Iosua 12
12
O Igoa o Tupu na Fasia e Mose ma Iosua
1O tupu nei o le nu‘u na fasia e le fānauga a Isaraelu ‘ua fai fo‘i mo latou o latou lau‘ele‘ele i le la itū o Ioritana, i le mea e alu a‘e ai le la, e āfua i le alia o Arinona, e o‘o atu i le mauga o Heremone, ma le ‘ele‘ele laugatasi uma i sasa‘e.#Nume 21.21-35; Teu 2.26—3.11 2O Sekono le tupu o sa Amorī, sa nofo i Hesepona, sa pule o ia e āfua mai i Aroeru, o i le ‘auvai o le alia o Arinona, ma totonu fo‘i o le alia, ma le tasi itū o Kiliata, e o‘o atu i le alia o Iapoka, o le tuā‘oi lea o le fānauga a Amoni.#Nume 21.21-26; Teu 2.32-33, 36; 3.6, 16 3O le ‘ele‘ele laugatasi fo‘i e o‘o atu i le vai o Kinereta i sasa‘e, e o‘o atu fo‘i i le sami o le ‘ele‘ele laugatasi, o le sami ‘o‘ona lea i sasa‘e, o le ala i Petesemota; e āfua mai fo‘i i le itū i saute i lalo o Asetota-peseka; 4ma le tuā‘oi o Oko le tupu o Vasana, o le na toe o tagata maualuluga, sa nofo ia i Aserota ma Eterei;#Nume 21.33-35; Teu 1.4; 3.11 5na pule ia i le mauga o Heremone, ma Saleka, ma Vasana uma e o‘o atu i le tuā‘oi o Kisuri, ma Maaka, ma le tasi itū o Kiliata o le tuā‘oi o Sekono le tupu o Hesepona.
6Na fasia i latou e Mose le ‘au‘auna a le ALI‘I, ma le fānauga a Isaraelu; ma avatu fo‘i le nu‘u e Mose le ‘au‘auna a le ALI‘I e fai mo sa Reupenā, ma sa Katō, ma le tasi vaega o le itū‘āiga o Manase.#Nume 32.33; Teu 3.12
O Tupu na Fa‘ato‘ilaloina e Iosua
7O tupu ia o le nu‘u na fasia e Iosua ma le fānauga a Isaraelu i le itū mai o Ioritana i sisifo, e āfua mai i Paalakato i le vanu o Lepanona, e o‘o atu i le mauga o Kalaka o alu a‘e i Seira; na avatu e Iosua i itū‘āiga o Isaraelu e fai mo latou e tusa ma le vaevaeina o i latou; 8o i le atu mauga, ma le nu‘u maulalo, ma le ‘ele‘ele laugatasi, ma le nu‘u i le laulata, ma le vao, ma le itū i saute; o sa Hetī, o sa Amorī, ma sa Kananā, o sa Perisē, o sa Hivī, ma sa Iepusē.#Iosu 11.16
9O le tupu o Ieriko le tasi; o le tupu o Ai, e feagai ma Peteli le tasi; 10o le tupu o Ierusalema le tasi; o le tupu o Heperona le tasi; 11o le tupu o Iaremuta le tasi; o le tupu o Lakisa le tasi; 12o le tupu o Ekelona le tasi; o le tupu o Kasera le tasi;#Iosu 10.23, 33; Fa‘ama 1.29 13o le tupu o Tiperi le tasi; o le tupu o Ketere le tasi;#Iosu 10.38-39 14o le tupu o Horema le tasi; o le tupu o Arata le tasi; 15o le tupu o Lipena le tasi; o le tupu o Atulame le tasi; 16o le tupu o Maketa le tasi; o le tupu o Peteli le tasi;#Iosu 10.28; Fa‘ama 1.22 17o le tupu o Tapua le tasi; o le tupu o Eferu le tasi; 18o le tupu o Afeka le tasi; o le tupu o Sarona le tasi; 19o le tupu o Matono le tasi; o le tupu o Hasora le tasi;#Iosu 11.1 20o le tupu o Semaronamerona le tasi; o le tupu o Akasafa le tasi; 21o le tupu o Tanaka le tasi; o le tupu o Mekito le tasi; 22o le tupu o Katesa le tasi; o le tupu o Iokeneama i Karamelu le tasi; 23o le tupu o Toro i le mea maualuga o Toro le tasi; o le tupu o nu‘u i Kilikala#12.23 Kilikala: O isi fa‘aliliuga Kalilaia. le tasi;#Iosu 11.2 24o le tupu o Tiresa le tasi; o tupu ‘atoa uma e to‘atolugafulu ma le to‘atasi.
Currently Selected:
Iosua 12: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
