Roma 16
16
O Alofa‘aga a Paulo
1‘Ou te fa‘ailoa atu ‘iā te ‘outou lo tatou tuafafine o Fipe, o le tiakono lea o le ekalesia o i Kenikerea; 2‘ina ‘ia talia o ia e ‘outou i le Ali‘i, fa‘apei ‘ona tatau i le ‘au pa‘ia, ‘ia ‘outou fesoasoani fo‘i ‘iā te ia i se mea a ‘outou e aogā ‘iā te ia; auā fo‘i e to‘atele ‘ua ia fesoasoani i ai, ‘atoa ma a‘u nei.
3‘Ua ‘ou alofa atu ‘iā Pisila ma Akula, na la fai galuega fa‘atasi ma a‘u i le galuega a Keriso Iesu. #Galu 18.2, 18, 26 4O i lā‘ua ia na la tu‘u atu o la ola e sui ai a‘u, ia a‘u ola; e lē na o a‘u e fa‘afetai ‘iā te i lā‘ua, ‘ae ‘atoa ma ekalesia uma i nu‘u ‘ese, 5‘Ua ‘ou alofa atu fo‘i i le ekalesia o i lo lā‘ua fale.
‘Ua ‘ou alofa atu ‘iā Epaineto, o le pele a a‘u, o le fa‘apolopolo o ia ‘iā Keriso i Akaia. #1 Kori 16.15, 19 6‘Ua ‘ou alofa atu ‘iā Maria, o lē na galue tele mo ‘outou. 7‘Ua ‘ou alofa atu ia Aneroniko ma Iunia, o o‘u ‘āiga, sa matou fa‘atasi ma a‘u i le fale puipui; ‘ua logoleleia i lā‘ua e ‘aposetolo, sa la i ai ‘iā Keriso na muamua ‘iā te a‘u.#2 Kori 8.23
8‘Ua ‘ou alofa atu ‘iā Amepelia, o le pele a a‘u i le Ali‘i. 9‘Ua ‘ou alofa atu ‘iā Upano, lē na galue fa‘atasi ma i matou i le galuega a Keriso; o Sataku fo‘i o le pele a a‘u. 10‘Ua ‘ou alofa atu ‘iā Apele, ‘ua ta‘uleleia o ia o ‘iā Keriso. ‘Ua ‘ou alofa atu i sa Arisopulō. 11‘Ua ‘ou alofa atu ‘iā Herotiona, mā te ‘āiga. ‘Ua ‘ou alofa atu i ē o sa Nakisō, o ē ‘ua i le Ali‘i.
12‘Ua ‘ou alofa atu ‘iā Tufaina ma Tufosa, o fafine na galulue i la le Ali‘i. ‘Ua ‘ou alofa atu ‘iā Peseti, o le pele, o lē na galue tele i la le Ali‘i. 13‘Ua ‘ou alofa atu ‘iā Rufo, na filifilia e le Ali‘i, i le ma lona tinā, o lo‘u tinā fo‘i lea. #Mare 15.21 14‘Ua ‘ou alofa atu ‘iā Asugerito, ma Fegona, ma Herema, ma Pateropa, ma Heremea, ma le ‘au uso o ‘iā te i latou. 15‘Ua ‘ou alofa atu ‘iā Filoloko ma Iulia, o Nereu fo‘i ma lona tuafafine, ma Olumepa, ma le ‘au pa‘ia ‘atoa uma o ‘iā te i latou.
16‘Ia ‘outou fealofani i le feasogi pa‘ia. O lo‘o alolofa atu ‘iā te ‘outou ekalesia a Keriso. #1 Kori 16.20; 1 Pete 5.14
O Fa‘atonuga Mulimuli
17‘Ou te ‘ai‘oi atu fo‘i ‘iā te ‘outou, le ‘au uso e, ‘ia ‘outou va‘ava‘ai i ē fa‘atupu fēvaevaea‘iga ma mea e tausuai ai; o mea ia e lē tusa ma le matā‘upu ‘ua a‘oa‘oina ai ‘outou; ‘ia ‘outou liliu ‘ese fo‘i ‘iā te i latou. 18Auā o ē fa‘apea, e lē ‘au‘auna i latou i lo tatou Ali‘i o Iesu Keriso, a o latou lava manava; ma latou fa‘asesē i loto o tagata ‘ua lē manatu leaga, i lo latou fa‘ane‘ene‘e ma alofa fa‘avi‘ivi‘i. #Fili 3.19; Eseki 13.18; Kolo 2.4; 2 Pete 2.3 19Auā ‘ua logo atu i tagata uma lava lo ‘outou usiusita‘i o lea ‘ou te ‘oli‘oli ai ‘ona o ‘outou. ‘Ou te mana‘o fo‘i ‘ia popoto ‘outou i mea lelei, a ‘ia vālelea i mea leaga.#Roma 1.8; Mata 10.16; 1 Kori 14.20 20E lē pine fo‘i ‘ona solia o Satani i lalo o ‘outou vae e le Atua e ona le manuia.
‘Ia ‘iā te ‘outou le alofa tunoa o lo tatou Ali‘i o Iesu Keriso. Amene.
21O lo‘o alolofa atu ‘iā te ‘outou o Timoteo ma te galulue fa‘atasi ma a‘u; o Lukio fo‘i, ma Iasona, ma Sosepatero, o o‘u ‘āiga i latou. #Galu 16.1; 19.22; 20.4; Fili 2.19
22O a‘u nei o Tesio, o lē ‘ua tusi lenei tusi, na ‘ou alofa atu ‘iā te ‘outou i la le Ali‘i.
23O lo‘o alofa atu ‘iā te ‘outou Kaio, o lē talia a‘u ‘atoa ma le ekalesia uma. O lo‘o alolofa atu ‘iā te ‘outou o Erato o le tulafale sili o le ‘a‘ai, ‘atoa ma Kuato le uso. #1 Kori 1.14 24‘Ia ‘iā te ‘outou uma lava le alofa tunoa o lo tatou Ali‘i Iesu Keriso. Amene.#16.24 O nisi fa‘aliliuga e lē maua le fuai‘upu 24 i le gagana Eleni: ‘Ia ‘iā te ‘outou uma le alofa tunoa o lo tatou Ali‘i Iesu Keriso. Amene: a‘o isi fa‘aliliuga e fa‘aopoopo le fuai‘upu lenei i le fuai‘upu 27.
O le Tatalo o le Vi‘iga
25‘Ia vi‘ia lē na te mafaia ‘ona fa‘atumau ‘iā te ‘outou, e tusa ma la‘u tala lelei, ma le tala‘iga o le tala ‘iā Iesu Keriso, e tusa ma le fa‘aaliga o le mea lilo sa natia i tausaga o le vavau. #Efe 1.9; 3.5, 9; Kolo 1.26 26A ‘ua fa‘aali mai nei i tusi a perofeta, e tusa ma le poloa‘iga a le Atua e fa‘avavau, o lo‘o ‘ua fa‘ailoa mai i nu‘u uma, ‘ia i‘u ‘ina usiusita‘i i le fa‘atuatua;#2 Timo 1.10; Roma 1.5
27O le Atua poto ia e to‘atasi, ‘ia ‘iā te ia le vi‘iga ‘iā Iesu Keriso e fa‘avavau. Amene. #1 Timo 1.17; Iuta 1.25
Currently Selected:
Roma 16: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
Roma 16
16
O Alofa‘aga a Paulo
1‘Ou te fa‘ailoa atu ‘iā te ‘outou lo tatou tuafafine o Fipe, o le tiakono lea o le ekalesia o i Kenikerea; 2‘ina ‘ia talia o ia e ‘outou i le Ali‘i, fa‘apei ‘ona tatau i le ‘au pa‘ia, ‘ia ‘outou fesoasoani fo‘i ‘iā te ia i se mea a ‘outou e aogā ‘iā te ia; auā fo‘i e to‘atele ‘ua ia fesoasoani i ai, ‘atoa ma a‘u nei.
3‘Ua ‘ou alofa atu ‘iā Pisila ma Akula, na la fai galuega fa‘atasi ma a‘u i le galuega a Keriso Iesu. #Galu 18.2, 18, 26 4O i lā‘ua ia na la tu‘u atu o la ola e sui ai a‘u, ia a‘u ola; e lē na o a‘u e fa‘afetai ‘iā te i lā‘ua, ‘ae ‘atoa ma ekalesia uma i nu‘u ‘ese, 5‘Ua ‘ou alofa atu fo‘i i le ekalesia o i lo lā‘ua fale.
‘Ua ‘ou alofa atu ‘iā Epaineto, o le pele a a‘u, o le fa‘apolopolo o ia ‘iā Keriso i Akaia. #1 Kori 16.15, 19 6‘Ua ‘ou alofa atu ‘iā Maria, o lē na galue tele mo ‘outou. 7‘Ua ‘ou alofa atu ia Aneroniko ma Iunia, o o‘u ‘āiga, sa matou fa‘atasi ma a‘u i le fale puipui; ‘ua logoleleia i lā‘ua e ‘aposetolo, sa la i ai ‘iā Keriso na muamua ‘iā te a‘u.#2 Kori 8.23
8‘Ua ‘ou alofa atu ‘iā Amepelia, o le pele a a‘u i le Ali‘i. 9‘Ua ‘ou alofa atu ‘iā Upano, lē na galue fa‘atasi ma i matou i le galuega a Keriso; o Sataku fo‘i o le pele a a‘u. 10‘Ua ‘ou alofa atu ‘iā Apele, ‘ua ta‘uleleia o ia o ‘iā Keriso. ‘Ua ‘ou alofa atu i sa Arisopulō. 11‘Ua ‘ou alofa atu ‘iā Herotiona, mā te ‘āiga. ‘Ua ‘ou alofa atu i ē o sa Nakisō, o ē ‘ua i le Ali‘i.
12‘Ua ‘ou alofa atu ‘iā Tufaina ma Tufosa, o fafine na galulue i la le Ali‘i. ‘Ua ‘ou alofa atu ‘iā Peseti, o le pele, o lē na galue tele i la le Ali‘i. 13‘Ua ‘ou alofa atu ‘iā Rufo, na filifilia e le Ali‘i, i le ma lona tinā, o lo‘u tinā fo‘i lea. #Mare 15.21 14‘Ua ‘ou alofa atu ‘iā Asugerito, ma Fegona, ma Herema, ma Pateropa, ma Heremea, ma le ‘au uso o ‘iā te i latou. 15‘Ua ‘ou alofa atu ‘iā Filoloko ma Iulia, o Nereu fo‘i ma lona tuafafine, ma Olumepa, ma le ‘au pa‘ia ‘atoa uma o ‘iā te i latou.
16‘Ia ‘outou fealofani i le feasogi pa‘ia. O lo‘o alolofa atu ‘iā te ‘outou ekalesia a Keriso. #1 Kori 16.20; 1 Pete 5.14
O Fa‘atonuga Mulimuli
17‘Ou te ‘ai‘oi atu fo‘i ‘iā te ‘outou, le ‘au uso e, ‘ia ‘outou va‘ava‘ai i ē fa‘atupu fēvaevaea‘iga ma mea e tausuai ai; o mea ia e lē tusa ma le matā‘upu ‘ua a‘oa‘oina ai ‘outou; ‘ia ‘outou liliu ‘ese fo‘i ‘iā te i latou. 18Auā o ē fa‘apea, e lē ‘au‘auna i latou i lo tatou Ali‘i o Iesu Keriso, a o latou lava manava; ma latou fa‘asesē i loto o tagata ‘ua lē manatu leaga, i lo latou fa‘ane‘ene‘e ma alofa fa‘avi‘ivi‘i. #Fili 3.19; Eseki 13.18; Kolo 2.4; 2 Pete 2.3 19Auā ‘ua logo atu i tagata uma lava lo ‘outou usiusita‘i o lea ‘ou te ‘oli‘oli ai ‘ona o ‘outou. ‘Ou te mana‘o fo‘i ‘ia popoto ‘outou i mea lelei, a ‘ia vālelea i mea leaga.#Roma 1.8; Mata 10.16; 1 Kori 14.20 20E lē pine fo‘i ‘ona solia o Satani i lalo o ‘outou vae e le Atua e ona le manuia.
‘Ia ‘iā te ‘outou le alofa tunoa o lo tatou Ali‘i o Iesu Keriso. Amene.
21O lo‘o alolofa atu ‘iā te ‘outou o Timoteo ma te galulue fa‘atasi ma a‘u; o Lukio fo‘i, ma Iasona, ma Sosepatero, o o‘u ‘āiga i latou. #Galu 16.1; 19.22; 20.4; Fili 2.19
22O a‘u nei o Tesio, o lē ‘ua tusi lenei tusi, na ‘ou alofa atu ‘iā te ‘outou i la le Ali‘i.
23O lo‘o alofa atu ‘iā te ‘outou Kaio, o lē talia a‘u ‘atoa ma le ekalesia uma. O lo‘o alolofa atu ‘iā te ‘outou o Erato o le tulafale sili o le ‘a‘ai, ‘atoa ma Kuato le uso. #1 Kori 1.14 24‘Ia ‘iā te ‘outou uma lava le alofa tunoa o lo tatou Ali‘i Iesu Keriso. Amene.#16.24 O nisi fa‘aliliuga e lē maua le fuai‘upu 24 i le gagana Eleni: ‘Ia ‘iā te ‘outou uma le alofa tunoa o lo tatou Ali‘i Iesu Keriso. Amene: a‘o isi fa‘aliliuga e fa‘aopoopo le fuai‘upu lenei i le fuai‘upu 27.
O le Tatalo o le Vi‘iga
25‘Ia vi‘ia lē na te mafaia ‘ona fa‘atumau ‘iā te ‘outou, e tusa ma la‘u tala lelei, ma le tala‘iga o le tala ‘iā Iesu Keriso, e tusa ma le fa‘aaliga o le mea lilo sa natia i tausaga o le vavau. #Efe 1.9; 3.5, 9; Kolo 1.26 26A ‘ua fa‘aali mai nei i tusi a perofeta, e tusa ma le poloa‘iga a le Atua e fa‘avavau, o lo‘o ‘ua fa‘ailoa mai i nu‘u uma, ‘ia i‘u ‘ina usiusita‘i i le fa‘atuatua;#2 Timo 1.10; Roma 1.5
27O le Atua poto ia e to‘atasi, ‘ia ‘iā te ia le vi‘iga ‘iā Iesu Keriso e fa‘avavau. Amene. #1 Timo 1.17; Iuta 1.25
Currently Selected:
:
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.