Salāmo 83
83
O le Tatalo i le Atua ‘ina ‘ua Fa‘asauāina ona Tagata
O le pese, o le salāmo lea a Asafo
1Le Atua e,
‘aua ne‘i e lē fetalai mai.
Le Atua e,
‘aua ne‘i e lē tali mai, ‘aua fo‘i ne‘i e mapu.
2Auā fa‘auta, ‘ua vāvāō o ē ‘ua ita ‘iā te oe;#Fa‘ama 8.28; Sala 2.1
o ē ‘ua ‘ino‘ino fo‘i ‘iā te oe,
‘ua latou fa‘amaualuluga.
3‘Ua latou togafiti fa‘alilolilo i lou nu‘u,
ma latou taupulepule i ē ‘ua natia e oe.
4‘Ua latou fa‘apea ane,#Ese 3.6; Sala 74.8; Iere 48.2
“Ō mai ia, ‘ia tatou fa‘aumatia i latou ‘ia lē toe fai ma nu‘u;
‘ia lē toe manatua lava le igoa o Isaraelu.”
5Auā na latou taupulepule ma le loto gatasi;
‘ua latou fai le feagaiga e tete‘e atu ‘iā te oe.
6O fale ‘ie o Etoma ma sa Isamaeli;#Kene 25.12-16; 2 No 20.10
o Moapi ma sa Hakarā;
7o Kavala ma Amoni ma Amaleka;#Iosu 13.5; 1 Samu 4.1; 15.2; Eseki 27.3
o Filisitia ‘atoa ma e ‘ua nonofo i Turo.
8O Asuria fo‘i ‘ua fa‘atasi ma i latou;#Teu 2.9, 19; 2 Tu 15.9
‘ua faia i latou ma fesoasoani i le fānauga a Lota. Selā.
9‘Ia e fai ‘iā te i latou o fa‘apei ‘ona e faia ‘iā Mitiana#Fa‘ama 4.6-22; 7.1-23; Nume 31.7; Isai 9.4
ma Sesera ma Iapino i le alia o Kisona.
10Na fa‘aumatia i latou i Enetoro;
na ‘avea i latou ma otaota mo le lau‘ele‘ele.
11‘Ia e faia o latou ali‘i ‘ia pei o Oreva ma Seeva;#Fa‘ama 7.25; 8.12
‘ia pei o Seva ma Salemuna fo‘i o latou ali‘i uma.
12O ē na fa‘apea ane,
“‘Ia tatou fai mo i tatou o mea e afio ai le Atua.”
13Lo‘u Atua e, ‘ia e faia i latou ‘ia pei o le mea fa‘ata‘avalevale;#Iopu 21.18; Isai 17.13
‘ia pei o le aputi o saito e lelea i le matagi.
14‘Ia pei o le afi ‘ona susunu le vao matua,
‘ia pei o le mumū o le afi ‘ona fa‘amū a‘i mauga.
15‘Ia fa‘apea ‘ona e tuliloa ‘iā te i latou i lou afā,#Iopu 9.17
‘ia e fa‘aatuatuvale ‘iā te i latou i lou asiosio.
16‘Ia e matuā fa‘amā ‘iā te i latou;
‘ina ‘ia latou sā‘ili i lou suafa, le ALI‘I e.
17‘Ia fa‘amāina i latou
ma ‘ia fa‘aatuatuvaleina i latou e fa‘avavau fa‘avavau lava;
‘ia māsiasi i latou, ma ‘ia fano i latou.
18‘Ina ‘ia iloa e i latou, o oe,#Eso 27.4; 40.3
e ou le suafa o le ALI‘I,
na o oe lava o le Silisili‘ese i le lalolagi uma.
Currently Selected:
Salāmo 83: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
