Roma 3
3
‘Ua Nofo Sala Tagata Uma
1O lenei, se a ‘ea se mea e sili ai le Iutaia? pe aogā i ni a le peritome? 2E tele lava i mea uma; ‘ae muamua lenei, ‘ona ‘ua tu‘uina atu ‘iā te i latou o afioga a le Atua.#Roma 9.4; Teu 4.7, 8; Sala 147.19, 20; 103.7; 1 Pete 4.11 3A fa‘apefea? ‘āfai ‘ua lē fa‘amaoni nisi, pe fa‘alēaogāina ‘ea le fa‘amaoni o le Atua i lo latou lē fa‘amaoni? 4‘Aua ne‘i fa‘apea, ia tu‘u le fa‘amaoni i le Atua, a o le pepelo i tagata uma lava; pei ‘ona tusia,#Sala 116.11; 51.4
“‘Ina ‘ia ta‘uamiotonuina oe i au afioga,
ma ia ē mālō pe a fa‘amasinoina oe.”
5‘Ae ‘āfai o fa‘aalitinoina le amiotonu a le Atua i la tatou amioletonu, se a ‘ea sa tatou ‘upu e fai? ‘Ua amioletonu ‘ea le Atua, o lē na te tu‘uina mai le to‘asā? (O ‘upu a tagata ‘ou te fai atu ai nei.) 6‘Aua ne‘i fa‘apea; a fa‘apea, pe fa‘apefea ‘ona fa‘amasinoina le lalolagi e le Atua?
7Auā a fa‘ateleina le fa‘amaoni o le Atua e tupu ai lona vi‘iga ‘ona o lo‘u pepelo, e fa‘amasinoina a‘u i se a, pei o sē ‘ua agasala? 8A o lē se‘i fa‘apea ‘ea, (pei ‘ona ‘upuleagaina i matou, pei ‘ona fai ane fo‘i e nisi, ‘ua fa‘apea la matou ‘upu,) “‘Ia tatou fai mea leaga, ‘ina ‘ia tupu ai mea lelei?” E tusa ai la latou sala.
E Leai se isi e Amiotonu
9O lenei, pe fa‘apefea? ‘ua matou silisili ‘ea? E leai lava; auā ‘ua uma ‘ona molia e i tatou o Iutaia ‘atoa ma Eleni, o lo‘o nofo sala i latou uma lava;. 10fa‘apei ‘ona tusia:#Sala 14.1-3; 53.2-4
“E leai sē amiotonu, e leai lava se tasi,
11e leai se na te lagona,
e leai sē sā‘ili i le Atua.
12‘Ua latou ō ‘ese uma lava,
‘ua leaga fa‘atasi i latou,
e leai sē ‘ua amio lelei, ‘ua leai lava se tasi.”
13“‘Ua se tu‘ugamau ‘ua fa‘amaga o latou fa‘aī,#Sala 5.9; 140.3
‘ua ‘ole‘ole o latou laulaufaiva.”
“O i o latou laugutu le mea ‘o‘ona o le asipi.”
14“‘Ua tumu o latou gutu i le fetu‘u ma le ‘upu fa‘afiufiu.”#Sala 10.7
15“‘Ua tele vavave o latou vae e sasa‘a ai le toto,#Isai 59.7-8
16o i o latou ala le olopalaina ma le puapuagātia;
17‘ua latou lē iloa fo‘i le ala o le manuia.”
18“E leai lava so latou mata‘u i le Atua.”#Sala 36.1
19O lenei, ‘ua tatou iloa, o mea uma ‘ua fai mai e le tulafono, ‘ua fai mai lava i ē ‘ua i ai le tulafono, ‘ina ‘ia punitia ai gutu uma lava, ma ‘ia nofo sala le lalolagi uma i luma o le Atua.#Roma 2.12; Kala 3.22 20Auā “e lē ta‘uamiotonuina se tagata e to‘atasi i ona luma” i galuega o le tulafono; auā o le tulafono e iloa lelei ai le agasala.#Kala 2.16; Sala 143.2; Roma 7.7
O le Ta‘uamiotonuina i le Fa‘atuatua
21A o lenei, ‘ua fa‘aalia mai le amiotonu a le Atua, e lē o i ai le tulafono, ‘ua molimau i ai e le tulafono ‘atoa ma le ‘au perofeta; 22o le amiotonu lea a le Atua i le fa‘atuatua ia Iesu Keriso, e o‘o i tagata uma, mo tagata uma fo‘i o ē fa‘atuatua; auā e lē ‘ese‘ese lava. 23Auā ‘ua agasala tagata uma lava, ma ‘ua lē o‘o i le mamalu o le Atua; 24‘ua ta‘uamiotonuina fua i lona alofa tunoa i le togiola e a Keriso Iesu,#Roma 5.1; Efe 2.8 25o lē ‘ua tu‘uina mai i luma e le Atua, o le taulaga mo agasala i lona toto;#3.25 o le taulaga mo agasala i lona toto: po o o lona maliu faitaulaga. e maua i le fa‘atuatua ‘ina ‘ia fa‘aalitinoina mai lana amiotonu i le lē tauia o agasala ‘ua mavae, i le fa‘apalepale o le Atua; 26‘ina ‘ia fa‘aalitinoina mai fo‘i lana amiotonu i ona po nei, ‘ina ‘ia iloa ai o ia o lē amiotonu, ‘ina ‘ua ta‘uamiotonuina e ia lē ‘ua fa‘atuatua ‘iā Iesu.
27O lenei, o ifea le mitamita? ‘Ua vaoia. I se fea tulafono? O le tulafono i galuega ‘ea? E leai, a o le tulafono i le fa‘atuatua.#1 Kori 1.9, 31 28O lenei, ‘ua tatou tāofi, e ta‘uamiotonuina le tagata i le fa‘atuatua, e lē o i ai galuega o le tulafono. 29Po o le Atua ‘ea o le Atua na o Iutaia. E lē ‘atoa ‘ea fo‘i ma nu‘u ‘ese? Ioe, ‘atoa fo‘i ma nu‘u ‘ese. 30Auā fo‘i o le Atua e tasi lava na te ta‘uamiotonuina i le fa‘atuatua lē ‘ua peritomeina, ‘atoa ma lē ‘ua lē peritomeina, ‘ua i ai le fa‘atuatua.#Teu 6.4; Kala 3.20 31O lenei, e fa‘alēaogā ‘ea e i tatou le tulafono i le fa‘atuatua? ‘Aua ne‘i fa‘apea; a ‘ua tatou fa‘atumauina ai le tulafono.#Roma 4.3; 8.4; Mata 5.17
Currently Selected:
Roma 3: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
Roma 3
3
‘Ua Nofo Sala Tagata Uma
1O lenei, se a ‘ea se mea e sili ai le Iutaia? pe aogā i ni a le peritome? 2E tele lava i mea uma; ‘ae muamua lenei, ‘ona ‘ua tu‘uina atu ‘iā te i latou o afioga a le Atua.#Roma 9.4; Teu 4.7, 8; Sala 147.19, 20; 103.7; 1 Pete 4.11 3A fa‘apefea? ‘āfai ‘ua lē fa‘amaoni nisi, pe fa‘alēaogāina ‘ea le fa‘amaoni o le Atua i lo latou lē fa‘amaoni? 4‘Aua ne‘i fa‘apea, ia tu‘u le fa‘amaoni i le Atua, a o le pepelo i tagata uma lava; pei ‘ona tusia,#Sala 116.11; 51.4
“‘Ina ‘ia ta‘uamiotonuina oe i au afioga,
ma ia ē mālō pe a fa‘amasinoina oe.”
5‘Ae ‘āfai o fa‘aalitinoina le amiotonu a le Atua i la tatou amioletonu, se a ‘ea sa tatou ‘upu e fai? ‘Ua amioletonu ‘ea le Atua, o lē na te tu‘uina mai le to‘asā? (O ‘upu a tagata ‘ou te fai atu ai nei.) 6‘Aua ne‘i fa‘apea; a fa‘apea, pe fa‘apefea ‘ona fa‘amasinoina le lalolagi e le Atua?
7Auā a fa‘ateleina le fa‘amaoni o le Atua e tupu ai lona vi‘iga ‘ona o lo‘u pepelo, e fa‘amasinoina a‘u i se a, pei o sē ‘ua agasala? 8A o lē se‘i fa‘apea ‘ea, (pei ‘ona ‘upuleagaina i matou, pei ‘ona fai ane fo‘i e nisi, ‘ua fa‘apea la matou ‘upu,) “‘Ia tatou fai mea leaga, ‘ina ‘ia tupu ai mea lelei?” E tusa ai la latou sala.
E Leai se isi e Amiotonu
9O lenei, pe fa‘apefea? ‘ua matou silisili ‘ea? E leai lava; auā ‘ua uma ‘ona molia e i tatou o Iutaia ‘atoa ma Eleni, o lo‘o nofo sala i latou uma lava;. 10fa‘apei ‘ona tusia:#Sala 14.1-3; 53.2-4
“E leai sē amiotonu, e leai lava se tasi,
11e leai se na te lagona,
e leai sē sā‘ili i le Atua.
12‘Ua latou ō ‘ese uma lava,
‘ua leaga fa‘atasi i latou,
e leai sē ‘ua amio lelei, ‘ua leai lava se tasi.”
13“‘Ua se tu‘ugamau ‘ua fa‘amaga o latou fa‘aī,#Sala 5.9; 140.3
‘ua ‘ole‘ole o latou laulaufaiva.”
“O i o latou laugutu le mea ‘o‘ona o le asipi.”
14“‘Ua tumu o latou gutu i le fetu‘u ma le ‘upu fa‘afiufiu.”#Sala 10.7
15“‘Ua tele vavave o latou vae e sasa‘a ai le toto,#Isai 59.7-8
16o i o latou ala le olopalaina ma le puapuagātia;
17‘ua latou lē iloa fo‘i le ala o le manuia.”
18“E leai lava so latou mata‘u i le Atua.”#Sala 36.1
19O lenei, ‘ua tatou iloa, o mea uma ‘ua fai mai e le tulafono, ‘ua fai mai lava i ē ‘ua i ai le tulafono, ‘ina ‘ia punitia ai gutu uma lava, ma ‘ia nofo sala le lalolagi uma i luma o le Atua.#Roma 2.12; Kala 3.22 20Auā “e lē ta‘uamiotonuina se tagata e to‘atasi i ona luma” i galuega o le tulafono; auā o le tulafono e iloa lelei ai le agasala.#Kala 2.16; Sala 143.2; Roma 7.7
O le Ta‘uamiotonuina i le Fa‘atuatua
21A o lenei, ‘ua fa‘aalia mai le amiotonu a le Atua, e lē o i ai le tulafono, ‘ua molimau i ai e le tulafono ‘atoa ma le ‘au perofeta; 22o le amiotonu lea a le Atua i le fa‘atuatua ia Iesu Keriso, e o‘o i tagata uma, mo tagata uma fo‘i o ē fa‘atuatua; auā e lē ‘ese‘ese lava. 23Auā ‘ua agasala tagata uma lava, ma ‘ua lē o‘o i le mamalu o le Atua; 24‘ua ta‘uamiotonuina fua i lona alofa tunoa i le togiola e a Keriso Iesu,#Roma 5.1; Efe 2.8 25o lē ‘ua tu‘uina mai i luma e le Atua, o le taulaga mo agasala i lona toto;#3.25 o le taulaga mo agasala i lona toto: po o o lona maliu faitaulaga. e maua i le fa‘atuatua ‘ina ‘ia fa‘aalitinoina mai lana amiotonu i le lē tauia o agasala ‘ua mavae, i le fa‘apalepale o le Atua; 26‘ina ‘ia fa‘aalitinoina mai fo‘i lana amiotonu i ona po nei, ‘ina ‘ia iloa ai o ia o lē amiotonu, ‘ina ‘ua ta‘uamiotonuina e ia lē ‘ua fa‘atuatua ‘iā Iesu.
27O lenei, o ifea le mitamita? ‘Ua vaoia. I se fea tulafono? O le tulafono i galuega ‘ea? E leai, a o le tulafono i le fa‘atuatua.#1 Kori 1.9, 31 28O lenei, ‘ua tatou tāofi, e ta‘uamiotonuina le tagata i le fa‘atuatua, e lē o i ai galuega o le tulafono. 29Po o le Atua ‘ea o le Atua na o Iutaia. E lē ‘atoa ‘ea fo‘i ma nu‘u ‘ese? Ioe, ‘atoa fo‘i ma nu‘u ‘ese. 30Auā fo‘i o le Atua e tasi lava na te ta‘uamiotonuina i le fa‘atuatua lē ‘ua peritomeina, ‘atoa ma lē ‘ua lē peritomeina, ‘ua i ai le fa‘atuatua.#Teu 6.4; Kala 3.20 31O lenei, e fa‘alēaogā ‘ea e i tatou le tulafono i le fa‘atuatua? ‘Aua ne‘i fa‘apea; a ‘ua tatou fa‘atumauina ai le tulafono.#Roma 4.3; 8.4; Mata 5.17
Currently Selected:
:
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.