Salāmo 9
9
O le Vi‘iga i le ALI‘I ‘ona o lona Fa‘asala i ē na ita i ona Tagata
Ma le usu pese i mutu-lapeni. O le salāmo a Tavita
1‘Ou te vivi‘i atu ‘iā te oe le ALI‘I ma lo‘u loto ‘atoa;#Sala 26.7
‘ou te ta‘uta‘u atu fo‘i ou vāvega uma.
2‘Ou te fiafia ma ‘ou ‘oli‘oli ‘iā te oe;
‘ou te pese lava i lou suafa, lē Silisili‘ese.
3Na liutuaina o ē ‘ua ita mai ‘iā te a‘u;
‘ona tausuai ai lea o i latou, ma fano lava ai ou luma.
4Auā ‘ua e faia lo‘u fa‘amasinoga ma la‘u finauga;#Sala 140.12
‘ua e ti‘eti‘e i le nofoāli‘i e fa‘amasino tonu ai.
5‘Ua e a‘oa‘i atu i nu‘u ‘ese;#Teu 9.14
‘ua fa‘aumatia e oe o ē amio leaga,
‘ua e sōloi‘esea o latou igoa e o‘o i le fa‘avavau fa‘avavau lava.
6O ē ita mai, ‘ua fa‘aumatia e fa‘avavau o latou fa‘atafunaga;
‘ua e olopalaina ‘a‘ai;
‘ua galo lava le fa‘amanatuina o i latou.
7A o le ALI‘I, e ti‘eti‘e lava ia e fa‘avavau;#Sala 29.10; Sapa 1.12
‘ua saunia e ia lona nofoāli‘i e fa‘amasino ai.
8O ia lava na te fa‘amasinoina le atu laulau ma le tonu;
na te fa‘atonuina ma le sa‘o finauga a nu‘u.
9O le ALI‘I e fai ma ‘olo maualuga mo lē ‘ua fa‘asauāina,#2 Samu 22.3; Sala 59.16
o le ‘olo maualuga i ona po e i ai le puapuagā.
10E fa‘atuatua ‘iā te oe o ē ‘ua iloa lou suafa;
auā, le ALI‘I e, ‘e te lē tu‘una i latou o ē sā‘ili ‘iā te oe.
11‘Inā pepese atu ia ‘outou i le ALI‘I, o lo‘o afio i Siona;#Sala 74.2; 76.2; 107.21
‘inā fa‘aali atu ia i nu‘u ana mea na fai.
12Auā o lē taui i le toto na te manatua i latou;#Kene 9.5; 1 Tu 21.17-19; Sala 10.12-13
na te lē fa‘agalogaloina le tagi o ē ‘ua puapuagātia.
13Le ALI‘I e,
‘ia e alofa mai ‘iā te a‘u,
‘ia e silasila mai i lo‘u puapuagā
na tupu mai i ē ‘ua ‘ino‘ino mai ‘iā te a‘u,
o oe na o lē ‘ua ‘aveina a‘e a‘u a‘i faitoto‘a o le oti;
14‘ina ‘ia ‘ou ta‘uta‘u atu ou vi‘iga uma,#1 Samu 2.1; 2 Tu 19.21; Sala 13.5; 35.9
i faitoto‘a o le tama fafine a Siona;
‘ou te fiafia i lau fa‘aolataga.
15‘Ua gōgoto nu‘u ‘ese i le lua na latou faia;
o lea lava ‘upega na natia e i latou ‘ua lavea ai o latou vae.
16E iloa le ALI‘I i le fa‘amasinoga ‘ua na faia;#Eso 7.5; 14.4
‘ua maileia le fai amio leaga i le galuega a ona lava lima. Selā.
17E tulia i seoli o ē fai amio leaga,#Iopu 8.13; Sala 50.22; Iere 2.32
o nu‘u uma lava o ē fa‘agalogalo i le Atua.
18Auā e le fa‘agalogaloina e fa‘avavau o ē matitiva
o le fa‘amoemoega fo‘i o ē ‘ua puapuagātia
e lē fano lea a lē tu a lē tu lava.
19Le ALI‘I e,#Sala 3.7; 10.18
‘inā tula‘i mai ia, ‘aua ne‘i manumālō tagata;
‘ia fa‘amasinoina nu‘u ‘ese i ou luma.
20Le ALI‘I e,
‘ia e fa‘amatata‘u ‘iā te i latou;
‘ia iloa e nu‘u ‘ese o tagata lava i latou. Selā.
Currently Selected:
Salāmo 9: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
