Iosua 23
23
O ‘Upu Fa‘amafanafana a Iosua
1‘Ua mavae aso e tele talu ‘ona avatua e le ALI‘I le mapusaga mo Isaraelu, i ē ita mai uma e vagavagai; ‘ua toeaina fo‘i Iosua, ‘ua tele ona tausaga;#Iosu 11.23; 13.1; 24.29 2‘ona fe‘auina atu ai lea e Iosua o Isaraelu uma, o latou toeaina, ma o latou ali‘i sili, ma o latou fa‘amasino, ma o latou faipule, ‘ua ia fai atu ‘iā te i latou, “‘Ua toeaina lava a‘u, ‘ua tele o‘u tausaga;#Teu 31.28; Iosu 24.1; 1 No 28.1 3a o ‘outou, ‘ua iloa e ‘outou o mea uma ‘ua faia e le ALI‘I lo ‘outou Atua i ia nu‘u uma ‘ona o ‘outou; auā o le ALI‘I o lo ‘outou Atua o ia na tau ai le tau‘a mo ‘outou.#Eso 14.14; Iosu 10.14-42 4Fa‘auta, ‘ua ‘ou vaevaeina ‘iā te ‘outou o ia nu‘u o totoe e fai ma tofi mo o ‘outou itū e āfua, mai i Ioritana, ma nu‘u uma ‘ua ‘ou fa‘aumatia, e o‘o atu i le sami tele i le mea e goto ai le la. 5O le ALI‘I fo‘i o lo ‘outou Atua, o ia lava na te tete‘eina i latou i o ‘outou luma, ma tutuli ‘iā te i latou i o ‘outou luma, e fai mo ‘outou o lo latou lau‘ele‘ele, e pei ‘ona fetalai mai ai le ALI‘I o lo ‘outou Atua ‘iā te ‘outou.#Eso 33.2; 34.11; Nume 33.53; Teu 4.38; 11.23 6A ‘ia ‘outou matuā fa‘amalosi e ‘ana‘ana e fai o mea uma ‘ua tusia i le tusi o le tulafono a Mose, ‘ina ne‘i ‘outou ō ‘ese i le itū taumatau po o le itū tauagavale;#Teu 5.32; 28.14; Iosu 1.7 7‘ina ne‘i fa‘atasi ‘outou ma ia nu‘u, o i latou o ē totoe ‘iā te ‘outou; ‘aua fo‘i le ta‘uta‘u e ‘outou le igoa o latou atua, ‘aua le tautō i ai, ‘aua le ‘au‘auna, atu ‘iā te i latou, ‘aua fo‘i tou te ifo atu ‘iā te i latou;#Eso 23.13, 33; Sala 16.4; Iere 5.7; Sefa 1.5 8a ‘ia ‘outou pipi‘i atu i le ALI‘I lo ‘outou Atua, e pei ‘ona ‘outou faia, ‘ua o‘o i le aso nei. 9Auā ‘ua tulia e le ALI‘I i o ‘outou luma o nu‘u tetele ma le malolosi, a o ‘outou, e le‘i tu se tasi i o ‘outou luma e tete‘e atu ‘iā te ‘outou, ‘ua o‘o i le aso nei. 10E tulia le to‘aafe e le to‘atasi o ‘outou; auā o le ALI‘I lo ‘outou Atua, o ia e tau ai le tau‘a mo ‘outou, e pei ‘ona fetalai mai ai o ia ‘iā te ‘outou.#Teu 3.22; 32.30 11‘Ia ‘outou matuā fa‘aeteete ‘iā te ‘outou, ‘ina ‘ia alolofa atu i le ALI‘I lo ‘outou Atua. 12Auā ‘āfai tou te toe fo‘i i tua, ma ‘outou pipi‘i atu i ē o totoe o ia nu‘u, o i latou o ē totoe ‘iā te ‘outou, ma feavaga a‘i ma i latou, ma ‘outou ō atu ‘iā te i latou, ma latou ō mai ‘iā te ‘outou;#Eso 34.16; Teu 7.3; Esera 9.2 13‘ia ‘outou matuā iloa e lē toe tulia e le ALI‘I lo ‘outou Atua se isi o ia nu‘u i o ‘outou luma; ‘ae fai i latou ma mailei, ma matāsele ‘iā te ‘outou, ma sasa i o ‘outou itū, ma mea matuitui i o ‘outou mata, se‘ia fa‘aumatia ‘outou a‘i lenei nu‘u lelei ‘ua foa‘iina atu e le ALI‘I lo ‘outou Atua ‘iā te ‘outou.#Eso 23.33; Nume 33.55; Fa‘ama 2.3, 21
14“Fa‘auta mai fo‘i, o a‘u nei, o le a ‘ou alu i le aso nei i le ala o le lalolagi uma; a ‘ua ‘outou iloa ma o ‘outou loto ‘atoa, ma o ‘outou agaga ‘atoa, e le‘i i‘uvale se ‘upu e tasi i ‘upu lelei uma na fetalai mai ai le ALI‘I lo ‘outou Atua ‘iā te ‘outou; ‘ua taunu‘u uma ‘iā te ‘outou, ‘ua lē i‘uvale se ‘upu e tasi.#Iosu 21.45; 1 Tu 2.2 15O lenei, e pei ‘ona taunu‘u ‘iā te ‘outou o ‘upu lelei uma na fetalai mai ai le ALI‘I lo ‘outou Atua ‘iā te ‘outou, e fa‘apea fo‘i ‘ona fa‘ataunu‘u e le ALI‘I, o mea leaga uma ‘iā te ‘outou, se‘ia fa‘aumatia ‘outou e ia a‘i lenei nu‘u lelei ‘ua foa‘iina mai e le ALI‘I lo ‘outou Atua ‘iā te ‘outou.#Levi 26.14-39; Teu 28.15-68 16A solia e ‘outou le feagaiga a le ALI‘I lo ‘outou Atua na fetalai mai o ia ‘iā te ‘outou, ma ‘outou ō ma ‘au‘auna i atua ‘ese, ma ‘outou ifo atu ‘iā te i latou; ‘ona tupu ai lea o le to‘asā o le ALI‘I ‘iā te ‘outou, e vave ‘ona fa‘aumatia ‘outou ai le nu‘u lelei ‘ua na foa‘i mai ‘iā te ‘outou.”#Teu 4.26
Currently Selected:
Iosua 23: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
