PSALMS 114
AFR83

PSALMS 114

114
Die aarde moet bewe as die Here verskyn
1Toe Israel uit Egipte getrek het,
toe die nageslag van Jakob getrek het,
weg van die volk met die onverstaanbare taal af,
2het Juda sy gewyde besit geword
en Israel sy magsgebied.
3Die see het dit gesien en op die vlug geslaan,
die Jordaan het teruggedraai,
4die berge het rondgespring soos ramme,
die rante soos lammers.
5Wat is dit met jou, see, dat jy op die vlug slaan,
wat is dit, Jordaan, dat jy terugdraai,
6berge, dat julle soos ramme rondspring,
en julle, rante, soos lammers?
7Bewe, aarde, as die Here verskyn,
as die God van Jakob verskyn,
8Hy wat rots in waterkuile verander,
harde klip in fonteine.

Verskaf met die komplimente van die Bybelgenootskap van Suid-Afrika. © Bybelgenootskap van Suid-Afrika. Gebruik met toestemming. Alle regte voorbehou.

Ondersteun ons en word ‘n saaier van hoop.


Learn More About Afrikaans 1983