Sakaria 1
1
O Mea na Va‘aia e Sakaria
1O le valuga masina, o le lua o tausaga o Tariu, na tulei mai ai le afioga a le ALI‘I ‘iā Sakaria le perofeta le atali‘i o Parakaio, o le atali‘i ia o Ito, o lo‘o fa‘apea mai:#Esera 4.24—5.1; 6.14 2Sa matuā to‘asā le ALI‘I i o ‘outou tamā. 3‘E te fai atu fo‘i ‘iā te i latou, o lo‘o fa‘apea ‘ona fetalai mai o le ALI‘I o ‘au, ‘Ia ‘outou fo‘i mai ‘iā te a‘u, ‘ua fetalai mai ai le ALI‘I o ‘au; ‘ona ‘ou fo‘i atu lea ‘iā te ‘outou, ‘ua fetalai mai ai le ALI‘I o ‘au.#Isai 31.6; Iere 3.22; Eseki 18.30; Mika 7.19 4‘Aua tou te fa‘apei o ‘outou tamā, o ē na vala‘auina e perofeta anamua, na fa‘apea, “O lo‘o fa‘apea ‘ona fetalai mai o le ALI‘I o ‘au, ‘Inā fo‘i mai ia i o ‘outou ala leaga ma a ‘outou galuega leaga;” ‘Ae le‘i fa‘alogo mai i latou ma le‘i luai mai o latou taliga ‘iā te a‘u, ‘ua fetalai mai ai le ALI‘I. 5O ‘outou tamā po o fea o i ai i latou? O le ‘au perofeta fo‘i, e fa‘avavau ‘ea ‘ona ola o i latou? 6‘Ae peita‘i o a‘u ‘upu ma a‘u tulafono, na ‘ou poloa‘i atu ai i a‘u ‘au‘auna le ‘au perofeta, na lē maua atu ai ‘ea o ‘outou tamā? ‘ona latou fo‘i mai ai lea ma latou fai mai, “E pei ‘ona finagalo o le ALI‘I o ‘au, e fai ‘iā te i matou, e tusa ma o matou ala ma o matou galuega, ‘ua fa‘apea lava ‘ona faia e ia ‘iā te i matou.”#Teu 28.2, 15; Isai 40.8; Paru 2.17; Tani 9.6; Mata 24.35
O le Fa‘aaliga muamua: o Solofanua ma ē o ti‘eti‘e ai
7O le aso e luafulu ma le fa, o le masina e sefulu ma le tasi, o le masina o Sapata lea, o le tausaga e lua o Tariu, na tulei mai ai le afioga a le ALI‘I ‘iā Sakaria le perofeta le atali‘i o Parakaio, o le atali‘i ia o Ito, o lo‘o fa‘apea mai, 8Na ‘ou va‘ai i le po; fa‘auta fo‘i, o le tagata o lo‘o ti‘eti‘e i le solofanua mūmū, o lo‘o tu fo‘i o ia i le ulu atasi, i le paolo; o lo‘o i ona tua fo‘i o solofanua mūmū ma e ‘e‘efu ma e sisina.#Fa‘aa 6.2-8 9‘Ona ‘ou fai atu lea, “Le ali‘i e, o a ‘ea nei mea?”
‘Ua fai mai ‘iā te a‘u le agelu na ma tautala, “‘Ou te fa‘ailoa ‘iā te oe le uiga o nei mea.” 10‘Ona tali mai lea o le tagata sa tu i le ulu atasi, ‘ua fa‘apea mai, “O i latou ia ‘ua ‘a‘auina e le ALI‘I e feoa‘i i le lalolagi.”#Iopu 1.7; Epe 1.14
11‘Ona tali mai lea o i latou i le agelu a le ALI‘I, sa tu i le ulu atasi, ‘ua fa‘apea mai, “‘Ua matou feoa‘i lava i le lalolagi; fa‘auta fo‘i, o lo‘o nofonofo le lalolagi uma, ‘ua fīfīlemū lava.”
12‘Ona fai atu lea o le agelu a le ALI‘I, ‘ua fa‘apea atu, “Le ALI‘I o ‘au e, se‘i afea ‘ona e le alofa ‘iā Ierusalema ma ‘a‘ai o Iuta, ‘ua e to‘asā i ai i ia tausaga e fitugafulu?”#Sala 80.4; 102.13; Iere 25.11; 29.10-11
13‘Ua tali mai le ALI‘I i le agelu na ma tautala, i ‘upu lelei ma ‘upu fa‘amafanafana. 14‘Ua fai mai fo‘i ‘iā te a‘u le agelu na ma tautala, ‘Ia e ‘alaga, ‘ia fa‘apea atu, o lo‘o fa‘apea ‘ona fetalai mai o le ALI‘I o ‘au, ‘Ua ‘ou mā‘elegā ‘ona o Ierusalema ma Siona i le mā‘elegā tele. 15‘Ua ‘ou matuā ita lava i nu‘u ‘ese o ē nonofo fa‘afifilemū; auā na itiiti lo‘u ita a o i latou, ‘ua latou fa‘ateleina le malaia. 16O le mea lea, o lo‘o fa‘apea ‘ona fetalai mai ai o le ALI‘I, ‘Ua ‘ou fo‘i atu i Ierusalema ma le alofa; e fai ai lo‘u fale, ‘ua fetalai mai ai le ALI‘I o ‘au; e fa‘ata‘otoina fo‘i le fua i luga o Ierusalema.#Esera 6.14; Eseki 40.3; Saka 8.2-3
17‘Ia e toe ‘alaga, ‘ia fa‘apea atu, o lo‘o fa‘apea ‘ona fetalai mai o le ALI‘I o ‘au: E toe oso i tua ‘ou ‘a‘ai ‘ona o le manuia; e toe fa‘amafanafana le ALI‘I i Siona, na te toe filifili fo‘i ‘iā Ierusalema.
O le lua o Fa‘aaliga: o Nifo
18‘Ua ‘ou tepa a‘e fo‘i i luga, ‘ua ‘ou va‘ai, fa‘auta. O nifo e fa. 19‘Ona ‘ou fai atu lea i le agelu na ma tautala, “O a ‘ea ia mea?”
‘Ua fai mai o ia ‘iā te a‘u. “O mea ia, o nifo na fa‘ata‘ape‘apeina ai Iuta ma Isaraelu ma Ierusalema.”
20‘Ua fa‘aali mai fo‘i e le ALI‘I ‘iā te a‘u o tufuga e to‘afa. 21‘Ona ‘ou fai atu lea, “‘Ua ō mai i latou na e fai i ni a?”
‘Ua tali mai o ia, ‘ua fa‘apea mai, “O nifo ia na fa‘ata‘ape‘apeina ai Iuta, ‘ua o‘o ‘ina leai se tasi na ‘ea i luga lona ulu; a ‘ua ō mai i latou nei e fa‘amata‘u ‘iā te i latou, e lafo i lalo nifo o nu‘u ‘ese, e na si‘i i luga lo latou nifo i le lau‘ele‘ele o Iuta e fa‘ata‘ape‘apeina ai.”#Sala 75.4-5
Currently Selected:
Sakaria 1: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.