Isaia 4
4
O le Manuia o le Mālō o le Mesia
1O lea aso e tāofi atu ai e fafine e to‘afitu i le tane e to‘atasi, o fa‘apea atu,
“Matou te ‘a‘ai ‘iā matou lava mea e ‘ai,
matou te ‘o‘ofu fo‘i i o matou lava ‘ofu,
tau ‘ina igoa i matou i lou igoa e ‘ave‘eseina ai o matou luma.”#Kene 30.23; Isai 3.6
2O lea aso e ‘avea ai le La la‘au a le ALI‘I ma mea matagofie ma le vi‘ia; o le fua fo‘i o le lau‘ele‘ele e fai ma mea lelei ma le matagofie ‘iā te i latou o Isaraelu o ē ‘ua sao.#Isai 11.1; 27.6; Iere 23.5; 33.15; Saka 3.8; 6.12 3E ta‘ufa‘asaina fo‘i lē na tu‘ua i Siona, ma lē ‘ua toe i Ierusalema; o i latou uma o ē ‘ua tusia fa‘atasi ma ē o ola i Ierusalema;#Eso 32.32; Sala 69.28; Isai 6.13; 10.20; Luka 10.20 4pe a uma ona fufulu ‘ese e le Ali‘i le otaota o tama fafine a Siona, a uma fo‘i ‘ona mulumuluina o le toto o Ierusalema a‘i totonu ‘iā te ia, i le agaga o le fa‘amasinoga ma le agaga o le fa‘amūina;#Eseki 36.25; Mata 3.11 5‘ona faia lea e le ALI‘I i luga o mea uma i le mauga o Siona, o i luga fo‘i o le mea e potopoto ai, o le ao ma le asu i le ao, ma le pupula mai o le afi mumū i le po; auā o i ai le mamalu i luga o le matagofie uma.#Eso 13.21; 24.16 6E i ai fo‘i le fale apitaga e fai ma paolo i le ao ‘ona o le vevela, e fai fo‘i ma mea e malu ai ma mea e ulu ai i le timuga ma le uaga.#Sala 27.5; Isai 25.4
Currently Selected:
Isaia 4: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
