Salāmo 60
60
O le Tatalo a Tavita ‘ia Fesoasoani le Atua ‘iā te Ia
Ma le usu pese i le susana etuta. O le salāmo a Tavita e a‘oa‘o ai, ‘ina ‘ua tau ai le tau‘a ma Mesopotamia ma Suria Sopa; na fo‘i mai Ioapo na ia fasia Etoma, e sefulu afe ma afe e lua i le vanu masima
1Le Atua e,#Sala 44.9
na e lafoa‘iina i matou,
na e fa‘ata‘ape‘apeina i matou,
na e to‘atama‘i;
‘ia e toe liliu mai ‘iā te i matou.
2Na e lūlūina le ‘ele‘ele, na e fa‘amāvaevaeina;
‘ia e fofōina ona gaugau; auā o lo‘o lūlū ia.
3Na e fa‘ailoa mai mea faigatā i lou nu‘u;#Iopu 21.20; Sala 71.20; Isai 51.17
na e fa‘ainumia i matou i le uaina e tautevateva a‘i.
4Na e foa‘iina atu le tagāvai mo ē matata‘u ‘iā te oe,
e si‘itia i luga ‘ona o le ‘upu moni. Selā.
5‘Ina ‘ia lavea‘iina au pele;
‘ia e fa‘aola mai i lou ‘a‘ao taumatau,
ma ‘ia e tali mai ‘iā te a‘u.
6‘Ua fetalai le Atua i lona malumalu;#Kene 33.17-18; Sala 89.25
“‘Ou te fiafia lava a‘u ‘ou te tofitofia Sekema,
o le vanu o Sukota ‘ou te fuafuatia lea.
7O lo‘o ‘iā te a‘u Kiliata,#Kene 49.10; Nume 32.1; Teu 33.17
o lo‘o ‘iā te a‘u fo‘i Manase;
e fai fo‘i Efaraima ma malosi o lo‘u ulu;
o la‘u faipule o Iuta lea.
8O Moapi o le ipu lea ‘ou te mulumulu ai;#2 Samu 8.1-2, 14
‘ou te lafoina lo‘u se‘evae i Etoma;
Filisitia e ‘inā ‘alaga ia i lou manumālō ‘iā te a‘u.”
9O ai sē na te ‘avea a‘u i le ‘a‘ai nofo ‘olo?
O ai sē na te ta‘ita‘iina a‘u i Etoma?
10E lē o oe ‘ea, le Atua e,
sa ē lafoa‘iina mai i matou,
ma ‘ua e lē afio atu,
le Atua e, fa‘atasi ma la matou itūtau‘a?
11‘Ia e fesoasoani mai ‘iā te i matou i le puapuagā;
auā e lē aogā lava le olataga mai tagata.
12O le Atua lava e fai ai i matou ma toa;#Sala 108.12; 148.14; Isai 63.3
auā o ia na te solia ē ‘ua ita mai ‘iā te i matou.
Currently Selected:
Salāmo 60: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
