Isaia 15
15
O le Malaia o Moapi
1O le avega a Moapi.
O le po ‘ua fa‘atafunaina ai Aro o Moapi,
‘ua fa‘aumatia lava.
O le po ‘ua fa‘atafunaina ai Kira o Moapi,
‘ua fa‘aumatia lava.#Isai 25.10-12; Iere 48.1-47; Eseki 25.8-11; Amo 2.1-3; Sefa 2.8-11
2‘Ua latou ō a‘e i le fale ‘atoa ma Tipona,
o mea maualuluga e fētāgisi ai.
‘Ua uiō Moapi i Nepo ma Metepa;
‘ua sele mamā o latou ulu uma,
‘ua sala ‘ava uma.
3‘Ua latou lavalava i ‘ie talatala i o latou ala,
‘ua latou uiō uma lava i luga o latou fale ‘atoa ma o latou malae;
‘ua latou ō ifo o fētāgisi lava.
4‘Ua ‘alalaga Hesepona ma Eleale;
‘ua lagona o latou leo mai Iaesa;
o le mea lea ‘ua uiō ai ‘au a Moapi;
‘ua tigā tele lava o latou loto.#Iere 48.34
5O lo‘o ‘alaga lo‘u loto ‘ona o Moapi;
‘ua o‘o lo latou tuli i Soara,
o le povi fafine e tolu ona tausaga;
‘ua latou ō a‘e lava i le ā‘ega i Luita o fētāgisi;
‘ua latou ‘alalaga i le ala i Horonaima ‘ona o lo latou malaia.#Iere 48.5
6‘Ua ‘avea le vai o Nimara ma mea naumati;
auā ‘ua magumagu le mutia,
‘ua fa‘aumatia le vao mu‘a, ‘ua lē toe i ai lava la‘au iti.
7O le mea lea ‘ua ‘avea ai mea na latou maua,
‘atoa ma o latou ‘oloa na teu,
i tala atu o le vaitafe o garava.
8Auā ‘ua fa‘ata‘amilomilo le ‘alaga i tuā‘oi o Moapi;
‘ua o‘o lo latou uiō i Ekilaima,
‘ua o‘o fo‘i lo latou uiō i Pere-alima.
9Auā ‘ua tūtūmu vai o Timone i le toto;
auā fo‘i ‘ou te fa‘ao‘o atili ni malaia i Timone;
‘ou te ‘auina leona i ē ‘ua sao o Moapi ma ē
‘ua totoe i le lau‘ele‘ele.
Currently Selected:
Isaia 15: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
