Fa‘aaliga 1
1
O le ‘Upu Tomua
1O le fa‘aaliga a Iesu Keriso, na tu‘uina atu e le Atua ‘iā te ia ‘ina ‘ia fa‘aali mai i ana ‘au‘auna o mea e tusa ‘ona vave o‘o mai, ‘ua ‘auina mai fo‘i e ia lana agelu e fa‘ailoa mai ai i lana ‘au‘auna o Ioane,#Tani 2.28-29 2o lē na molimau i le afioga a le Atua, ma le mau ‘iā Iesu Keriso o mea uma fo‘i na ia va‘aia. 3‘Amu‘ia lē faitau, ‘atoa ma ē fa‘alogologo i ‘upu o lenei valo‘aga, ma tausi i mea ‘ua tusia ai; auā ‘ua latalata ona pō.
O le Fa‘atalofa atu i Ekalesia e Fitu
4O a‘u o Ioane o la‘u tusi lenei i ekalesia e fitu o i Asia.
‘Ia ‘iā te ‘outou le alofa tunoa ma le manuia mai ‘iā te ia o lo‘o soifua, na soifua fo‘i, o le a afio mai; mai agaga fo‘i e to‘afitu o i luma o lona nofoāli‘i;#Eso 3.14; Fa‘aa 4.5 5mai ‘iā Iesu Keriso fo‘i, o le molimau fa‘amaoni, o le ulumatua o ē ‘ua oti ma le pule i tupu o le lalolagi.#Isai 55.4; Sala 89.27
O lē na alofa mai ‘iā te i tatou, na ia lavea‘i mai fo‘i ‘iā te i tatou ‘iā tatou agasala i lona lava toto, 6na ia faia fo‘i i tatou ma nu‘u fa‘atupu ma ositaulaga i lona Atua ma lona Tamā, ‘ia ‘iā te ia le vi‘iga ma le pule e fa‘avavau fa‘avavau lava. Amene.#Eso 19.6; Fa‘aa 5.10
7Fa‘auta, o lo‘o afio mai o ia ma ao, e iloa atu fo‘i o ia e mata o tagata uma, ‘atoa ma ē na tu‘ia o ia; e taufaitagitu‘i fo‘i itū‘āiga uma o le lalolagi ‘ona o ia. E moni, Amene.#Tani 7.13; Mata 24.30; Mare 13.26; Luka 21.27; 1 Tesa 4.17; Saka 12.10; Ioane 19.34, 37
8“O a‘u le Alefa ma le Omeka,” ‘ua fetalai mai ai le Ali‘i le Atua, o lo‘o soifua, na soifua fo‘i, o le a afio mai, e ona le malosi uma lava.#Fa‘aa 22.13; Eso 3.14
O le Fa‘aaliga a Keriso
9O a‘u o Ioane, o lo ‘outou uso ma lē ‘ua fa‘atasi ma ‘outou ‘iā Iesu i le puapuagā, ma le mālō, ‘atoa ma le ‘onosa‘i, na a‘u i le motu e igoa ‘iā Patamo ‘ona o le afioga a le Atua ma le mau ‘iā Iesu. 10Na ‘ou i le Agaga i le aso o le Ali‘i; ‘ona ‘ou fa‘alogo ai lea i o‘u tua i le leo tele e pei o se pū, 11‘ua fa‘apea mai, “O mea ‘e te va‘aia ‘ia e tusi i se tusi, ma avatu i ekalesia e fitu o Efeso, ma Semurana, ma Perekamo, ma Tuatira, ma Sarataisa, ma Filatelefaia, ma Laotikaia.”
12Na ‘ou fāliu atu e va‘ai i le leo na tautala mai ‘iā te a‘u; ‘ua ‘ou fāliu, ‘ona ‘ou iloa atu lea o tu‘ugāmolī auro e fitu. 13‘Ua i totonu fo‘i i tu‘ugāmolī e fitu le tasi e pei o le atali‘i o le tagata, ‘ua ‘ofu ia i le ‘ofu tātapuvae, ‘ua fusia fo‘i lona fatafata i le fusi auro.#Tani 7.13; 10.5 14‘Ua sinasina fo‘i lona ao ma ona lauao e pei o le fulufulu mamoe ‘ona sinasina, e pei o le kiona lava; o ona fofoga fo‘i e pei o le mumū o le afi;#Tani 7.9; 10.6 15ma ona vae e pei o le ‘apa pupula, e peiseaī ‘ua mū i le ‘ogāumu; o lona si‘ufofoga fo‘i e pei o le ta‘alili o vai e tele.#Eseki 1.24; 42.2 16‘Ua i lona ‘a‘ao taumatau o fetū e fitu; ‘ua alu atu fo‘i ai lona fofoga o le pelu e fa‘atauma‘ai ona itū e ma‘ama‘ai lava; o ona fofoga fo‘i e pei o le pupula o le lā ‘ina o mū toto‘a.
17‘Ua ‘ou iloa atu ‘iā te ia, ‘ona ‘ou pa‘ū ifo lea i ona vae e peiseaī ‘ua oti; a ‘ua ia fa‘ae‘e mai lona ‘a‘ao taumatau i luga ‘iā te a‘u, ‘ua fa‘apea mai ‘iā te a‘u, “‘Aua ‘e te fefe; O a‘u le muamua ma le mulimuli.#Isai 44.6; 48.12; Fa‘aa 2.8; 22.13 18O lē ola nei lava, sa ‘ou oti, fa‘auta fo‘i ‘ou te ola e fa‘avavau fa‘avavau lava; Amene, o ‘iā te a‘u fo‘i ki o le oti ma seoli. 19‘Ia e tusi i mea na e iloa, ma mea o i ai nei, ‘atoa ma mea e tutupu amulī.#Isai 48.6; Tani 2.29 20O le uiga lilo o fetū e fitu na e iloa i lo‘u lima taumatau, ma tu‘ugāmolī auro e fitu. O fetū e fitu o agelu ia a ekalesia E fitu; o tu‘ugāmolī fo‘i e fitu na e iloa, o ekalesia ia e fitu.#Mala 2.7; Tani 2.29
Currently Selected:
Fa‘aaliga 1: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.