Matthew 7
7
ꞋUyoonne ba nahoohyeh junih
1“ꞋUyoonne ba nahoohyeh junih. Doo ka si nohba nahoodeh. 2Ntsꞌenꞌa ꞌuyoonne ba nahahyeh, ꞌet whuz unꞌa nohba nahutideh. ꞋInkꞌez ntsꞌenꞌa ꞌuyoonne neꞌbulhꞌen de, whuz unꞌa za nohba ꞌukꞌelha whutaleh.
3Di ha nyulhutsin lhusyaz oona kꞌet diztan, ꞌi nilhꞌen, ꞌet hoontsꞌi ꞌaw tꞌeoonuzinzun nyunchꞌoh duchun cho nyuna kꞌet diztan? 4Ntsꞌenꞌa nyulhutsin ꞌudutánelh, ‘Nyuna kꞌeltsꞌut-i nyuna kꞌehanaóosꞌalh,’ ꞌinkꞌez nyunchꞌoh lhelcho-i nyuna kꞌet ꞌusꞌai-i ꞌaw lhnílhꞌen? 5Duba naꞌindzooꞌ! ꞋUdechoo lhelcho-i nyuna kꞌéltsꞌut-i, ꞌi cho nyuna kꞌéhanainꞌaih. ꞋEt de la soo whunilhꞌen whe oona kꞌéltsꞌut-i oona kꞌehanáyonꞌalh.
6Yakꞌusda ooghuni lubeshi ooghu hooloh-un, khun te lhike ndultꞌohne gha óohꞌalh junih. Kꞌus Yakꞌusda ye whúneodulhꞌeh-i, ꞌi kwꞌusul diztiꞌ-i, pearl huyulhni, khun gugoos butso naóolhdilh junih. Hikꞌu nutílhꞌus ꞌinkꞌez ꞌaho nohtsꞌu nálhya ꞌinkꞌez yanohodutálhchꞌulh.”
Yakꞌusda hukwa oodolhkut ꞌinkꞌez nohgha whútaꞌalh
7“ꞋEt nohdusni Yakꞌusda ndai la ooka yoodulhkut-i nohgha ítaꞌalh. Ookunáhta ꞌinkꞌez nahootáhꞌalh. Dati dunulhkwꞌuz ꞌinkꞌez nohba dáhaꞌ dutikwus. 8Yoodulhkutne, Yakꞌusda bugha whútaꞌalh. Hoonliyaz hukwunútane, nahahootáꞌalh. Dati dunulkwꞌuzne, Yakꞌusda buba dáhaꞌ dutitꞌelh.
9Mbene nohbáke nohtoh, ooyeꞌ lhes yutsꞌu ha ꞌutni de, tse yughá ndunoꞌalh ꞌaitꞌoh. 10Kꞌus lho yutsꞌu ha ꞌutni de, ꞌaw ꞌi kꞌet tlꞌughus yugha óotꞌelh ꞌaitꞌoh. 11Nohni lubeshi ꞌulhꞌenne ꞌahli, ꞌet hoontsꞌi tꞌeoonahzun unzoo-i nohuzke gha tíhꞌalh. Dáwhulcho-i be ꞌon nus ndo yakꞌuz nohBá yoodulhkutne, unzoo-i bugha tiꞌalh. 12ꞋEt huwa ntsꞌenꞌa hukwaꞌ nahzun dune danohotilhꞌelh-un, whuz unꞌa nohni cha ꞌet ndúboolhꞌen. Moses be ꞌudustlꞌus ꞌinkꞌez nus hooꞌenne bubeꞌ ꞌudustlꞌus cha, ꞌet náhooltꞌoh nduwhútni.”
Datíh hoondat-un
13“Datíh hoondat-un ꞌet hukohdilh. Datíh ꞌinkꞌez ti hoontel-un, ꞌet kwuncho yo tsꞌu ti ꞌuhoontꞌoh ꞌinkꞌez lhane whuz whedilh. 14Datí-un hoondat ꞌinkꞌez ti ꞌilhiz be tsꞌukhuna-un ꞌet howa whulnaꞌ wheꞌ hoontꞌoh ꞌet huwa. ꞋAw lhane iloh nahuhóoꞌaih.”
Dune dahútꞌen-un, ꞌi be dahintꞌoh la tꞌebuntihzeh
15“Mbene la whutsꞌit be nus hooꞌenne naꞌdudilꞌi, ꞌenne buka huwahli! ꞋUsbai zuz be soo dintꞌohne, ꞌenne buyo tsꞌe yus ꞌukꞌenus ntsiꞌ-i, ꞌenne léꞌhintꞌoh. 16Dahútꞌen-un, ꞌi be tꞌebuntihzeh. Duje isdloo whus chun gha huyoonuyin eh? Kꞌus ndi mai, figs huyulhni, chuntoh whudutsꞌul-un whutoh huyoonuyin eh? ꞋAwúndooh! 17ꞋEt whuz unꞌa za duchun unzoo-i, ꞌi mai unzoo-i ooghu ha niyeh. Duchun mai untsiꞌ ootsꞌu ha núlhye. 18Duchun dalhjut-i, ꞌaw mai unzoo-i ooghu ha nóoyeh ꞌaitꞌoh. ꞋInkꞌez duchun dalhjut-i, ꞌaw mai unzoo-i ootsꞌu ha núlhyeh ꞌaítꞌoh. 19Duchun ꞌaw mai unzoo-i ooghu ha nooyeh ꞌaitꞌoh, nánuhidutselh ꞌinkꞌez hidilhkꞌun. 20ꞋEt huwa dune cha whuz unꞌa nduhintꞌoh. ꞋEt huwa la tꞌebunohzin.”
Yakꞌusda kꞌúnulheꞌustꞌenne, Jesus Christ oochꞌeꞌne lhuhiloh
21“ꞋAw tsꞌiyanne, ‘SMoodihti, sMoodihti,’ sulhnine, ꞌaw yakꞌuz kꞌuneꞌ tsꞌuwhulꞌen-un whuz hutooyaꞌ ꞌaitꞌoh. Mbe la ꞌuBá butsꞌo hukwaꞌ ninzun tuneꞌ ꞌutꞌenne, ꞌenne za yakꞌuz tsꞌe hutidulh. 22Mbene la njan dzin whusahooltsꞌut de, ‘SMoodihti sMoodihti, ꞌalha iloh lakw nyooziꞌ be nus tsꞌúhooꞌen? Nyooziꞌ be ntsiꞌ-i nududeh-i ꞌuyoonne bughu whe nátsꞌinanyoot! ꞋInkꞌez nyooziꞌ be huwa ꞌítꞌen tuneꞌ tsꞌutꞌen.’ 23Nduntꞌohne dune tsꞌiyawh budutásnelh, ‘ꞋAw tꞌenohnuzúszun. Schꞌa nasahdilh! Nohni ꞌaw ꞌukꞌu nulheꞌustꞌenne ꞌahtꞌoh!’”
Jesus Christ ooghuni soo cho whulh tsꞌooyin
24“ꞋEt huwa mbene la sghuni yoozilhtsꞌaine, ꞌinkꞌez daja dusni-un hukwꞌú neꞌhutꞌen, dune whunih-un duyoh tse kꞌut neooninꞌai, ꞌen kꞌunꞌa ꞌuhintꞌoh. 25ꞋEt ꞌawet nawhúnilhtan ꞌinkꞌez ootadiltꞌo, ꞌi njan yoh whutꞌaiznai. Nilhtsi ulhtus-i cha whudilhtsꞌut. ꞋEt hoontsꞌi ꞌaw lhonotinꞌal, tse kꞌut whuzꞌai ꞌet huwa. 26ꞋEt hoontsꞌi mbe la sghuni yuditsꞌone ꞌinkꞌez ꞌaw hikꞌu nulheꞌustꞌen de, dune whusni-un sai kꞌut neooninꞌaih, leꞌ ꞌuntꞌoh. 27ꞋAwet nawhúnilhtan ꞌinkꞌez dutadiltꞌo. Nilhtsi ulhtus-i cha whudilhtsꞌut, yoh nawhúnitai, ꞌinkꞌez wheóonujut whe whuntistai.”
28Jesus ndi khuni ye bubulh yailhduk, ꞌetsul ꞌudíja whe ꞌilhunaoosdilne buba hooncha. 29Soo oobaꞌ hoontꞌoh-un kꞌunꞌa whubodalhꞌeꞌ. Moses be ꞌudustlꞌus kꞌut ꞌukꞌu nunáguzne, ꞌaw whuz unꞌa hubulhodílhꞌel.
Currently Selected:
Matthew 7: crx
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.
Matthew 7
7
ꞋUyoonne ba nahoohyeh junih
1“ꞋUyoonne ba nahoohyeh junih. Doo ka si nohba nahoodeh. 2Ntsꞌenꞌa ꞌuyoonne ba nahahyeh, ꞌet whuz unꞌa nohba nahutideh. ꞋInkꞌez ntsꞌenꞌa ꞌuyoonne neꞌbulhꞌen de, whuz unꞌa za nohba ꞌukꞌelha whutaleh.
3Di ha nyulhutsin lhusyaz oona kꞌet diztan, ꞌi nilhꞌen, ꞌet hoontsꞌi ꞌaw tꞌeoonuzinzun nyunchꞌoh duchun cho nyuna kꞌet diztan? 4Ntsꞌenꞌa nyulhutsin ꞌudutánelh, ‘Nyuna kꞌeltsꞌut-i nyuna kꞌehanaóosꞌalh,’ ꞌinkꞌez nyunchꞌoh lhelcho-i nyuna kꞌet ꞌusꞌai-i ꞌaw lhnílhꞌen? 5Duba naꞌindzooꞌ! ꞋUdechoo lhelcho-i nyuna kꞌéltsꞌut-i, ꞌi cho nyuna kꞌéhanainꞌaih. ꞋEt de la soo whunilhꞌen whe oona kꞌéltsꞌut-i oona kꞌehanáyonꞌalh.
6Yakꞌusda ooghuni lubeshi ooghu hooloh-un, khun te lhike ndultꞌohne gha óohꞌalh junih. Kꞌus Yakꞌusda ye whúneodulhꞌeh-i, ꞌi kwꞌusul diztiꞌ-i, pearl huyulhni, khun gugoos butso naóolhdilh junih. Hikꞌu nutílhꞌus ꞌinkꞌez ꞌaho nohtsꞌu nálhya ꞌinkꞌez yanohodutálhchꞌulh.”
Yakꞌusda hukwa oodolhkut ꞌinkꞌez nohgha whútaꞌalh
7“ꞋEt nohdusni Yakꞌusda ndai la ooka yoodulhkut-i nohgha ítaꞌalh. Ookunáhta ꞌinkꞌez nahootáhꞌalh. Dati dunulhkwꞌuz ꞌinkꞌez nohba dáhaꞌ dutikwus. 8Yoodulhkutne, Yakꞌusda bugha whútaꞌalh. Hoonliyaz hukwunútane, nahahootáꞌalh. Dati dunulkwꞌuzne, Yakꞌusda buba dáhaꞌ dutitꞌelh.
9Mbene nohbáke nohtoh, ooyeꞌ lhes yutsꞌu ha ꞌutni de, tse yughá ndunoꞌalh ꞌaitꞌoh. 10Kꞌus lho yutsꞌu ha ꞌutni de, ꞌaw ꞌi kꞌet tlꞌughus yugha óotꞌelh ꞌaitꞌoh. 11Nohni lubeshi ꞌulhꞌenne ꞌahli, ꞌet hoontsꞌi tꞌeoonahzun unzoo-i nohuzke gha tíhꞌalh. Dáwhulcho-i be ꞌon nus ndo yakꞌuz nohBá yoodulhkutne, unzoo-i bugha tiꞌalh. 12ꞋEt huwa ntsꞌenꞌa hukwaꞌ nahzun dune danohotilhꞌelh-un, whuz unꞌa nohni cha ꞌet ndúboolhꞌen. Moses be ꞌudustlꞌus ꞌinkꞌez nus hooꞌenne bubeꞌ ꞌudustlꞌus cha, ꞌet náhooltꞌoh nduwhútni.”
Datíh hoondat-un
13“Datíh hoondat-un ꞌet hukohdilh. Datíh ꞌinkꞌez ti hoontel-un, ꞌet kwuncho yo tsꞌu ti ꞌuhoontꞌoh ꞌinkꞌez lhane whuz whedilh. 14Datí-un hoondat ꞌinkꞌez ti ꞌilhiz be tsꞌukhuna-un ꞌet howa whulnaꞌ wheꞌ hoontꞌoh ꞌet huwa. ꞋAw lhane iloh nahuhóoꞌaih.”
Dune dahútꞌen-un, ꞌi be dahintꞌoh la tꞌebuntihzeh
15“Mbene la whutsꞌit be nus hooꞌenne naꞌdudilꞌi, ꞌenne buka huwahli! ꞋUsbai zuz be soo dintꞌohne, ꞌenne buyo tsꞌe yus ꞌukꞌenus ntsiꞌ-i, ꞌenne léꞌhintꞌoh. 16Dahútꞌen-un, ꞌi be tꞌebuntihzeh. Duje isdloo whus chun gha huyoonuyin eh? Kꞌus ndi mai, figs huyulhni, chuntoh whudutsꞌul-un whutoh huyoonuyin eh? ꞋAwúndooh! 17ꞋEt whuz unꞌa za duchun unzoo-i, ꞌi mai unzoo-i ooghu ha niyeh. Duchun mai untsiꞌ ootsꞌu ha núlhye. 18Duchun dalhjut-i, ꞌaw mai unzoo-i ooghu ha nóoyeh ꞌaitꞌoh. ꞋInkꞌez duchun dalhjut-i, ꞌaw mai unzoo-i ootsꞌu ha núlhyeh ꞌaítꞌoh. 19Duchun ꞌaw mai unzoo-i ooghu ha nooyeh ꞌaitꞌoh, nánuhidutselh ꞌinkꞌez hidilhkꞌun. 20ꞋEt huwa dune cha whuz unꞌa nduhintꞌoh. ꞋEt huwa la tꞌebunohzin.”
Yakꞌusda kꞌúnulheꞌustꞌenne, Jesus Christ oochꞌeꞌne lhuhiloh
21“ꞋAw tsꞌiyanne, ‘SMoodihti, sMoodihti,’ sulhnine, ꞌaw yakꞌuz kꞌuneꞌ tsꞌuwhulꞌen-un whuz hutooyaꞌ ꞌaitꞌoh. Mbe la ꞌuBá butsꞌo hukwaꞌ ninzun tuneꞌ ꞌutꞌenne, ꞌenne za yakꞌuz tsꞌe hutidulh. 22Mbene la njan dzin whusahooltsꞌut de, ‘SMoodihti sMoodihti, ꞌalha iloh lakw nyooziꞌ be nus tsꞌúhooꞌen? Nyooziꞌ be ntsiꞌ-i nududeh-i ꞌuyoonne bughu whe nátsꞌinanyoot! ꞋInkꞌez nyooziꞌ be huwa ꞌítꞌen tuneꞌ tsꞌutꞌen.’ 23Nduntꞌohne dune tsꞌiyawh budutásnelh, ‘ꞋAw tꞌenohnuzúszun. Schꞌa nasahdilh! Nohni ꞌaw ꞌukꞌu nulheꞌustꞌenne ꞌahtꞌoh!’”
Jesus Christ ooghuni soo cho whulh tsꞌooyin
24“ꞋEt huwa mbene la sghuni yoozilhtsꞌaine, ꞌinkꞌez daja dusni-un hukwꞌú neꞌhutꞌen, dune whunih-un duyoh tse kꞌut neooninꞌai, ꞌen kꞌunꞌa ꞌuhintꞌoh. 25ꞋEt ꞌawet nawhúnilhtan ꞌinkꞌez ootadiltꞌo, ꞌi njan yoh whutꞌaiznai. Nilhtsi ulhtus-i cha whudilhtsꞌut. ꞋEt hoontsꞌi ꞌaw lhonotinꞌal, tse kꞌut whuzꞌai ꞌet huwa. 26ꞋEt hoontsꞌi mbe la sghuni yuditsꞌone ꞌinkꞌez ꞌaw hikꞌu nulheꞌustꞌen de, dune whusni-un sai kꞌut neooninꞌaih, leꞌ ꞌuntꞌoh. 27ꞋAwet nawhúnilhtan ꞌinkꞌez dutadiltꞌo. Nilhtsi ulhtus-i cha whudilhtsꞌut, yoh nawhúnitai, ꞌinkꞌez wheóonujut whe whuntistai.”
28Jesus ndi khuni ye bubulh yailhduk, ꞌetsul ꞌudíja whe ꞌilhunaoosdilne buba hooncha. 29Soo oobaꞌ hoontꞌoh-un kꞌunꞌa whubodalhꞌeꞌ. Moses be ꞌudustlꞌus kꞌut ꞌukꞌu nunáguzne, ꞌaw whuz unꞌa hubulhodílhꞌel.
© 2019, Wycliffe Bible Translators, Inc. All rights reserved.