Salāmo 16
16
O le Tatalo a Tavita i le ALI‘I ‘ia na Fa‘aola ‘iā te Ia
O le salāmo a Tavita
1Le Atua e,
‘ia e leoleo mai ‘iā te a‘u;
auā ‘ou te fa‘atuatua ‘iā te oe.
2Lo‘u agaga e,
‘ua e fai atu i le ALI‘I, “O oe lava o lo‘u Ali‘i;
o lo‘u manuia e lē aunoa lea ma oe.”
3O tagata pa‘ia, o i latou lava o i le lalolagi ma ē ‘ua sili ‘ona lelei,#Teu 7.6; 1 Pete 2.9
o lo‘o ‘iā te i latou lo‘u fiafia uma.
4E fa‘ateleina o latou tigā o ē vave ō atu i se tasi;#Eso 23.13; Iosu 23.7
o a latou taulaga i mea e inu ‘ua faia i le toto ‘ou te lē sasa‘aina,
ma o latou igoa ‘ou te lē ta‘ua i o‘u laugutu.
5O le ALI‘I o lo‘u tofi lava ia ma la‘u ipu;#Nume 18.20; Sala 23.5; 119.57
o oe lava e fa‘amauina lo‘u tofi.
6‘Ua fuafuaina mo‘u le fanua i mea valevalenoa;#Sala 78.55
e moni, ‘ua ‘iā te a‘u le tofi matagofie.
7‘Ou te fa‘amanū atu i le ALI‘I o lē fa‘atonu mai ‘iā te a‘u;#1 Samu 23.9-12; 2 Samu 5.18-19
o le po fo‘i e a‘oa‘o mai ai ‘iā te a‘u o lo‘u mafaufau.
8‘Ou te tu‘u le ALI‘I i o‘u luma e lē aunoa;#Galu 2.25-28; Sala 109.31
auā o i lo‘u itū taumatau o ia,
e le fa‘agae‘etia ai lava a‘u.
9O le mea lea e fiafia ai lo‘u loto, ma ‘oli‘oli ai lo‘u mamalu;
e mālōlō fo‘i lo‘u tino ma le saogalemū.
10Auā ‘e te lē tu‘ua a‘u i le tu‘ugamau;#Galu 13.35; Mare 1.24; Luka 1.33
‘e te lē tu‘u atu lou tagata pa‘ia ‘ia o‘o i ai le pala.
11‘E te fa‘ailoa mai ‘iā te a‘u le ala o le ola;#Sala 21.6; 36.8; Mata 7.14
o i ou luma le fiafia e malie ai;
o i lou itū taumatau le ‘oli‘oli e fa‘avavau.
Currently Selected:
Salāmo 16: RSCB
Highlight
Share
Compare
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
