Hosea 4
4
O le To‘asā o le Atua i ē Agasala
1Le fānauga a Isaraelu e, ‘ia ‘outou fa‘alogologo mai i le afioga a le ALI‘I; auā o lo‘o i le ALI‘I le finauga ma ē o nonofo i le nu‘u; auā e leai se fa‘amaoni, e leai se alofa, e leai fo‘i se na te iloa le Atua i le nu‘u.#Isai 3.13, 14; Iere 25.31; Mika 6.2 2O lo‘o tautō ma tala pepelo ma fasioti tagata, ma gaoi ma mulilua, ‘ua latou fa‘asauā lava, ‘ua fepa‘ia‘i toto.#Hose 7.1; Mika 3.10; 7.2 3O le mea lea e fa‘anoanoa ai le nu‘u, e tauāu ‘ina vaivai o i latou uma o ē nonofo ai; ‘atoa ma manu vaefā ma manu felelei, e mavae atu fo‘i lava o i‘a o le sami.#Isai 24.4; Iere 4.28; Ioe 1.10, 18; Sefa 1.3
4‘Ae ‘aua ne‘i i ai se tagata e finau atu ma a‘oa‘i atu i se tasi tagata; auā o lou nu‘u ‘ua pei o ē fefinaua‘i ma le ositaulaga. 5O lea ‘e te pa‘ū ai i le ao, e pa‘u‘ū fo‘i le perofeta fa‘atasi ma oe i le po; ‘ou te fasioti fo‘i lou tinā. 6‘Ua fa‘aumatia lo‘u nu‘u ‘ina ‘ua leai se poto; o oe fo‘i na e tete‘e atu i le poto, o le mea lea ‘ou te tete‘e atu ai ‘iā te oe, e lē fai oe ma ositaulaga ‘iā te a‘u; ‘ua e fa‘agalogalo le tulafono a lou Atua, o a‘u fo‘i, ‘ou te fa‘agalogalo i lau fānau.#Fa‘ata 1.29; Isai 5.13; Iere 23.39
7E pei ‘ona fa‘ato‘ateleina o i latou, ‘ua fa‘apea ‘ona agasala mai o i latou ‘iā te a‘u; ‘ou te liliu i le mā lo latou mamalu. 8‘Ua latou ‘a‘ai le agasala a lo‘u nu‘u ma ‘ua latou naunau i lo latou leaga.#Levi 6.25-26; Isai 24.2 9E o‘o ‘ina gatusa lava o le nu‘u ma le ositaulaga; ‘ou te taui atu fo‘i ‘iā te i latou a latou amio, ‘ou te taui fo‘i ‘iā te i latou a latou mea ‘ua fai. 10Auā latou te ‘a‘ai, ‘ae lē mā‘o‘ona; e faita‘aga i latou, ‘ae lē fa‘ato‘ateleina; auā ‘ua lē toe usiusita‘i i latou i le ALI‘I.#Levi 26.26
E Fa‘asalaina e le Ali‘i le Ifo i Tupua
11O lē faita‘aga ma le uaina ma le uaina fou e ‘ave‘eseina ai le loto. 12O lo‘u nu‘u ‘ua latou fesili i lo latou la‘au, ‘ua fa‘asino mai ai lo latou to‘oto‘o ‘iā te i latou; auā o lē fia faita‘aga ‘ua fa‘asesēina ai i latou ma ‘ua latou ō ‘ese nai lo latou Atua e faita‘aga ai.#Fa‘ama 18.5 13‘Ua latou faitaulaga i tumutumu o mauga ma fa‘amū mea manogi i mea maupu‘epu‘e ma lalo ifo o aluna ma lipeno ma tapeneto, auā ‘ua lelei lo latou paolo; o le mea lea e faita‘aga ai o ‘outou afafine, e mulilulua fo‘i a ‘outou avā.#Isai 1.29; Eseki 6.13 14‘Ou te lē fa‘asalaina o ‘outou afafine pe a latou faita‘aga ma a ‘outou avā pe a latou mulilulua; auā o i latou lava ‘ua latou ō ‘ese fa‘atasi ma fafine faita‘aga, ‘ua latou faitaulaga fa‘atasi ma fafine talitane; o le nu‘u fo‘i ‘ua lē mafaufau e pa‘u‘ū i latou.#Hose 9.10
15Isaraelu e, e ui ‘ina e faita‘aga, ‘ae ‘aua ne‘i agasala Iuta; ‘aua tou te ō mai i Kilikala, ‘aua tou te ō a‘e i Petavene,#4.15 Petavene: mai le gagana Eperu “fale o tupua po o le fale faita‘aga.” va‘ai 5.8; 10.5, 8. ‘aua fo‘i tou te tautō, “O lo‘o soifua le ALI‘I.”#1 Tu 12.29; Hose 6.4; 9.15; Amo 4.4; 5.5, 8 16Auā e fa‘apei ona vaogatā o se povi fafine ta‘anoa, ‘ua fa‘apea ‘ona vaogatā o Isaraelu; ‘ae fagaina i latou i nei ona po e le ALI‘I e fa‘apei o se tama‘i mamoe i le mea lautele. 17‘Ua pipi‘i Efaraima i tupua; ‘inā tu‘u ai pea ia ‘iā te ia.#Mata 15.14 18A uma lo latou inugā‘ava, ‘ua matuā faita‘aga i latou; ‘ua loto atu o latou ali‘i i mea e māsiasi ai. 19‘Ua saisaitia o ia e le matagi i ona ‘apa‘au, e māsiasi fo‘i i latou ‘ona o a latou taulaga.#Isai 1.29; Iere 4.11; Hose 13.15
Currently Selected:
Hosea 4: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.