Isaia 27
27
O le Fa‘aolataga o Isaraelu
1O lea aso e fa‘asalaina ai e le ALI‘I o leviatana, o le gata tele vave, o leviatana lava, o le gata ta‘ata‘ai, e fa‘asalaina lava i lana pelu ma‘a‘a, ma le tele ma le malosi; e fasimatea lava e ia le tanimo#27.1 leviatana…tanimo: o talatu‘u o tagata Isaraelu o manu fe‘ai nei o fa‘ailoga o mālō o lo‘o latou osofa‘ia Isaraelu. o lo‘o i le vai.#Iopu 41.1; Sala 74.14; 104.26; Isai 51.9; Eseki 29.3
2O lea aso:
‘Ia ‘outou pepese ai i le tōvine.
3O a‘u o le ALI‘I, ‘ou te leoleo i ai;
‘ou te fa‘asūsū pea lava i ai.
‘Ou te leoleo lava i ai i le po ma le ao,
ne‘i o‘o i ai se leaga.
4‘Ou te lē ita lava a‘u;
tā fia maua la‘au tuitui ma la‘au talatala i le tau‘a;
‘ou te alu atu ‘iā te i latou,
‘ou te susunu fa‘atasi lava i latou.#2 Samu 23.6-7; Isai 10.7
5Pe se‘i tago o ia i lo‘u malosi,
‘ia mā lelei ma ia,
e lelei fo‘i o ia ma a‘u.
6O ona po amulī e sosolo ai a‘a o Iakopo;
e fuga mai ma mātala o Isaraelu,
‘ona tumu ai lea o le fogā‘ele‘ele uma i ona fua.
7‘Ua na taia ‘ea o ia, e pei ‘ona taia e ia o i latou na taia o ia?
Po ‘ua fasia o ia, e pei o le fasi na fasia ai e ia?#Isai 37.18, 36-38; Hose 6.1-2
8Na e finau fa‘atatau ma ia ‘ina ‘ua tulia o ia;
na ia ‘avea o ia i lona matagi tetele i le aso na agi mai ai le matagi mai sasa‘e.#Iere 10.24; 18.17
9O le mea lea e fa‘amāgaloina ai le agasala a Iakopo i lea mea;
o ona i‘uga uma fo‘i ia, ‘ina ‘ia fa‘ate‘a‘eseina ai lana agasala.
Pe a faia e ia o ma‘a uma o le fatafaitaulaga
ia pei o ma‘a panisina ‘ua nutilili‘ia;
e lē toe tutū i luga o tupua o Asaira ma tupua o le la.#Teu 16.21; 2 Tu 18.4
10Auā e tu‘ufua le ‘a‘ai nofo ‘olo,
e lē ‘ainā fale,
‘ae tu‘ulafoa‘iina e pei o se nu‘u tu‘ufua;
e tata‘a ai tama‘i povi ma latou ta‘o‘oto ai, latou te ‘a‘ai ‘ona la la‘au.#Isai 17.2, 9
11Pe a mamago ‘ona la la‘au,
‘ona gaui‘eseina ai lea.
E ō mai fafine latou te susunuina;
auā e lē se nu‘u mafaufau lea;
o le mea lea e lē alofagia ai i latou e lē na faia i latou,
o ia fo‘i na faia i latou na te lē alofa lava ‘iā te i latou.#Teu 32.28; Isai 44.2
12O lea lava aso e sasa ifo ai e le ALI‘I ona fua, e āfua i le mea e tafe ai le vaitafe, e o‘o atu i le alia o Aikupito; e fa‘apotopotoina fo‘i ‘outou e ta‘ito‘atasi, o ‘outou le fānauga a Isaraelu.
13O le aso fo‘i lea e ili ai le pū latele, ‘ona ō mai ai lea o i latou na fai a fano i le nu‘u o Asuria, ‘atoa fo‘i ma ē na ‘aunu‘ua i le nu‘u o Aikupito, latou te ifo i le ALI‘I i le mauga pa‘ia i Ierusalema.#Levi 25.9; Isai 2.2; 11.11; Mata 24.31; Fa‘ata 11.15
Currently Selected:
Isaia 27: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
