Iopu 10
10
O isi ‘Upu a Iopu
1“‘Ua musu lo‘u loto i lo‘u ola;#Nume 11.15; 1 Tu 19.4; Iopu 7.11, 16; 21.4
‘ou te tu‘uina atu a‘u ‘ia tagi pea;
‘ou te tautala i le tigā o lo‘u loto.
2‘Ou te fai atu i le Atua,#Iopu 9.3, 29
‘Aua ‘e te fa‘asala mai ‘iā te a‘u,
‘ia e fa‘ailoa mai ‘iā te a‘u le mea ‘e te finau mai ai ‘iā te a‘u.
3Pe lelei ‘ea ‘iā te oe ‘ina e fa‘asauā,#Iopu 9.24; 14.15; Sala 89.38; 138.8; Isai 64.8
ma e ‘ino‘ino i le galuega a ou ‘a‘ao,
ma e fa‘amanuia le pule a ē amio leaga?
4‘Ua e fofoga ‘ea i mata o tagata?
po ‘ua e silasila ‘ea e pei o le va‘ai o tagata?
5O ou aso ‘ea e pei o aso o tagata?#Iopu 36.26; Sala 77.10; 90.4; 2 Pete 3.8
po ou tausaga ‘ea e pei o aso o tagata?
6‘Ina ‘ua e sā‘ili mai i la‘u amio leaga,
ma su‘esu‘e i la‘u agasala.
7‘Ua e silafia lava, ‘ua ‘ou lē amio leaga;#Teu 32.39; Iopu 2.3, 9; Isai 43.13
e leai fo‘i sē lavea‘i mai i lou ‘a‘ao.
8Na saunia ma faia a‘u ‘atoa uma e ou ‘a‘ao;
a ‘ua e fasioti ‘iā te a‘u.
9Se‘i e manatu, na e faia a‘u e pei o le ‘omea;#Kene 3.19; Iopu 34.15; Fai 12.7
‘e te toe fa‘afo‘i ‘ea a‘u i le efuefu?
10Na e lē sasa‘aina ‘ea a‘u e pei o le suāsusu,
ma fa‘ato‘aina a‘u e pei o le suāsusu to‘a?
11Na e fa‘a‘ofuina a‘u i le pa‘u ma le ‘a‘ano,
na e fa‘amalosia fo‘i a‘u i ivi ma ua.
12Na e foa‘iina mai ‘iā te a‘u le ola ma le alofa,
o lou leoleo mai fo‘i na tausia ai lo‘u agaga.
13‘Ua e natia fo‘i nei mea i lou finagalo;#Iopu 23.14; 27.11
‘ua ‘ou iloa o lo‘o ‘iā te oe lenei mea.
14‘Āfai ‘ou te agasala, ‘ua e silasila mai ai pea ‘iā te a‘u,
‘e te lē fa‘amāgalo mai fo‘i ‘iā te a‘u i la‘u amio leaga.
15‘Āfai ‘ua ‘ou amio leaga, ‘oi talofa ‘iā te a‘u!#Iopu 9.15; Isai 3.11
‘āfai fo‘i ‘ua ‘ou amiotonu, e lē ea i luga lo‘u ulu;
‘ua tumu a‘u i le mā, ‘ua ‘ou iloa fo‘i lo‘u puapuagā,
16mōna ‘ua tupu pea.#Iopu 5.9; Isai 38.13; Hose 5.14; 13.7
‘Ua e tuli mai ‘iā te a‘u, e pei o le leona;
‘ua e toe faia ‘iā te a‘u mea e ofo ai.
17‘Ua e fa‘afouina mai o au molimau ‘iā te a‘u,
ma ‘ua e fa‘ateleina mai lou to‘asā ‘iā te a‘u;
e auaua‘i ‘au ‘iā te a‘u.
18“Se a le mea na e ‘aumai ai a‘u i le manava?#Iopu 3.3, 11
E! ‘ana ‘ou oti ma ‘ia lē iloa a‘u e se tasi.
19Po o pe na ‘ua ‘avea a‘u e peiseaī na ‘ou le ola mai;
po ‘ua ‘aveina atu a‘u a‘i le manava i le tu‘ugamau.
20E lē itiiti ‘ea o‘u aso?#Iopu 7.16; 9.27; 14.1; Sala 39.13
‘Inā sōia tu‘u mai pea ia o a‘u,
se‘ia ‘ou mua‘i mālōlō ane teisi,
21i lo‘u alu atu ai i le mea ‘ou te lē toe fo‘i mai ai,#Iopu 3.3; 16.22; Sala 88.12
o le nu‘u o le pouliuli ma le ata o le oti.
22O le nu‘u o le pouliuli, e tusa lava ma le pouliuli tele;
o le ata o le oti, e lē i ai ni mea tonu;
o lona pupula mai e tusa ma le pouliuli tele.”
Currently Selected:
Iopu 10: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
