Mika 5
5
O le Valo‘aga i le Afio mai o le Mesia ma le Manuia e Tupu Ai
1O lenei, ‘inā fa‘ala‘ei‘au ia o oe le tama fafine e ana ‘au; ‘ua ia si‘osi‘oina i tatou i le tau‘a; latou te ta i le to‘oto‘o le fa‘amasino o Isaraelu i lona alafau.
2A o oe, Peteleema-Efarata, e itiiti oe i afe o Iuta, ‘ae tupu mai ‘iā te oe mo a‘u o lē na te fai ma faipule ‘iā Isaraelu o lona tupu mai talu mai anamuā lea, talu mai ona po o le vavau lava.#Mata 2.6; Ioane 7.42; Kene 49.10; Fa‘ata 8.22-23; Isai 9.6-7; Hose 6.3
3‘Ae peita‘i e tu‘ua i latou e ia se‘ia o‘o i ona po e fānau mai ai o ia o le a fānau; ‘ona toe fo‘i mai ai lea i le fānauga a Isaraelu o ē totoe i ona uso. 4E tu fo‘i o ia ma leoleo ‘iā te i latou i le mana o le ALI‘I ma le mamalu o le suafa o le ALI‘I, lona Atua, ‘ona latou nofo mau ai lea; auā o ona po ia e mamalu ai o ia e o‘o i tulu‘iga o le lalolagi.#Sala 72.8; Isai 11.3-5; 40.11; Mika 7.14; Luka 1.32 5E fai fo‘i o ia ma manuia.
O le Sa‘olotoga ma le Fa‘asalaga
Pe a sau Asuria i lo tatou lau‘ele‘ele, pe a soli fo‘i e ia o tatou maota, ‘ona tatou totofi ai lea o leoleo e to‘afitu e tete‘e ‘iā te ia ma ali‘i sili e to‘avalu.#2 Tu 18.13; Isai 9.6; Saka 9.10; Efe 2.14 6Latou te fa‘asaunoa fo‘i le nu‘u o Asuria i le pelu, ma le nu‘u o Nimarota i ona lava faitoto‘a; na te lavea‘i fo‘i ‘iā te i tatou a‘i Asuria, pe a o‘o mai o ia i lo tatou lau‘ele‘ele, pe a soli fo‘i o ia i lo tatou nu‘u.#Kene 10.8-11
7E i ai fo‘i e ‘ua totoe o Iakopo i nu‘u e tele e pei o le sau mai le ALI‘I, pei o le ‘ua fo‘i i luga o vao iti, o le mea e le fa‘atalitali i tagata, o le fa‘atalitali fo‘i i le fānau a tagata. 8E i ai fo‘i e ‘ua totoe o Iakopo i nu‘u ‘ese, o nu‘u e tele e pei o le leona i manu o le vao, pei o le leona ta‘anoa i lafu mamoe; pe a ui ane o ia na te soli ma saei, e leai fo‘i sē na te lavea‘iina. 9E taualuga lou lima i ē fa‘asauā mai ‘iā te oe, e fa‘aumatia fo‘i e ‘ua ita mai uma lava ‘iā te oe.
10O lo‘o fa‘apea mai le ALI‘I: O lea aso ‘ou te fa‘aumatia ai au solofanua o ‘iā te oe, ‘ou te fa‘aumatia fo‘i ou kariota.#Isai 2.7; Saka 9.7 11‘Ou te fa‘aumatia fo‘i ‘a‘ai o lou nu‘u, ‘ou te matua sōloia fo‘i ou ‘olo uma.#Isai 17.9; Hose 8.14 12‘Ou te fa‘aumatia togafiti fa‘ataulāitu a‘i lou lima, e lē i ai fo‘i ‘iā te oe ni ē ‘i‘ite i ao o le lagi. 13‘Ou te fa‘aumatia fo‘i au tupua ‘ua ta, ‘atoa ma au tupua ma‘a; ‘ona e lē toe ifo ai lea i galuega a ou lima.#Isai 17.8; Hose 3.4; Saka 13.2 14‘Ou te lepeti fo‘i i au tupua o Asaira i totonu ‘iā te oe ma ‘ou fa‘atafunaina ou ‘a‘ai. 15‘Ou te taui atu ma le ita e matuā tele i nu‘u ‘ese o ē ‘ua lē fa‘alogo mai.#Sala 149.7; 2 Tesa 1.8
Currently Selected:
Mika 5: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
