Salāmo 42
42
TUSI 2
(Salāmo 42—72)
O le Naunau atu i le Malumalu o le Atua
Ma le usu pese. O le salāmo e a‘oa‘o ai mā le fānauga a Koru
1Le Atua e,#Ioe 1.20
e fa‘apei ‘ona naunau o le ‘aila i vaitafe,
o lo‘o fa‘apea ‘ona naunau o lo‘u agaga ‘iā te oe.
2‘Ua fia inu lo‘u agaga i le Atua, o le Atua soifua;#Sala 63.1; 84.2, 7; Isai 55.1; Ioane 7.37; 1 Tesa 1.9
o afea ‘ea ‘ou te alu atu ai ‘ia iloa ai a‘u i luma o le Atua?
3‘Ua faia o‘u loimata ma a‘u mea e ‘ai#42.3 ma a‘u mea e ‘ai: po o le fa‘aliliuga tuai “ma‘u mea e ‘ai. i ao ma po,
a o fai mai pea i latou,
“O ifea ‘ea lou Atua?”
4‘Ou te mānatunatu i ia mea,#1 Samu 1.15; 2 Samu 6.15; Sala 62.8; Isai 30.29
‘ona fa‘avaivai ai lea o lou loto i totonu ‘iā te a‘u.
Auā sa matou ō fa‘atasi ma le to‘atele
ma matou sāvavali i le fale o le Atua
ma le leo fiafia ma le vi‘iga,
o le to‘atele o ē fai le tausamiga.
5Lo‘u agaga e, se a ‘ea le mea ‘ua e fa‘anoanoa ai,#Sala 42.11; Paru 3.24; Mata 26.28; Ioane 12.27
ma atuatuvale ai i totonu ‘iā te a‘u?
‘Ia e fa‘amoemoe i le Atua,
auā ‘ou te toe vivi‘i ‘iā te ia,
‘ona o le fa‘aolataga mai ona luma.
6Lo‘u Atua e,#Teu 3.8-9; 2 Samu 17.22; Iona 2.7
‘ua fa‘anoanoa lo‘u agaga i totonu ‘iā te a‘u.
O le mea lea ‘ou te mānatunatu ai ‘iā te oe
i le nu‘u o Ioritana ma le atu Heremoni,
ma le mauga itiiti.
7O lo‘o fevala‘aua‘i lea moana ma lea moana
i le vāgana mai o ou afu.
‘Ua fela‘aa‘i mai i luga ‘iā te a‘u
o ou galu ma ou peau uma lava.
8E pule mai le ALI‘I lona alofa ‘iā te a‘u i le ao,#Teu 28.8; Iopu 35.10; Sala 77.6; 133.3; 149.5
e ‘iā te a‘u fo‘i le pese ‘iā te ia i le po,
o le tatalo i le Atua o lo‘u ola.
9‘Ou te fai atu i le Atua lo‘u papa,#2 Samu 22.2; Sala 38.6
“Se a le mea ‘ua e fa‘agalogalo ai ‘iā te a‘u?
Se a le mea ‘ou te fealua‘i ai ma le ‘ele‘elea,
‘ona o le sauā mai o lē ita mai?”
10‘Ua momomo o‘u ivi i le fa‘alumaina o a‘u#Sala 42.3
e i latou o ē ita mai ‘iā te a‘u,
i lo latou fai mai pea,
“O ifea ‘ea lou Atua?”
11Lo‘u agaga e,
se a ‘ea le mea ‘ua e fa‘anoanoa ai?
‘Ua atuatuvale fo‘i oe i totonu ‘iā te a‘u i se a?
‘Ia e fa‘amoemoe i le Atua,
auā ‘ou te toe vivi‘i ‘iā te ia,
o lo‘u fa‘aolataga ia ma lo‘u Atua.
Currently Selected:
Salāmo 42: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
