nanisti. 25Yugha hodulꞌehne, hitsꞌu whindil ꞌinkꞌez nahuyunilhdzut. “NeMoodihti netalhyis! ꞋAwet yatsꞌidadlah!”
26ꞋEt ꞌubulhni, “Di ha whénulhjut? Nohbé ꞌalha whutꞌen-i soo ꞌúltus-i lhahtꞌiꞌ wheꞌ dahni.” Dudinya whe khuniti be hukwaꞌ yudániꞌ too ꞌinkꞌez nilhtsi bulh yatilhduk, ꞌinkꞌez ꞌawet dinghel.
27Dune buba hooncha whe ꞌulhodutni, “Dantꞌoh-un dune suba ꞌuntꞌoh? Nilhtsi ꞌinkꞌez tatsi bulh hoontsꞌi yukꞌuneꞌ ꞌutꞌen.”
Nane dune ntsiꞌ-i nududeh-i buyudindane, ꞌenne Jesus butsꞌa ha nábunanyoot
28Nyan hoozki whe ndunne Gergesene ooyun kꞌut, whuz hoozdil. Nane dune highu ninꞌaz. Ntsiꞌ-i nududeh-i buyudinda. Nezi ꞌahule-un, whuz de ha hánꞌaz. Bube whunujut kꞌet ꞌaw dune whuzih noohooyaꞌ ꞌaitꞌoh. 29Khuntsul tube cho ꞌuhutni, “Jesus nyun Yakꞌusda ooYeꞌ inli! Ndet netsꞌu hukwaꞌ ninzun? Neba whusaóotiltsꞌulh-un whutso, dzoh nunetalhdzut ha ꞌinja whusainya?”
30Njan howu nilhdzaꞌ-un, gugoos lhai ndi butlꞌa hidantsut-i, ꞌi huyuꞌalh. 31ꞋEt ntsiꞌ-i nududehne, hitsꞌu tedudlih whe ꞌuhuyulhni, “Whusanáneuntanyulh de, gugoos yúzdoodilh-un netlꞌa hóonalh.”
32“ꞋAhdulh!” ꞌubulhni. ꞋEt ntsiꞌ-i nududeh-i dune butsꞌu haídande ꞌi gugoos dande. ꞋAho gugoos bubulh whengho lhghaz ꞌinkꞌez too yanghan. 33Gugoos ghunline, keyoh tsꞌe whehílghaz. ꞋInkꞌez keyoh whutꞌenne tsꞌiyawh bubodániꞌ dahooja la. Nyoonne nane mbene la ntsiꞌ-i nududeh-i ooyudande inleꞌne, ꞌet dahuja la whunilhchoh bubodániꞌ. 34ꞋEt keyoh whutꞌenne, tsꞌiyawh ꞌaz tehunindil ꞌinkꞌez Jesus hidudizdil. Hitilhꞌen whe buyun kꞌut whuchꞌa naóojaꞌ hukwa hitsꞌu tedidlih.
Currently Selected:
Matthew 8: crx
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.
Matthew 8
8
Dune ooka whulhjut-un Jesus soo naꞌyinla
1Jesus ndus de shus kꞌuz ha naja whe lhane dune yunantisdil, 2ꞌinkꞌez dune ooka whulhjut-un, ꞌi leprosy huyúlhni, ꞌen yududizya ꞌinkꞌez yubut nachaniti ꞌinkꞌez ꞌuyulhni, “SMoodihti hukwaꞌ ninzun de, be ilhtus-i be sunaꞌilhdeh.”
3ꞋEt Jesus dula be yutꞌaiznai ꞌinkꞌez, “A, hukwaꞌ nuszun. Nyunaꞌide!” yúlhni. Ooka whulhjut-un, ꞌet ꞌaho soo naꞌuja. 4ꞋEt Jesus ꞌuyulhni, “ꞋUyoonne doniꞌ junih! Lubret ꞌen ootsꞌinyalh ꞌinkꞌez tsꞌihꞌun unꞌa díni nyustꞌe ntsꞌenꞌa whe soo naꞌuja ꞌinkꞌez nyunoolhꞌen. Moses ooghuni ꞌutni kꞌunꞌa huwaꞌ tanꞌalh. Whuz unꞌa whubuntalhtun dainja whe soo naꞌinja-un.”
ꞋIlhoghun Rome whutꞌenne saldanne bumoodih, ooyeꞌ Jesus soo naꞌyinla
5ꞋEt Jesus keyoh Capernaum tsꞌoozya whe ꞌilhoghun Rome whutꞌenne saldanne bumoodih, ꞌen yudughuninꞌa ꞌinkꞌez yutsꞌu tedudli, 6“SMoodihti seꞌustle-un yoh yun sulhti delhdusni. Tube dzoh nuzut.”
7ꞋEt Jesus yulhni, “Ootsꞌu tisyalh ꞌinkꞌez soo naꞌoosdleh.”
8ꞋEt saldanne bumoodih ꞌuyulhni, “SMoodihti syoh tsꞌe tanyalh huba soo lheꞌuzdzooꞌ. ꞋAntsꞌi nghuni be ꞌet ndúdinja de, ꞌet la seꞌustle-un soo naꞌootneh. 9ꞋAlhaꞌ sichꞌoh skꞌuneꞌ whutꞌen-un ꞌusli whe ꞌonghohne sando ꞌuhintꞌoh hukwaꞌ huninzun tuneꞌ suhulhꞌen. ꞋEt si cha whuz unꞌa za saldanne buba ndo ꞌustꞌoh. ꞋIlhoghun, ‘Whuz inyalh!’ dusni te, whuz wheyaih. ꞋUyoon ‘ꞋAnih,’ dúsni te, sghu yaih. Seꞌulhna-un, ‘Njan dineh!’ dúsni te, ꞌet ndútꞌih.”
10Jesus whúdantsꞌo whe ooba hooncha. Yunidulhne ubúlhni, “Tsꞌihꞌun unꞌa nohdúsni, Israel ndulcho whe dune whuz unꞌa ooba ꞌalha ꞌuhoontꞌoh-un nalhizústi. 11Nohdusni ndaz de ꞌinkꞌez nooz de lhane whusatidulh yakꞌuz keyoh ꞌet Abraham cha, Isaac, ꞌinkꞌez Jacob cha, ꞌalhgoh lhla náꞌhutitꞌulh. 12ꞋEt hoontsꞌi mbene la yakꞌuz kꞌuneꞌ hoolꞌen huba ꞌuntꞌoh inleꞌne, tsahólhgus tsꞌe hubotilhdulh, hutso ꞌinkꞌez dughoo lhehídutikꞌus.”
13ꞋEt Jesus saldanne bumoodih yulhni, “Tinya tsꞌe inyalh! ꞋEt ntsꞌe whula mba ꞌalha ꞌuhoontꞌoh, whuz unꞌa mba ꞌuwhutánelh.” ꞋOh whuya ꞌuhunitꞌoh whe beꞌ ꞌustle-un soo naꞌuja.
Peter oobiz, Jesus soo naꞌyinla
14Jesus Peter ooyoh daninya whe oobiz yunilhꞌen. Lili kꞌut sulhti dada nulwus-i be nduda. 15Yula tꞌaiznai. ꞋAho nulwus duda ootsꞌu ha naidide. ꞋAho dunadija ꞌinkꞌez bugha náꞌuntꞌai.
Lhane ntsiꞌ-i nududeh ooyudúltsꞌine, Jesus dughuni be butsꞌa há bunanyoot
16Sa yo tizꞌai whe lhane ntsiꞌ-i nududeh ooyudúltsꞌine, Jesus highu bonínla. Dughuni be ntsiꞌ-i nududeh-i buyáhanainanyoot. Ndudane cha tsꞌiyawh soo naꞌbinla. 17ꞋEt whuz unꞌa Isaiah nus hoꞌen-un ndutni, Lhawhdotneh ha. ꞋEt huwa njan ndutni,
“Ndai la tetsun neilhꞌi-i, ꞌi tsꞌiyawh neghu nayílhchoot.
ꞋInkꞌez nedadaꞌ cha ꞌet tsꞌiyawh netsꞌu ha náhonla.”
Jesus Christ ꞌuntidulhne ndi yun kꞌut hukwꞌe hintsiꞌ-un, whula hudootni
18Jesus ndunne lhanne yunat yúdilhyawhunalhꞌen whe ꞌet ꞌubulhni, “Nyan uztookeꞌ.” 19ꞋEt ꞌilhoghun Moses be ꞌudustlꞌus ꞌukꞌu nunáguz-un, ꞌen yughu ninya ꞌinkꞌez ꞌuyulhni, “Nehodulhꞌeh-un ntsꞌoh nutányalh, ndulcho nyunún tisyalh.”
20Jesus ꞌuyulhni, “Nanguz ꞌi cha ꞌan whutꞌi wheꞌ ꞌuntꞌoh ꞌinkꞌez dutꞌaiyaz cha tꞌo ꞌutꞌi. ꞋEt hoontsꞌi Yinka Dune Yeꞌ, ꞌaw hukwꞌut tsén talꞌalh-un hoontsꞌi lhuhóotꞌiꞌ.”
21ꞋEt ꞌuyoon yugha hodulꞌeh-un, ꞌuyulhni, “SMoodihti sba silhꞌi. ꞋUdechoo ꞌubá ꞌaoostelh.”
22ꞋEt hoontsꞌi Jesus ꞌuyulhni, “Sunanyalh. Dudulh yaidlane didutchꞌoh ꞌanalhuhoolyelh.”
Nilhtsi ꞌinkꞌez tatsi bulh Jesus yukꞌuneꞌ ꞌutꞌen
23ꞋEt ꞌawet tsꞌi beinya ꞌinkꞌez yugha hodulꞌehne, hiyulh ꞌúhooja. 24Nus huzki ibulh bubulh taoodiltsꞌut ꞌinkꞌez ꞌawet tsꞌi be tawhendunitih, ꞌet hoontsꞌi Jesus nanisti. 25Yugha hodulꞌehne, hitsꞌu whindil ꞌinkꞌez nahuyunilhdzut. “NeMoodihti netalhyis! ꞋAwet yatsꞌidadlah!”
26ꞋEt ꞌubulhni, “Di ha whénulhjut? Nohbé ꞌalha whutꞌen-i soo ꞌúltus-i lhahtꞌiꞌ wheꞌ dahni.” Dudinya whe khuniti be hukwaꞌ yudániꞌ too ꞌinkꞌez nilhtsi bulh yatilhduk, ꞌinkꞌez ꞌawet dinghel.
27Dune buba hooncha whe ꞌulhodutni, “Dantꞌoh-un dune suba ꞌuntꞌoh? Nilhtsi ꞌinkꞌez tatsi bulh hoontsꞌi yukꞌuneꞌ ꞌutꞌen.”
Nane dune ntsiꞌ-i nududeh-i buyudindane, ꞌenne Jesus butsꞌa ha nábunanyoot
28Nyan hoozki whe ndunne Gergesene ooyun kꞌut, whuz hoozdil. Nane dune highu ninꞌaz. Ntsiꞌ-i nududeh-i buyudinda. Nezi ꞌahule-un, whuz de ha hánꞌaz. Bube whunujut kꞌet ꞌaw dune whuzih noohooyaꞌ ꞌaitꞌoh. 29Khuntsul tube cho ꞌuhutni, “Jesus nyun Yakꞌusda ooYeꞌ inli! Ndet netsꞌu hukwaꞌ ninzun? Neba whusaóotiltsꞌulh-un whutso, dzoh nunetalhdzut ha ꞌinja whusainya?”
30Njan howu nilhdzaꞌ-un, gugoos lhai ndi butlꞌa hidantsut-i, ꞌi huyuꞌalh. 31ꞋEt ntsiꞌ-i nududehne, hitsꞌu tedudlih whe ꞌuhuyulhni, “Whusanáneuntanyulh de, gugoos yúzdoodilh-un netlꞌa hóonalh.”
32“ꞋAhdulh!” ꞌubulhni. ꞋEt ntsiꞌ-i nududeh-i dune butsꞌu haídande ꞌi gugoos dande. ꞋAho gugoos bubulh whengho lhghaz ꞌinkꞌez too yanghan. 33Gugoos ghunline, keyoh tsꞌe whehílghaz. ꞋInkꞌez keyoh whutꞌenne tsꞌiyawh bubodániꞌ dahooja la. Nyoonne nane mbene la ntsiꞌ-i nududeh-i ooyudande inleꞌne, ꞌet dahuja la whunilhchoh bubodániꞌ. 34ꞋEt keyoh whutꞌenne, tsꞌiyawh ꞌaz tehunindil ꞌinkꞌez Jesus hidudizdil. Hitilhꞌen whe buyun kꞌut whuchꞌa naóojaꞌ hukwa hitsꞌu tedidlih.
© 2019, Wycliffe Bible Translators, Inc. All rights reserved.