Roma 4
4
Na Ta‘uamiotonuina Aperaamo i le Fa‘atuatua
1O lenei, pe se a sa tatou ‘upu i mea na maua i la le tino e lo tatou tamā o Aperaamo? 2Auā ‘ana ta‘uamiotonuina Aperaamo i galuega, po ‘ua ‘iā te ia se mea e mitamita ai; a ‘ua leai i luma o le Atua. 3Auā se a ‘ea ‘ua fai mai ai le Tusi? “Na fa‘atuatua Aperaamo i le Atua, ‘ona ta‘ua ai lea ‘iā te ia ē fai ma amiotonu.”#Kene 15.6; Kala 3.6 4A o le totogi o le faigaluega, e lē ta‘ua lea o le alofa tunoa, a o le taui lava. 5A o lē ‘ua lē galue, ‘ae fa‘atuatua i lē na te ta‘uamiotonu ma lē ‘ua fa‘alēmata‘u, ‘ua ta‘ua lona fa‘atuatua o le amiotonu. 6Fa‘apei ‘ona fa‘a‘amu‘ia fo‘i e Tavita o le tagata ‘ua ta‘ua i ai e le Atua le amiotonu, e lē o i ai galuega:
7“‘Amu‘ia e ‘ua fa‘amāgaloina o latou solitulafono,#Sala 32.1-2
ma ‘ua ufitia a latou agasala.
8‘Amu‘ia le tagata e lē ta‘usalaina o ia e le Ali‘i.”
9O lenei, pe gata ‘ea i lē ‘ua peritomeina lenei fa‘a‘amu‘ia? E lē o‘o fo‘i ‘ea i lē ‘ua lē peritomeina? Auā ‘ua fa‘apea i tatou, “‘Ua ta‘ua le fa‘atuatua o Aperaamo o le amiotonu.” 10Pe na ta‘ua ‘ina ‘ua a? ‘Ina ‘ua peritomeina ‘ea o ia, pe le‘i peritomeina? E le‘i ta‘ua ‘ina ‘ua peritomeina, a ‘ua ta‘ua ‘ina ‘ua lē peritomeina. 11‘Ua na maua fo‘i le fa‘ailoga o le peritome, o le fa‘amaoni mai lea o le amiotonu i le fa‘atuatua a o le‘i peritomeina o ia; ‘ina ‘ia ‘avea o ia ma tamā o ē fa‘atuatua uma lava o ē lē peritomeina; ia ta‘uamiotonuina i latou fo‘i;#Kene 17.10 12ia fai fo‘i ma tamā o ē ‘ua peritomeina, e lē gata lava i ē ‘ua peritomeina, ‘ae peita‘i o ē sāvavali i tulagāvae o le fa‘atuatua o lo tatou tamā o Aperaamo, a o le‘i peritomeina o ia.
O le Folafolaga a le Atua e Talia i le Fa‘atuatua
13Auā e le‘i folafolaina atu ‘iā Aperaamo, po o lana fānau, e fai mōna tofi le lalolagi i le tulafono, ‘ae maua i le amiotonu ‘ua i le fa‘atuatua.#Kene 17.4-6; 22.17-18; Kala 3.19 14Auā pe ‘āfai ‘ua tofia ē ‘ua i le tulafono, ‘ua fa‘alēaogāina ai le fa‘atuatua, na fa‘alēi‘ua fo‘i le folafolaga.#Kala 3.18 15Auā o le tulafono e tupu mai ai le to‘asā; auā pe a leai se tulafono, na leai sē soli i ai.
16O le mea lea e maua ai i le fa‘atuatua le mea na folafolaina, ‘ina ‘ia maua i le alofa tunoa; ‘ina ‘ia tumau lea i le ‘āiga uma lava, e lē tuli i lē ‘ua i le tulafono, ‘ae o‘o i lē ‘ua i le fa‘atuatua o Aperaamo, o le tamā o ia o i tatou uma lava,#Kala 3.7 17pei ‘ona tusia, “‘Ua ‘ou tofia oe e fai ma tamā o nu‘u e tele.” i luma o le Atua, o lea na ia fa‘atuatua i ai, o le fa‘aola ia o ē ‘ua oti, ma lē na te vala‘auina mea ‘ua leai, peiseaī ‘ua i ai.#Kene 17.5 18Na ia fa‘atuatua ma le fa‘amoemoe, a ‘ua leai se mea e fa‘amoemoe i ai, ‘ina ‘ia ‘avea o ia ma “tamā o nu‘u e tele,” pei ‘ona fetalai mai, “E fa‘apea lava lau fānau.”#Kene 15.5 19E le‘i vaivai fo‘i lona fa‘atuatua, e le‘i manatu fo‘i i lona tino ‘ua oti, po ‘ua selau ona tausaga, ma le manava fo‘i o Sara ‘ua oti;#Kene 17.17 20e le‘i masalo vale ia ma le lē fa‘atuatua i le mea na folafolaina e le Atua, a ‘ua malosi tele o ia i le fa‘atuatua ‘ua vivi‘i atu i le Atua. 21‘Ua na mautinoa fo‘i, e mafai ‘iā te ia ‘ona faia o le mea na folafolaina e ia. 22O lea fo‘i “‘ua ta‘ua ai lona fa‘atuatua o le amiotonu.” 23‘Ae le‘i tusia ‘ona o ia lava, “‘Ua ta‘ua ‘iā te ia;” 24peita‘i ‘ona o i tatou fo‘i, o le a ta‘ua i ai, o i tatou o ē fa‘atuatua i lē na fa‘atū mai i lo tatou Ali‘i o Iesu nai ē ‘ua oti; 25na tu‘uina mai o ia ‘ona o a tatou agasala, ma toe fa‘atūina mai ‘ina ‘ia ta‘uamiotonuina ai i tatou.#Isai 53.4-5
Currently Selected:
Roma 4: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
Roma 4
4
Na Ta‘uamiotonuina Aperaamo i le Fa‘atuatua
1O lenei, pe se a sa tatou ‘upu i mea na maua i la le tino e lo tatou tamā o Aperaamo? 2Auā ‘ana ta‘uamiotonuina Aperaamo i galuega, po ‘ua ‘iā te ia se mea e mitamita ai; a ‘ua leai i luma o le Atua. 3Auā se a ‘ea ‘ua fai mai ai le Tusi? “Na fa‘atuatua Aperaamo i le Atua, ‘ona ta‘ua ai lea ‘iā te ia ē fai ma amiotonu.”#Kene 15.6; Kala 3.6 4A o le totogi o le faigaluega, e lē ta‘ua lea o le alofa tunoa, a o le taui lava. 5A o lē ‘ua lē galue, ‘ae fa‘atuatua i lē na te ta‘uamiotonu ma lē ‘ua fa‘alēmata‘u, ‘ua ta‘ua lona fa‘atuatua o le amiotonu. 6Fa‘apei ‘ona fa‘a‘amu‘ia fo‘i e Tavita o le tagata ‘ua ta‘ua i ai e le Atua le amiotonu, e lē o i ai galuega:
7“‘Amu‘ia e ‘ua fa‘amāgaloina o latou solitulafono,#Sala 32.1-2
ma ‘ua ufitia a latou agasala.
8‘Amu‘ia le tagata e lē ta‘usalaina o ia e le Ali‘i.”
9O lenei, pe gata ‘ea i lē ‘ua peritomeina lenei fa‘a‘amu‘ia? E lē o‘o fo‘i ‘ea i lē ‘ua lē peritomeina? Auā ‘ua fa‘apea i tatou, “‘Ua ta‘ua le fa‘atuatua o Aperaamo o le amiotonu.” 10Pe na ta‘ua ‘ina ‘ua a? ‘Ina ‘ua peritomeina ‘ea o ia, pe le‘i peritomeina? E le‘i ta‘ua ‘ina ‘ua peritomeina, a ‘ua ta‘ua ‘ina ‘ua lē peritomeina. 11‘Ua na maua fo‘i le fa‘ailoga o le peritome, o le fa‘amaoni mai lea o le amiotonu i le fa‘atuatua a o le‘i peritomeina o ia; ‘ina ‘ia ‘avea o ia ma tamā o ē fa‘atuatua uma lava o ē lē peritomeina; ia ta‘uamiotonuina i latou fo‘i;#Kene 17.10 12ia fai fo‘i ma tamā o ē ‘ua peritomeina, e lē gata lava i ē ‘ua peritomeina, ‘ae peita‘i o ē sāvavali i tulagāvae o le fa‘atuatua o lo tatou tamā o Aperaamo, a o le‘i peritomeina o ia.
O le Folafolaga a le Atua e Talia i le Fa‘atuatua
13Auā e le‘i folafolaina atu ‘iā Aperaamo, po o lana fānau, e fai mōna tofi le lalolagi i le tulafono, ‘ae maua i le amiotonu ‘ua i le fa‘atuatua.#Kene 17.4-6; 22.17-18; Kala 3.19 14Auā pe ‘āfai ‘ua tofia ē ‘ua i le tulafono, ‘ua fa‘alēaogāina ai le fa‘atuatua, na fa‘alēi‘ua fo‘i le folafolaga.#Kala 3.18 15Auā o le tulafono e tupu mai ai le to‘asā; auā pe a leai se tulafono, na leai sē soli i ai.
16O le mea lea e maua ai i le fa‘atuatua le mea na folafolaina, ‘ina ‘ia maua i le alofa tunoa; ‘ina ‘ia tumau lea i le ‘āiga uma lava, e lē tuli i lē ‘ua i le tulafono, ‘ae o‘o i lē ‘ua i le fa‘atuatua o Aperaamo, o le tamā o ia o i tatou uma lava,#Kala 3.7 17pei ‘ona tusia, “‘Ua ‘ou tofia oe e fai ma tamā o nu‘u e tele.” i luma o le Atua, o lea na ia fa‘atuatua i ai, o le fa‘aola ia o ē ‘ua oti, ma lē na te vala‘auina mea ‘ua leai, peiseaī ‘ua i ai.#Kene 17.5 18Na ia fa‘atuatua ma le fa‘amoemoe, a ‘ua leai se mea e fa‘amoemoe i ai, ‘ina ‘ia ‘avea o ia ma “tamā o nu‘u e tele,” pei ‘ona fetalai mai, “E fa‘apea lava lau fānau.”#Kene 15.5 19E le‘i vaivai fo‘i lona fa‘atuatua, e le‘i manatu fo‘i i lona tino ‘ua oti, po ‘ua selau ona tausaga, ma le manava fo‘i o Sara ‘ua oti;#Kene 17.17 20e le‘i masalo vale ia ma le lē fa‘atuatua i le mea na folafolaina e le Atua, a ‘ua malosi tele o ia i le fa‘atuatua ‘ua vivi‘i atu i le Atua. 21‘Ua na mautinoa fo‘i, e mafai ‘iā te ia ‘ona faia o le mea na folafolaina e ia. 22O lea fo‘i “‘ua ta‘ua ai lona fa‘atuatua o le amiotonu.” 23‘Ae le‘i tusia ‘ona o ia lava, “‘Ua ta‘ua ‘iā te ia;” 24peita‘i ‘ona o i tatou fo‘i, o le a ta‘ua i ai, o i tatou o ē fa‘atuatua i lē na fa‘atū mai i lo tatou Ali‘i o Iesu nai ē ‘ua oti; 25na tu‘uina mai o ia ‘ona o a tatou agasala, ma toe fa‘atūina mai ‘ina ‘ia ta‘uamiotonuina ai i tatou.#Isai 53.4-5
Currently Selected:
:
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.