Fa‘amasino 17
17
O Tupua na faia e Mika
1O le tasi tagata na i le mauga o Efaraima, o Mika lona igoa.#Fa‘ama 17.8; 18.2 2‘Ua ia fai atu i lona tinā, “O tupe e afe ma le selau e tasi, na ‘avea nai ‘iā te oe, sa e fetu‘u ai, na e fai ane fo‘i a o ‘ou fa‘alogo atu; fa‘auta i tupe, ‘ua ‘iā te a‘u, na ‘ou ‘avea.”
‘Ona fai mai lea o lona tinā ‘iā te ia, “‘Ia fa‘amanuia oe la‘u tama e le ALI‘I.”#Ruta 3.10; 1 Samu 15.13 3Na ia toe avatu tupe e afe ma le selau e tasi i lona tinā, ‘ua fai mai lona tinā, “Na ‘ou matuā fa‘asāina ia tupe i le ALI‘I a‘i lo‘u lima mo la‘u tama, e fai a‘i se tupua ‘ua ta, ma se tupua ario; o lenei, avatu pea ia ‘iā te oe.”#Eso 20.4; 34.17; Levi 19.4 4A ‘ua na toe avatu tupe i lona tinā; ‘ona ‘ave lea e lona tinā o tupe e lua selau i le tufuga fai mea u‘amea, ‘ua ia fai a‘i le tupua ‘ua ta ma le tupua ario, sa i ai i le fale o Mika.
5Sa i le tagata o Mika se fale o le Atua, na ia faia le efota ma tupua, ‘ua ia tofia fo‘i le tasi o ona atali‘i ‘ua fai ma ositaulaga#17.5 O le fa‘aliliuga tuai; faitaulaga. ‘iā te ia. 6O ona po ia sa leai se tupu ‘iā Isaraelu, sa ta‘itasi ma fai le mea ‘ua tonu i lona lava manatu.#Fa‘ama 21.25
7O le taule‘ale‘a fo‘i mai Peteleema o Iuta mai le itū‘āiga o Iuta, a o le sa Levī o ia, ‘ua āumau o ia i lea mea.#Fa‘ama 19.1; Ruta 1.1; 1 Samu 17.12; Mika 5.2; Mata 2.1, 5-6 8‘Ua alu o ia nai le ‘a‘ai o Peteleema o Iuta e so‘ona āumau i se mea e maua; ‘ona o‘o atu lea o lana malaga i le mauga o Efaraima i le fale o Mika. 9‘Ua fesili atu Mika ‘iā te ia, “Na ifea oe?”
‘Ua tali mai o ia ‘iā te ia, “O a‘u le sa Levī, mai Peteleema o Iuta; ‘ou te alu e so‘ona āumau i se mea ‘ou te maua.”
10‘Ona fai atu lea o Mika ‘iā te ia, “Tā te nonofo ma a‘u, ‘ia fai oe mo‘u tamā ma a‘u ositaulaga; a o a‘u, ‘ou te avatu ‘iā te oe tupe e sefulu i lea tausaga ma lea tausaga, ma ou ‘ofu ma au mea e ‘ai.” ‘Ona alu ane ai lea o le sa Levī.#Fa‘ama 18.19 11‘Ua loto le sa Levī ‘ona la nonofo ma le tagata, sa i ai le taule‘ale‘a ‘iā te ia e pei o sona lava atali‘i. 12‘Ona tofia lea e Mika o le sa Levī, ma na fai fo‘i le taule‘ale‘a ma ositaulaga ‘iā te ia sa i ai o ia i le ‘āiga o Mika.#Fa‘ama 17.5; 18.30 13‘Ona fai ane lea o Mika, “O lenei, ‘ua ‘ou iloa e agalelei mai le ALI‘I ‘iā te a‘u, auā ‘ua ‘iā te a‘u le sa Levī e fai ma ositaulaga.”
Currently Selected:
Fa‘amasino 17: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
