Sirako 47
47
O Natano
1‘Ona tula‘i lea o Natano o le perofeta, i aso o Tavita. #2 Samu 7.12
O Tavita
2Fa‘apei ‘ona vavae‘eseina o le ga‘o mai le ‘a‘ano,
e fa‘apea ‘ona vavae‘eseina Tavita mai le fānauga o Isaraelu. #Levi 4.8
3Na ta‘alo o ia i leona i aso o lona taule‘ale‘a, e peiseaī o ni tama‘i mamoe;
e fa‘apea fo‘i i urosa, e peiseaī o ni tama‘i mamoe ‘ua tasi le tausaga. #1 Samu 17.34-37
4Pe na lē fasiotia ‘ea e ia le toa ma ‘ave‘esea ai le māsiasi o le nu‘u? #1 Samu 17
5‘Ua si‘i a‘e lona lima ma ‘ua ia fa‘ato‘ilaloina i le ma‘a,
o le ma‘a o le ma‘atā le fa‘amaualuga o Koliata.
6Auā ‘ua ia vala‘au atu i le Ali‘i, o le Silisili‘ese,
ma ‘ua foa‘iina mai i lona lima taumatau ‘ia faia‘ina ai le tagata malosi i le tau‘a,
ma ‘ia fa‘amaualugaina ai le nifo o lona nu‘u.
7O le mea lea ‘ua ta‘uta‘ua ai o ia i le sefulu o afe,
‘ua vi‘ia o ia ‘ona o fa‘amanuiaga a le Ali‘i,
‘ua tu‘uina atu ‘iā te ia le pale mamalu. #1 Samu 18.7; 2 Samu 5.1-3
8Auā ‘ua na fa‘aumatia le fili i itū uma, ‘ua na tatao i lalo le ‘au Filisitia loto leaga,
e o‘o mai i le aso nei, ‘ua na tu‘imomomo lo latou nifo e o‘o i le fa‘avavau.
9O ana galuega uma ‘ua ia fa‘afetai atu ai i le Pa‘ia,
o ana ‘upu ‘ua ia fa‘amamalu ai i le Silisili‘ese. #2 Samu 23.1
10Na ia vivi‘i atu i le Ali‘i ma lona loto ‘atoa, ‘ua na alofa atu i le Atua,
‘ua na faia o ia ma tu‘u mai ‘iā te ia le malosi e tete‘e atu i ona fili.
11‘Ua na tofia le ‘au faipese e tutū i luma o le fatafaitaulaga,
‘ua na lagi mai i o latou leo ni fati mālie. #1 No 16.4-7
12‘Ua na fa‘amamaluina o sauniga pa‘ia, ‘ua na tausi lelei i aso ma vaitausaga e o‘o i le fa‘ai‘uga o lona ola,
‘ina ‘ia vi‘ia ai le suafa pa‘ia o le Ali‘i ma ‘ia āfua mai i le vaveao ona ta‘alili i pese le malumalu o le Atua.
13Na sōloi‘esea e le Ali‘i ana agasala ma ‘ua na fa‘amaualugaina lona nifo e o‘o i le fa‘avavau;
ma ‘ua tu‘u mai ‘iā te ia le tofi o le tupu ma le nofoāli‘i mamalu o Isaraelu. #2 Samu 12.13, 24-25; 7.1
O Solomona
14‘Ua soloa‘i ane ‘iā te ia lona atali‘i ‘ua tumu i le poto
ma ‘ua fa‘aumatia le malosi uma o le fili ‘ona o ia.
15Na fai Solomona ma tupu i aso manuia, na tu‘uina i lalo e le Atua ona fili uma,
‘ina ‘ia ati a‘e e ia se maota i lona suafa ma ia saunia e ia se malumalu e fa‘avavau.
Ma‘eu le a‘oa‘oina o oe i aso o lou taule‘ale‘a, #1 Tu 5.3—5.6
16ma ‘ua fa‘atumuina oe i le poto e pei o se vaitafe.
Na so‘o le lalolagi i lou atamai,
17na e fa‘ateleina o ‘upu lilo ma fa‘ata‘oto.
Na ‘avea lou igoa e o‘o atu i motu mamao ma ‘ua alofagia oe i lou mālō filemū.
18O au pese, o au fa‘ata‘oto, o au fa‘atusa ma au fa‘amatalaga na ofo ai le lalolagi. #1 Tu 10.1-10
19Na ofo fo‘i i le suafa o le Ali‘i le Atua, lē ‘ua fa‘aigoaina le Atua o Isaraelu.
20‘Ua e fa‘aputuina le auro e pei o le ‘apa,
‘ua e fa‘ateleina le ario e pei o le pulu. #1 Tu 10.11, 27
21‘Ona e punou ai lea i fafine, ‘ua fa‘apologaina oe e lou tino. #1 Tu 11.1-13
22‘Ua e fa‘a‘ele‘elea lou mamalu, ‘ua e fa‘aleagaina lou gafa,
‘ua e fa‘atō ifo le to‘asā i luga o lau fānau, e tigā i latou ‘ona o lou fa‘avalea.
23‘Ua e fa‘atupuina le vaeluaina o le mālō ma le pule‘aga faigatā i le pule mai o Efaraima. #1 Tu 12
24‘Ae le tu‘ulafoa‘i e le Atua lona agaalofa, na te lē fa‘aleagaina ma sōloi‘esea ana galuega,
na te lē fa‘aumatia i lo latou tupu‘aga o fānau a lē na ia filifilia,
na te lē sōloi‘esea le gafa o lē alofa i le Ali‘i. #Sala 89.30-37
25‘Ua na tu‘u mai ni ē totoe o Iakopo, o le tātupu mai le a‘a o Tavita. #Isai 4.3
O Reopoamo
26Ma ‘ua mapu o Solomona fa‘atasi ma ona tua‘ā, #1 Tu 12
27ma ‘ua na tu‘u mai lona atali‘i e soloa‘i ane ‘iā te ia, lē na fa‘aoso le valea o le nu‘u.
28O Reopoamo, ‘ua leai sona mafaufau,
‘ua na fa‘ate‘a le nu‘u ‘ona o lana taupulepulega.
O Ierepoamo
29O Ierepoamo, le atali‘i o Nepata,
o lē na fa‘aoso ‘iā Isaraelu i le agasala ma tatala ‘iā Efaraima le ala o le solitulafono. Ma ‘ua fa‘ateleina anoanoa‘i a latou agasala. #1 Tu 12.26-33; 13.33-34; 2 Tu 17.21-23
30‘Ua matuā tuli‘eseina ai i latou mai lo latou lau‘ele‘ele,
31ma ‘ua latou tuliloa i amio leaga uma, se‘ia o‘o mai ‘iā te i latou le fa‘asalaga,
na lavea‘iina ai i latou a‘i a latou agasala uma.
Currently Selected:
Sirako 47: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.