Isaia 57
57
‘Ua Fa‘asino mai e le ALI‘I le Amio Leaga a le Nu‘u
1‘Ua fano lē ‘ua amiotonu,
‘ae leai sē mafaufau i ai.
‘Ua ‘ave‘eseina fo‘i tagata alolofa,
a ‘ua leai sē mānatunatu
‘ua ‘ave‘eseina lē ‘ua amiotonu ai le leaga.#Sala 12.1
2E ulu atu o ia i le filemū,
latou te mālōlō i o latou moega,
o i latou ia o ē sāvavali ma le tonu.#2 No 16.14; Eseki 32.25
3A o ‘outou, ‘inā fa‘alatalata mai ia ‘i‘inei,
o ‘outou tama a le fafine ‘i‘ite i ao,
o le fānau a le mulilua ma le fafine talitane.
4Tou te fa‘atauemu ‘ea ‘iā te ai?
E fa‘amaga o ‘outou gutu ‘iā te ai tou te fa‘aeto mai o ‘outou laulaufaiva ‘iā te ai?
E lē o le fānau fouvale ‘ea ‘outou?
O le fānau e pepelo?#Sala 35.21; Isai 1.4, 29
5O lo‘o fa‘atupu le mana‘o i atua
i lalo o la‘au uma e tauluulu ola;
o lo‘o fasioti le fānau i alia i lalo o maluapapa.
6O ma‘a lamolemole o le alia o lou vaega lea,
o ia lava e fai mou tofi.
‘Ua e liligi atu ai lava le taulaga i mea e inu,
‘ua e avatu fo‘i le taulaga i mea e ‘ai.
‘Ou te loto malie ‘ea ‘ona o ia mea?
7‘Ua e tu‘uina lou moega
i le mauga maualuga ma le tele;
‘ua e alu a‘e fo‘i i ai e fai taulaga.#1 Tu 14.23
8‘Ua e tu‘uina lau fa‘amanatuga
i tua o le puipui ma le pou o le faitoto‘a.
Auā ‘ua e fa‘aali oe i le tasi ‘ae lē o a‘u;
‘ua e alu a‘e; ‘ua e fa‘alauteleina lou moega.
‘Ua e faia se feagaiga ma i latou;
‘ua e mana‘o i lo latou moega,
‘ua e filifilia le mea e tu‘u ai.
9‘Ua e alu atu i le tupu ma le u‘u,
‘ua e fa‘ateleina ou u‘u manogi.
‘Ua e tu‘uina atu ou sāvali i mea mamao
ma ‘ua e fa‘aleaga oe ‘iā te oe e o‘o ifo i seoli.
10‘Ua lailoa oe i le mamao o lou ala;
‘ua e lē fai ane, “E lē aogā;”
‘Ua e maua le malosi o lou lima,
o le mea lea ‘ua e lē fa‘avaivai ai.#Iere 18.12
11Na e atuatuvale ‘iā te ai ma e mata‘u,
‘ina ‘ua e pepelo ma e lē manatua a‘u,
ma e lē mafaufau?
Na a‘u lē fa‘alologo ‘ea mai anamuā lava?
a ‘ua e lē mata‘u ‘iā te a‘u.
12‘Ou te fa‘aali atu lau amiotonu ma au galuega;
e lē aogā fo‘i ia mea ‘iā te oe.
13A e ‘alaga, ‘ia lavea‘i āu aofaga ‘iā te oe;
e si‘itia i latou uma e le matagi,
e ‘avea i le mānava.
A o lē ‘ua fa‘atuatua ‘iā te a‘u
e maua e ia le nu‘u e fai mōna tofi lo‘u mauga pa‘ia.#Sala 37.9; Isai 11.9; Iere 11.12
‘Ua Folafola e le Atua le Fesoasoani ma le Fa‘amālōlōga
14E fai ane fo‘i se tasi,
“Fa‘alaulelei, ‘inā fa‘alaulelei ia, teu ia le ala,
‘ia ‘outou ‘ave‘eseina mea e tausuai ai i le ala o lo‘u nu‘u.”#Isai 62.10
15Auā o lo‘o fa‘apea ‘ona fetalai mai o lē ‘ua Maualuga ma ‘ua Silisili,
o lē afio e fa‘avavau, e pa‘ia lona suafa:
‘Ou te nofo i le mea maualuga ma le pa‘ia,
ma te nonofo fo‘i ma lē ‘ua momomo
ma ‘ua maulalo lona loto.
E fa‘amafanafana i ē ‘ua loto maulalo
ma fa‘amafanafanaina loto o ē ‘ua loto momomo.#Sala 34.18; 138.6; Isai 9.6; 42.3; Mika 6.6
16Auā ‘ou te lē finau e fa‘avavau,
‘ou te lē ita pea lava pea.
Auā e fa‘avaivai le loto i o‘u luma,
o agaga fo‘i na a‘u faia.#Kene 6.3; Sala 103.9
17O le agasala o lona matape‘ape‘a na ‘ou ita ai,
na ‘ou taia fo‘i o ia; na ‘ou lafi, ma ‘ou ita.
Auā na savali o ia ma le finau vale
i le ala o lona lava loto.#Iere 6.13
18‘Ua ‘ou iloa ona ala ‘ou te fa‘amālōlō fo‘i ‘iā te ia;
‘ou te ta‘ita‘iina o ia.
‘Ou te toe avatu fo‘i fa‘amafanafanaga ‘iā te ia,
ma ē ‘ua fa‘anoanoa fa‘atasi ma ia.
19O lo‘o ‘ou faia le fua o laugutu,
O le filemū, o le filemū i lē ‘ua mamao,
‘atoa ma lē ‘ua lata mai,
‘ua fetalai mai ai le ALI‘I;
‘ou te fa‘amālōlōina fo‘i o ia.#Efe 2.17; Galu 2.39; Epe 13.15
20A o ē amio leaga e tusa i latou ma le sami ‘ua sousou,
e lē mafai ‘ona to‘a filemū.
‘Ae lafoia a‘e e le suāsami le ‘ele‘ele ma le palapala.
21‘Ua fetalai mai lo‘u Atua:
E leai se filemū i ē amio leaga.#Isai 48.22
Currently Selected:
Isaia 57: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
