Malaki 4
4
E Muamua ‘ona sau Elia, i le o‘o ai i le Aso o le Ali‘i
1Auā fa‘auta, o le a o‘o mai le aso e mū ai pei se umu; ‘ona fai ai lea ma tagutugutu o saito o ē fa‘amaualuluga uma, ‘atoa ma ē fai amio leaga uma; e susunuina fo‘i i latou i le aso o le a o‘o mai, ‘ua fetalai mai ai le ALI‘I o ‘au; e le fa‘atoeina ai mo i latou se a‘a po o se la la‘au.#Isai 47.14; Mala 3.2; Mata 3.12; Luka 3.17; 2 Tesa 1.7-8 2A o ‘outou o ē matata‘u i lo‘u igoa, e alu a‘e ‘iā te ‘outou le Lā o le amiotonu; e i ai fo‘i le mea e mālōlō ai i ona ‘apa‘au; e ō atu fo‘i ‘outou ma osooso pei o tama‘i povi mai le fale povi.#Sala 84.11; Isai 53.5; Luka 1.78; Ioane 1.4; 8.12; 9.5; 12.46 3‘Ona ‘outou solia lea o ē amio leaga; auā e fai i latou ma efuefu i lalo o ‘outou alofivae i le aso ‘ua ‘ou tofia, ‘ua fetalai mai ai le ALI‘I o ‘au.
4‘Ia ‘outou mānatunatu i le tulafono a Mose la‘u ‘au‘auna, na ‘ou poloa‘i atu ai ‘iā te ia i Horepa ‘iā Isaraelu uma o tulafono ma fa‘amasinoga.#Eso 20.3-17; Teu 4.9-10
5Fa‘auta, ‘ou te ‘auina atu ‘iā te ‘outou o Elia le perofeta, a o le‘i o‘o mai le aso o le ALI‘I e sili ma le mata‘utia.#Mata 11.14; 17.10-13; Mare 9.11-13; Luka 1.17; Ioane 1.21 6Na te fa‘aliliuina loto o mātua i fānau ma loto o fānau i o latou mātua; ne‘i ‘ou alu atu ma ‘ou taia le nu‘u i le fa‘afanoga.#Isai 11.4; Luka 1.17
Currently Selected:
Malaki 4: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
