Roma 15
15
‘Ia Fesoasoani atu i ē ‘ua Vaivai
1O i tatou o ē malolosi ‘ia tatou fesoasoani i lē vaivai o ē ‘ua lē lavā e tatau ai; ‘ae ‘aua ne‘i fa‘afiafia i o tatou lava loto. 2Auā ‘ia ta‘itasi o i tatou ma fa‘afiafia i lē lā te tuā‘oi ‘ina ‘ia lelei ai o ia, e fa‘amafanafanaina ai.#1 Kori 9.19; 10.24, 33 3Auā o Keriso lava e le‘i fa‘afiafia o ia i lona lava finagalo; ‘ae pei ‘ona tusia, “‘Ua o‘o mai ‘iā te a‘u ‘upu fāifai a latou ē na fāifai atu ‘iā te oe.”#Sala 69.9 4O mea uma fo‘i na tusia anamua, na tusia ia e a‘oa‘o mai ai ‘iā te i tatou; ‘ina ‘ia tatou maua le fa‘amoemoe e tupu mai i le ‘onosa‘i, ma le fa‘amafanafana mai o Tusi.#Roma 4.23-24; 1 Kori 10.11 5‘Ia foa‘i atu fo‘i ‘iā te ‘outou e le Atua o ia e tupu mai ai le ‘onosa‘i ma le fa‘amafanafana, ‘ina ‘ia gatasitasi o ‘outou loto e tusa ma le finagalo o Keriso Iesu; 6‘ina ‘ia vivi‘i ‘outou i le Atua, le Tamā o lo tatou Ali‘i o Iesu Keriso, ma le loto e tasi ma le ‘upu e tasi.
O le Tala Lelei i Nu‘u ‘Ese
7O lea ‘ia ‘outou talia ai le tasi e le tasi, fa‘apei o Keriso fo‘i ‘ona talia o i tatou, e o‘o ai le vi‘iga i le Atua. 8‘Ou te fai atu fo‘i, ‘ua ‘avea Iesu Keriso ma ‘au‘auna o ē ‘ua peritomeina, ‘ona o le fa‘amaoni o le Atua, ‘ina ‘ia fa‘amauina ni mea na folafolaina i tupuga;#Mata 15.24; Galu 3.25 9‘ina ‘ia vivi‘i fo‘i nu‘u ‘ese i le Atua ‘ona o le alofa pei ‘ona tusia,#Roma 11.30; Sala 18.49; 2 Samu 22.50
“O le mea lea ‘ou te ta‘uta‘ua ai oe i nu‘u ‘ese,
‘ou te pese atu fo‘i i lou suafa.”
10‘Ua to‘o fa‘apea fo‘i,#Teu 32.43
“‘Ia ‘oli‘oli ‘outou nu‘u ‘ese fa‘atasi ma lona nu‘u”
11I le ma lea,#Sala 117.1
“‘Ia vivi‘i atu i le Ali‘i ‘outou nu‘u uma,
ia fa‘ane‘ene‘e atu ‘iā te ia ‘outou tagata uma lava.”
12‘Ua toe fa‘apea mai fo‘i Isaia,#Isai 11.10; Fa‘aa 5.5
“E i ai le A‘a o Iese;
o ia fo‘i na te tula‘i e pule i nu‘u ‘ese,
e fa‘atuatua ‘iā te ia nu‘u ‘ese.”
13O le Atua fo‘i e tupu mai ai le fa‘amoemoe, ‘ia fa‘atūtūmuina ‘outou e ia i le ‘oli‘oli uma ‘atoa ma le filemū, ‘ina ‘ua fa‘atuatua; ‘ina ‘ia tele lava lo ‘outou fa‘amoemoe ‘ona o le mana o le Agaga Pa‘ia.
O le Loto Malosi o Paulo e Tala‘i le Tala Lelei
14O‘u uso e, ‘ua ‘ou mautinoa, o a‘u nei lava, ‘ua tūtūmu ‘outou fo‘i i le agalelei, ‘ua apepele i le poto uma lava, ‘ua ‘outou mafaia fo‘i ‘ona apoapoa‘i le tasi i le tasi. 15‘Ua ‘ou tusi atu nisi mea ‘iā te ‘outou, le ‘au uso e, ma le fa‘amalosi i lo‘u fa‘amanatu atu ‘iā te ‘outou, ‘ona o le alofa tunoa ‘ua foa‘iina mai ‘iā te a‘u e le Atua.#Roma 1.5; 12.3 16‘ina ‘ia ‘avea a‘u ma ‘au‘auna a Iesu Keriso i nu‘u ‘ese, ‘ou te faia le faiva o ositaulaga i le tala lelei a le Atua; ‘ina ‘ia talileleia le taulaga a nu‘u ‘ese, ‘ina ‘ua fa‘apa‘iaina e le Agaga Pa‘ia.#Roma 11.13; Fili 2.17 17O lea ia ‘iā te a‘u ni mea e mitamita ai ‘ona o Keriso Iesu, i mea tau le Atua. 18Auā ‘ou te lē fa‘amalosi ‘ona ta‘u atu i mea e le‘i galue ai Keriso ‘iā te a‘u ‘ia i‘u ‘ina gaua‘i o nu‘u ‘ese, i le ‘upu ma le amio, 19i le mana o fa‘ailoga ma vāvega, i le mana o le Agaga o le Atua, o lea e āfua mai ai i Ierusalema, ma fa‘ata‘amilomilo e o‘o i Iluriko, ‘ua ‘ou matuā folafola le tala lelei a Keriso.#Mare 16.17 20‘Ae fa‘apea ‘ona ‘ou loto malosi e tala‘i le tala lelei i mea sa lē ta‘ua ai le suafa o Keriso; ‘ina ne‘i ‘ou ati a‘e i luga o le fa‘avae o se tasi tagata.#2 Kori 10.15-16 21‘Ae peita‘i e fa‘apei ‘ona tusia,#Isai 52.15
“E va‘ava‘ai i latou o ē na lē tala‘iina i ai le tala ‘iā te ia;
e lagona e i latou o ē na lē fa‘alogo atu i ai.”
O Fuafuaga a Paulo e Asiasi atu i Roma
22O lea fo‘i e tele mea sa lē mafai ai ‘iā te a‘u ‘ona alu atu ‘iā te ‘outou. 23A o lenei, ‘ua leai se toe mea ‘ou te faia i nei nu‘u, ma ‘ua tele tausaga sa ‘ou matuā fia alu atu ai ‘iā te ‘outou; 24a a‘u alu malaga i Sepania, ‘ou te fa‘amoemoe ‘ou te asiasi atu ‘iā te ‘outou i la‘u malaga, e molia fo‘i a‘u e ‘outou i lea mea pe a ‘ou mua‘i malie teisi i lo tatou feiloa‘i ma ‘outou.#1 Kori 16.6 25A o le a a‘u alu malaga nei i Ierusalema, ‘ou te ‘au‘auna atu ai i le ‘au pa‘ia;#Galu 19.21; 20.22 26auā ‘ua loto Maketonia ma Akaia e sauni se alofa fai tele i ē matitiva o le ‘au pa‘ia o i Ierusalema.#1 Kori 16.1; 2 Kori 8.1; 9.2, 12 27‘Ua latou loto fo‘i i ai; sa ‘iā te i latou fo‘i a latou mea; auā ‘āfai ‘ua molia i nu‘u ‘ese e i latou a latou mea i la le Agaga, e tatau ‘ina latou faia se taulaga ‘iā te i latou i mea a le tino. 28O lenei, pe a ‘ou fa‘auma lenei mea, ‘ina fa‘asaogalemū atu lenei fua ‘iā te i latou, ‘ou te ui atu ai ‘iā te ‘outou pe a ‘ou alu atu i Sepania. 29‘Ua ‘ou iloa fo‘i, pe a ‘ou alu atu ‘iā te ‘outou, ‘ou te alu atu ma le ‘ato‘atoa o le manuia o le tala lelei a Keriso.#Roma 1.11
30Le ‘au uso e, ‘ou te ‘ai‘oi atu ‘iā te ‘outou, ‘ona o lo tatou Ali‘i o Iesu Keriso, ma le alofa o le Agaga, ‘ia ‘outou matuā finafinau fa‘atasi ma a‘u i talosaga i le Atua mo a‘u;#2 Kori 1.11; Fili 1.27; Kolo 4.3; 2 Tesa 3.1 31‘ina ‘ia lavea‘iina a‘u i ē ‘ua lē fa‘atuatua o i Iutaia, ‘ia talileleia fo‘i e le ‘au pa‘ia la‘u fe‘au i Ierusalema; 32‘ina ‘ia ‘ou alu atu ‘iā te ‘outou ma le ‘oli‘oli, i le finagalo o le Atua, ‘ina ‘ia tatou fēfa‘amafanafana a‘i ma ‘outou. 33‘Ia ‘iā te ‘outou uma lava le Atua e ona le manuia. Amene.
Currently Selected:
Roma 15: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
Roma 15
15
‘Ia Fesoasoani atu i ē ‘ua Vaivai
1O i tatou o ē malolosi ‘ia tatou fesoasoani i lē vaivai o ē ‘ua lē lavā e tatau ai; ‘ae ‘aua ne‘i fa‘afiafia i o tatou lava loto. 2Auā ‘ia ta‘itasi o i tatou ma fa‘afiafia i lē lā te tuā‘oi ‘ina ‘ia lelei ai o ia, e fa‘amafanafanaina ai.#1 Kori 9.19; 10.24, 33 3Auā o Keriso lava e le‘i fa‘afiafia o ia i lona lava finagalo; ‘ae pei ‘ona tusia, “‘Ua o‘o mai ‘iā te a‘u ‘upu fāifai a latou ē na fāifai atu ‘iā te oe.”#Sala 69.9 4O mea uma fo‘i na tusia anamua, na tusia ia e a‘oa‘o mai ai ‘iā te i tatou; ‘ina ‘ia tatou maua le fa‘amoemoe e tupu mai i le ‘onosa‘i, ma le fa‘amafanafana mai o Tusi.#Roma 4.23-24; 1 Kori 10.11 5‘Ia foa‘i atu fo‘i ‘iā te ‘outou e le Atua o ia e tupu mai ai le ‘onosa‘i ma le fa‘amafanafana, ‘ina ‘ia gatasitasi o ‘outou loto e tusa ma le finagalo o Keriso Iesu; 6‘ina ‘ia vivi‘i ‘outou i le Atua, le Tamā o lo tatou Ali‘i o Iesu Keriso, ma le loto e tasi ma le ‘upu e tasi.
O le Tala Lelei i Nu‘u ‘Ese
7O lea ‘ia ‘outou talia ai le tasi e le tasi, fa‘apei o Keriso fo‘i ‘ona talia o i tatou, e o‘o ai le vi‘iga i le Atua. 8‘Ou te fai atu fo‘i, ‘ua ‘avea Iesu Keriso ma ‘au‘auna o ē ‘ua peritomeina, ‘ona o le fa‘amaoni o le Atua, ‘ina ‘ia fa‘amauina ni mea na folafolaina i tupuga;#Mata 15.24; Galu 3.25 9‘ina ‘ia vivi‘i fo‘i nu‘u ‘ese i le Atua ‘ona o le alofa pei ‘ona tusia,#Roma 11.30; Sala 18.49; 2 Samu 22.50
“O le mea lea ‘ou te ta‘uta‘ua ai oe i nu‘u ‘ese,
‘ou te pese atu fo‘i i lou suafa.”
10‘Ua to‘o fa‘apea fo‘i,#Teu 32.43
“‘Ia ‘oli‘oli ‘outou nu‘u ‘ese fa‘atasi ma lona nu‘u”
11I le ma lea,#Sala 117.1
“‘Ia vivi‘i atu i le Ali‘i ‘outou nu‘u uma,
ia fa‘ane‘ene‘e atu ‘iā te ia ‘outou tagata uma lava.”
12‘Ua toe fa‘apea mai fo‘i Isaia,#Isai 11.10; Fa‘aa 5.5
“E i ai le A‘a o Iese;
o ia fo‘i na te tula‘i e pule i nu‘u ‘ese,
e fa‘atuatua ‘iā te ia nu‘u ‘ese.”
13O le Atua fo‘i e tupu mai ai le fa‘amoemoe, ‘ia fa‘atūtūmuina ‘outou e ia i le ‘oli‘oli uma ‘atoa ma le filemū, ‘ina ‘ua fa‘atuatua; ‘ina ‘ia tele lava lo ‘outou fa‘amoemoe ‘ona o le mana o le Agaga Pa‘ia.
O le Loto Malosi o Paulo e Tala‘i le Tala Lelei
14O‘u uso e, ‘ua ‘ou mautinoa, o a‘u nei lava, ‘ua tūtūmu ‘outou fo‘i i le agalelei, ‘ua apepele i le poto uma lava, ‘ua ‘outou mafaia fo‘i ‘ona apoapoa‘i le tasi i le tasi. 15‘Ua ‘ou tusi atu nisi mea ‘iā te ‘outou, le ‘au uso e, ma le fa‘amalosi i lo‘u fa‘amanatu atu ‘iā te ‘outou, ‘ona o le alofa tunoa ‘ua foa‘iina mai ‘iā te a‘u e le Atua.#Roma 1.5; 12.3 16‘ina ‘ia ‘avea a‘u ma ‘au‘auna a Iesu Keriso i nu‘u ‘ese, ‘ou te faia le faiva o ositaulaga i le tala lelei a le Atua; ‘ina ‘ia talileleia le taulaga a nu‘u ‘ese, ‘ina ‘ua fa‘apa‘iaina e le Agaga Pa‘ia.#Roma 11.13; Fili 2.17 17O lea ia ‘iā te a‘u ni mea e mitamita ai ‘ona o Keriso Iesu, i mea tau le Atua. 18Auā ‘ou te lē fa‘amalosi ‘ona ta‘u atu i mea e le‘i galue ai Keriso ‘iā te a‘u ‘ia i‘u ‘ina gaua‘i o nu‘u ‘ese, i le ‘upu ma le amio, 19i le mana o fa‘ailoga ma vāvega, i le mana o le Agaga o le Atua, o lea e āfua mai ai i Ierusalema, ma fa‘ata‘amilomilo e o‘o i Iluriko, ‘ua ‘ou matuā folafola le tala lelei a Keriso.#Mare 16.17 20‘Ae fa‘apea ‘ona ‘ou loto malosi e tala‘i le tala lelei i mea sa lē ta‘ua ai le suafa o Keriso; ‘ina ne‘i ‘ou ati a‘e i luga o le fa‘avae o se tasi tagata.#2 Kori 10.15-16 21‘Ae peita‘i e fa‘apei ‘ona tusia,#Isai 52.15
“E va‘ava‘ai i latou o ē na lē tala‘iina i ai le tala ‘iā te ia;
e lagona e i latou o ē na lē fa‘alogo atu i ai.”
O Fuafuaga a Paulo e Asiasi atu i Roma
22O lea fo‘i e tele mea sa lē mafai ai ‘iā te a‘u ‘ona alu atu ‘iā te ‘outou. 23A o lenei, ‘ua leai se toe mea ‘ou te faia i nei nu‘u, ma ‘ua tele tausaga sa ‘ou matuā fia alu atu ai ‘iā te ‘outou; 24a a‘u alu malaga i Sepania, ‘ou te fa‘amoemoe ‘ou te asiasi atu ‘iā te ‘outou i la‘u malaga, e molia fo‘i a‘u e ‘outou i lea mea pe a ‘ou mua‘i malie teisi i lo tatou feiloa‘i ma ‘outou.#1 Kori 16.6 25A o le a a‘u alu malaga nei i Ierusalema, ‘ou te ‘au‘auna atu ai i le ‘au pa‘ia;#Galu 19.21; 20.22 26auā ‘ua loto Maketonia ma Akaia e sauni se alofa fai tele i ē matitiva o le ‘au pa‘ia o i Ierusalema.#1 Kori 16.1; 2 Kori 8.1; 9.2, 12 27‘Ua latou loto fo‘i i ai; sa ‘iā te i latou fo‘i a latou mea; auā ‘āfai ‘ua molia i nu‘u ‘ese e i latou a latou mea i la le Agaga, e tatau ‘ina latou faia se taulaga ‘iā te i latou i mea a le tino. 28O lenei, pe a ‘ou fa‘auma lenei mea, ‘ina fa‘asaogalemū atu lenei fua ‘iā te i latou, ‘ou te ui atu ai ‘iā te ‘outou pe a ‘ou alu atu i Sepania. 29‘Ua ‘ou iloa fo‘i, pe a ‘ou alu atu ‘iā te ‘outou, ‘ou te alu atu ma le ‘ato‘atoa o le manuia o le tala lelei a Keriso.#Roma 1.11
30Le ‘au uso e, ‘ou te ‘ai‘oi atu ‘iā te ‘outou, ‘ona o lo tatou Ali‘i o Iesu Keriso, ma le alofa o le Agaga, ‘ia ‘outou matuā finafinau fa‘atasi ma a‘u i talosaga i le Atua mo a‘u;#2 Kori 1.11; Fili 1.27; Kolo 4.3; 2 Tesa 3.1 31‘ina ‘ia lavea‘iina a‘u i ē ‘ua lē fa‘atuatua o i Iutaia, ‘ia talileleia fo‘i e le ‘au pa‘ia la‘u fe‘au i Ierusalema; 32‘ina ‘ia ‘ou alu atu ‘iā te ‘outou ma le ‘oli‘oli, i le finagalo o le Atua, ‘ina ‘ia tatou fēfa‘amafanafana a‘i ma ‘outou. 33‘Ia ‘iā te ‘outou uma lava le Atua e ona le manuia. Amene.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.