Iopu 32
32
1‘Ona lē toe tali mai ai lea o ia tagata e to‘atolu ‘iā Iopu, auā ‘ua amiotonu o ia i lona lava manatu.#Iopu 33.9 2‘Ona tupu ai lea o le ita o Eliu le atali‘i o Parakelu, o le sa Pusā o so le ‘āiga o Rama, na tupu lona ita ‘iā Iopu, ‘ina ‘ua ta‘uamiotonuina o ia e ia lava, ‘ae lē o le Atua.#Kene 22.21; Iopu 4.17; Iere 25.33 3‘Ua tupu fo‘i lona ita i ana uō e to‘atolu, ‘ina ‘ua latou le mautali, a ‘ua latou fa‘asala pea ‘iā Iopu. 4‘Ua fa‘atalitali Eliu ‘iā Iopu, se‘ia uma atu ‘upu, auā ‘ua toeaina i latou, ‘ae itiiti o ia. 5‘Ua va‘ai atu Eliu, ‘ua leai se tali i fofoga o ia tagata e to‘atolu, ‘ona tupu ai lea o lona ita. 6‘Ona tali mai ai lea o Eliu le atali‘i o Parakelu, o lo sa Pusā, ‘ua fa‘apea mai,#Iopu 15.10
Eliu
“‘Ou te itiiti a‘u, ‘ae toeaina lava ‘outou,
o le mea lea sa ‘ou mata‘u ai,
ma ‘ou fefe e fa‘ailoa atu ‘iā te ‘outou la‘u tāofi.
7Sa ‘ou fa‘apea,
‘‘Ia tautala mai aso, ‘ia fa‘ailoa mai le poto e le tele o tausaga.’
8‘Ae peita‘i o i ai lava le agaga i totonu o le tagata;#Kene 2.7; 1 Tu 3.12; 4.29; Iopu 33.4; 34.14; 35.11; Fa‘ata 2.6; Tani 1.17; 2.21; Iako 1.5
o le mānava fo‘i a Lē e ona le malosi uma lava e fa‘apopotoina ai i latou.
9E lē laupopoto ē ‘ua sili;
e lē lausilafia fo‘i le tonu e toeaina.
10O le mea lea ‘ou te fai atu ai,
‘Fa‘afofoga mai ia ‘iā te a‘u,
‘ou te fa‘aali atu fo‘i e a‘u la‘u tāofi.’
11“Fa‘auta, ‘ua ‘ou fa‘atalitali ‘iā ‘outou fetalaiga;
‘ua ‘ou fa‘alogologo atu ‘iā ‘outou mafaufauga,
se‘ia filifili ni a ‘outou fetalaiga.
12‘Ua ‘ou mafaufau fo‘i ‘iā ‘outou ‘upu; fa‘auta fo‘i,
e leai so ‘outou ‘ua na a‘oa‘i tonu ‘iā Iopu, po ‘ua tali atu i ana ‘upu.
13Ne‘i ‘outou fai ane,#Iere 9.23
‘‘Ua maua e i matou le poto;
‘ua faia‘ina o ia i le Atua lava, ‘ae lē o tagata.’
14‘Ua ia lē sauni ana ‘upu ‘iā te a‘u,
‘ou te lē tali atu fo‘i ‘iā te ia ‘iā ‘outou ‘upu.
15“‘Ua femēmēa‘i i latou; ‘ua lē toe tali mai;
‘ua latou tu‘u a latou fetalaiga.
16‘Ua ‘ou fa‘atalitali fo‘i ‘ina ‘ua latou lē tautala;
a ‘ua fa‘alologo i latou, ‘ua latou lē toe tali mai.
17O a‘u fo‘i ‘ou te tali atu lava a‘u,
o a‘u lava; ‘ou te fa‘aali atu la‘u tāofi.
18Auā ‘ua tumu a‘u i ‘upu,
‘ua u‘una‘i mai ‘iā te a‘u le agaga o i totonu ‘iā te a‘u.
19Fa‘auta, o lo‘u loto ‘ua pei o le uaina e le‘i tālaina,#Mata 9.17
‘ua tāli pā e pei o fagu pa‘u fou.
20‘Ou te tautala atu, ‘ia ‘ou mānava ai,
‘ou te fa‘amaga o‘u laugutu ma ‘ou tali atu ai.
21‘Aua lava ne‘i ‘ou fa‘ailogaina se tagata;#Levi 19.15
‘aua fo‘i ne‘i ‘ou fa‘ane‘ene‘e i se tagata.
22Auā ‘ou te lē mafai ona fa‘ane‘ene‘e atu,
ne‘i ‘avea fa‘afuase‘i a‘u e Lē na faia a‘u.
Currently Selected:
Iopu 32: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
