Salāmo 36
36
O le Malaia o ē Amio Leaga; o le Tele o le Alofa o le ALI‘I i ona Tagata
Ma le usu pese. O le salāmo a Tavita le ‘au‘auna a le ALI‘I
1O le ‘upu a le solitulafono ‘ua i le tagata amio leaga,#Kene 20.11; Roma 3.18
o lo‘o i totonu o lo‘u loto lea;
e leai lava sona mata‘u i le Atua.
2Auā o lo‘o fa‘aoleole o ia ‘iā te ia lava,#Teu 29.19
‘ina ‘ia iloa ana agasala ‘ia ‘inosia ai.
3O ana ‘upu o le agasala ia ma le fa‘a‘ole‘ole,
‘ua tu‘ua e ia le fa‘autauta ma le amio lelei.
4O lo‘o mafaufau o ia i le amio leaga i luga o lona moega;#Isai 62.2; Mika 2.1
‘ua ia tumau i le ala e lē lelei;
na te lē ‘ino‘ino i le leaga.
5Le ALI‘I e,
o i le lagi lou alofa;
‘ua o‘o lava i ao lou fa‘amaoni.
6E pei o le atu mauga o le Atua lau amiotonu;#Iopu 11.8; Sala 71.19; Roma 11.33
o le moana sausau au fa‘amasinoga.
Le ALI‘I e,
‘ua ola ‘iā te oe tagata ‘atoa ma manu.
7Le Atua e,
e ma‘eu lava lou alofa,
o le mea lea ‘ua fa‘atuatua ai tagata i le paolo o ou ‘apa‘au.
8E malilie i latou i mea lololo ‘ua i lou fale;#Sala 16.11; Isai 25.6; Fa‘aa 22.1
‘e te fa‘ainumia fo‘i i latou i le vaitafe o au mea fa‘afiafia.
9Auā o lo‘o ‘iā te oe le puna o le ola,#Isai 2.5; Iere 2.13; Ioane 1.9; 4.10-14; Galu 26.18; 1 Pete 2.9; Fa‘aa 21.6
o lou malamalama matou te iloa ai le malamalama.
10‘Ia e fa‘afualoa lou alofa i ē ‘ua iloa oe,#Iere 22.16
ma lau amiotonu i ē ‘ua fa‘amaoni o latou loto.
11‘Aua ne‘i o‘o ‘iā te a‘u le vae o lē fa‘amaualuga;
‘aua fo‘i ne‘i tuli‘eseina a‘u e lima o ē ‘ua amio leaga.
12‘Ua pa‘u‘ū ē ‘ua fai amio leaga i lea lava mea;#Sala 1.5
‘ua tuleia lava i latou,
‘ua lē toe mafai ai ‘ona tutū i luga.
Currently Selected:
Salāmo 36: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
