Kenese 33
33
O le Feiloa‘iga a Iakopo ma Esau
1‘Ua tepa a‘e Iakopo ‘ua iloa atu, fa‘auta fo‘i, o Esau ‘ua sau ma tagata e to‘afa selau ma ia. ‘Ona vavae atu lea e ia o le fānau ‘iā Lea ma Rasela ma ‘au‘auna fafine e to‘alua.#Kene 32.6 2‘Ona tu‘umua atu lea e ia o ‘au‘auna fafine ma a lā‘ua fānau, ma Lea ma ana fānau e aupito ane i ai ma Rasela ma Iosefa e aupito mulimuli i lā‘ua. 3‘Ona muamua atu lea o ia ‘iā te i latou, ‘ua fa‘afitu ‘ona ifo to‘ele, ‘ua o‘o ‘ina latalata atu i lona uso. 4‘Ona momo‘e mai lea o Esau e fa‘afetaia‘i mai ‘iā te ia, ‘ua fusi ‘iā te ia ma punou i lona ua, ma feasogi ma ia; ‘ona la fētāgisi ai lea. 5‘Ona tepa a‘e lea o Esau, ‘ua iloa atu fafine ma le fānau; ‘ona fa‘apea mai lea o ia, “O ai ‘ea i latou na ‘ua ‘iā te oe?”
‘Ona tali atu lea o ia, “O a‘u fānau ‘ua foa‘iina mai e le Atua i lona alofa i lau ‘au‘auna.”#Kene 48.9; Sala 127.3; Isai 8.18 6‘Ona fa‘alatalata mai lea o ‘au‘auna fafine, o i lā‘ua ma a la fānau, ‘ona ifo lea o i latou. 7‘Ua fa‘alatalata mai fo‘i Lea ma ana fānau, ‘ua ifo fo‘i i latou; mulimuli ane ‘ona fa‘alatalata mai lea o Iosefa ma Rasela, ‘ua ifo fo‘i i lā‘ua.
8‘Ona fa‘apea mai lea o ia, “E fa‘apefea lenā vao manu ‘ua matou fetaia‘i?”
‘Ona tali atu lea o ia, “O au manu, ‘ia alofaina ai a‘u e lo‘u ali‘i.”
9‘Ona fa‘apea mai lea o Esau, “Lo‘u uso e, e tele a‘u nei mea; tu‘u pea ia au mea ‘iā te oe.”
10‘Ona tali atu lea o Iakopo, “‘Aua lava, ‘āfai ‘e te alofa mai ‘iā te a‘u, ‘ia e talia mai lava la‘u mea alofa; auā o lenei, ‘ua ‘ou iloa atu ou fofoga, e peiseaī ‘ua ‘ou iloa atu fofoga o le Atua ma ‘ua e finagalo malie mai ‘iā te a‘u. 11‘Ia e talia lava lo‘u alofa ‘ua avatu nei ‘iā te oe; auā ‘ua alofaina a‘u e le Atua, auā fo‘i ‘ua iā te a‘u mea uma.” ‘Ua ia u‘una‘i atu ‘iā te ia, ‘ona talia lea e ia.#1 Samu 25.27; 2 Tu 5.15, 23
12‘Ona fa‘apea mai lea o Esau, “Se‘i sauni la tatou malaga, ‘ina tatou ō ia, ‘ou te muamua fo‘i ‘iā te oe.”
13‘Ona tali atu lea o ia, “‘Ua silafia e lo‘u ali‘i ‘ua fa‘alēlava le fānau, o lafu mamoe fo‘i ma lafu povi ma a latou tama, ‘ua ‘iā te a‘u ia; ‘āfai fo‘i e tulituliteteleina i latou i le aso e tasi, ‘ona mamate ai lea o le lafu uma. 14‘Ia maliu atu lava lo‘u ali‘i e muamua i lana ‘au‘auna; a o a‘u, ‘ou te savali lemū e fa‘atatau i manu e muamua ‘iā te a‘u, ‘atoa ma le fānau, se‘ia ‘ou o‘o atu i lo‘u ali‘i i Seira.”
15‘Ona fa‘apea mai lea o Esau, “Se‘i ‘ou tu‘uina atu ‘iā te oe ni o matou tagata nei.”
‘Ona tali atu lea o ia, “‘Ai se a fo‘i? ‘Ia alofaina a‘u e lo‘u ali‘i.” 16‘Ona toe fo‘i atu lea o Esau i lea aso i lana malaga i Seira. 17‘Ua alu atu fo‘i Iakopo i Sukota, ‘ua fai ai fo‘i lona fale, ‘ua fai ai fo‘i fale apitaga o ana manu; o le mea lea na fa‘aigoaina ai lea mea o Sukota.#33.17 Sukota: mai le gagana Eperu “fale apitaga.”
18‘Ua saogalemū atu fo‘i Iakopo i le ‘a‘ai o Sekema, o i le nu‘u o Kanana lea, ‘ina ‘ua sau o ia mai Patanarama; ‘ua ia fa‘atūina fo‘i lona fale ‘ie i luma o le ‘a‘ai. 19‘Ua ia fa‘atau fo‘i se fasi fanua i le mea sa fa‘atūina ai e ia lona fale ‘ie, nai le fānauga a Hamoro, le tamā o Sekema, i ni tupe e selau.#Iosu 24.32; Ioane 4.5 20‘Ua ia fa‘atūina fo‘i i lea mea le fatafaitaulaga ‘ua ia fa‘aigoa ai fo‘i o Eleloiisaraelu.
Currently Selected:
Kenese 33: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
Kenese 33
33
O le Feiloa‘iga a Iakopo ma Esau
1‘Ua tepa a‘e Iakopo ‘ua iloa atu, fa‘auta fo‘i, o Esau ‘ua sau ma tagata e to‘afa selau ma ia. ‘Ona vavae atu lea e ia o le fānau ‘iā Lea ma Rasela ma ‘au‘auna fafine e to‘alua.#Kene 32.6 2‘Ona tu‘umua atu lea e ia o ‘au‘auna fafine ma a lā‘ua fānau, ma Lea ma ana fānau e aupito ane i ai ma Rasela ma Iosefa e aupito mulimuli i lā‘ua. 3‘Ona muamua atu lea o ia ‘iā te i latou, ‘ua fa‘afitu ‘ona ifo to‘ele, ‘ua o‘o ‘ina latalata atu i lona uso. 4‘Ona momo‘e mai lea o Esau e fa‘afetaia‘i mai ‘iā te ia, ‘ua fusi ‘iā te ia ma punou i lona ua, ma feasogi ma ia; ‘ona la fētāgisi ai lea. 5‘Ona tepa a‘e lea o Esau, ‘ua iloa atu fafine ma le fānau; ‘ona fa‘apea mai lea o ia, “O ai ‘ea i latou na ‘ua ‘iā te oe?”
‘Ona tali atu lea o ia, “O a‘u fānau ‘ua foa‘iina mai e le Atua i lona alofa i lau ‘au‘auna.”#Kene 48.9; Sala 127.3; Isai 8.18 6‘Ona fa‘alatalata mai lea o ‘au‘auna fafine, o i lā‘ua ma a la fānau, ‘ona ifo lea o i latou. 7‘Ua fa‘alatalata mai fo‘i Lea ma ana fānau, ‘ua ifo fo‘i i latou; mulimuli ane ‘ona fa‘alatalata mai lea o Iosefa ma Rasela, ‘ua ifo fo‘i i lā‘ua.
8‘Ona fa‘apea mai lea o ia, “E fa‘apefea lenā vao manu ‘ua matou fetaia‘i?”
‘Ona tali atu lea o ia, “O au manu, ‘ia alofaina ai a‘u e lo‘u ali‘i.”
9‘Ona fa‘apea mai lea o Esau, “Lo‘u uso e, e tele a‘u nei mea; tu‘u pea ia au mea ‘iā te oe.”
10‘Ona tali atu lea o Iakopo, “‘Aua lava, ‘āfai ‘e te alofa mai ‘iā te a‘u, ‘ia e talia mai lava la‘u mea alofa; auā o lenei, ‘ua ‘ou iloa atu ou fofoga, e peiseaī ‘ua ‘ou iloa atu fofoga o le Atua ma ‘ua e finagalo malie mai ‘iā te a‘u. 11‘Ia e talia lava lo‘u alofa ‘ua avatu nei ‘iā te oe; auā ‘ua alofaina a‘u e le Atua, auā fo‘i ‘ua iā te a‘u mea uma.” ‘Ua ia u‘una‘i atu ‘iā te ia, ‘ona talia lea e ia.#1 Samu 25.27; 2 Tu 5.15, 23
12‘Ona fa‘apea mai lea o Esau, “Se‘i sauni la tatou malaga, ‘ina tatou ō ia, ‘ou te muamua fo‘i ‘iā te oe.”
13‘Ona tali atu lea o ia, “‘Ua silafia e lo‘u ali‘i ‘ua fa‘alēlava le fānau, o lafu mamoe fo‘i ma lafu povi ma a latou tama, ‘ua ‘iā te a‘u ia; ‘āfai fo‘i e tulituliteteleina i latou i le aso e tasi, ‘ona mamate ai lea o le lafu uma. 14‘Ia maliu atu lava lo‘u ali‘i e muamua i lana ‘au‘auna; a o a‘u, ‘ou te savali lemū e fa‘atatau i manu e muamua ‘iā te a‘u, ‘atoa ma le fānau, se‘ia ‘ou o‘o atu i lo‘u ali‘i i Seira.”
15‘Ona fa‘apea mai lea o Esau, “Se‘i ‘ou tu‘uina atu ‘iā te oe ni o matou tagata nei.”
‘Ona tali atu lea o ia, “‘Ai se a fo‘i? ‘Ia alofaina a‘u e lo‘u ali‘i.” 16‘Ona toe fo‘i atu lea o Esau i lea aso i lana malaga i Seira. 17‘Ua alu atu fo‘i Iakopo i Sukota, ‘ua fai ai fo‘i lona fale, ‘ua fai ai fo‘i fale apitaga o ana manu; o le mea lea na fa‘aigoaina ai lea mea o Sukota.#33.17 Sukota: mai le gagana Eperu “fale apitaga.”
18‘Ua saogalemū atu fo‘i Iakopo i le ‘a‘ai o Sekema, o i le nu‘u o Kanana lea, ‘ina ‘ua sau o ia mai Patanarama; ‘ua ia fa‘atūina fo‘i lona fale ‘ie i luma o le ‘a‘ai. 19‘Ua ia fa‘atau fo‘i se fasi fanua i le mea sa fa‘atūina ai e ia lona fale ‘ie, nai le fānauga a Hamoro, le tamā o Sekema, i ni tupe e selau.#Iosu 24.32; Ioane 4.5 20‘Ua ia fa‘atūina fo‘i i lea mea le fatafaitaulaga ‘ua ia fa‘aigoa ai fo‘i o Eleloiisaraelu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.