Teuteronome O Le Fa‘atomuaga
O Le Fa‘atomuaga
O le Teuteronome o fa‘amatala i lauga sa fai e Mose i tagata o Isaraelu i le ‘ele‘ele o Moapi, ‘ina ‘ua māe‘a lo latou sāvaliga i le toafa i tausaga e fa sefulu. O tima‘iga a le ‘au‘auna o Mose i lona nu‘u ‘ina ‘ua sauniuni Isaraelu e ulufale atu i Kanana.
O isi nei o vaega tāua e fa‘amatala e le tusi o le Teuteronome: (1) Sa toe fa‘amanatuina e Mose i tagata Isaraelu o mea uma sa tutupu a o latou sāvalia i le toafa i tausaga e fa sefulu (2) Sa toe tima‘i Mose ma toe fa‘amanatu i tagata ‘ia tulafono e sefulu e ao ‘ona tausisia ‘ae maise le tulafono muamua, ‘O a‘u le Ali‘i lou Atua’ (3) Sa fa‘amanatu atu fo‘i e Mose i tagata le folafolaga a le Atua mo i latou ma ‘ia toe fa‘afou o latou olaga ma agatonu i le Atua. (4) O le taufa‘ai‘ui‘u o le tusi, o Iosua o le atali‘i o Nuno sa filifilia e ‘avea ma ta‘ita‘i o le nu‘u o le Atua. ‘Ina ‘ua māe‘a le pese fa‘avi‘ivi‘i ma le fa‘amanuiaga a Mose i lona nu‘u ‘ona maliu loa lea o ia i Moapi i le itū i sasa‘e o le vaitafe o Ioritana.
O le manatu tāua tele o le tusi lenei, “e fa‘aolaina ma fa‘amanuia le Atua i lona nu‘u o Isaraelu, lea e alofa o Ia i ai. O fautuaga i tagata Isaraelu ‘ia latou manatua le agalelei ma le alofa o le Atua i a‘i latou ma ‘ia latou tapua‘i i le Atua ma le agaga o le fa‘atuatua moni.” O nisi o ‘upu tāua o le tusi, “alofa i le Ali‘i lou Atua mo lou loto ‘atoa mo lou agaga ‘atoa ma lou malosi ‘atoa” (6.4-6). E fa‘aigoa e Iesu o le poloa‘iga sili, (Mata 22.37; Mare 12.30; Luka 10.27)
O le Fa‘asologa o Matā‘upu:
O le lauga muamua a Mose 1.1—4.49
O le lua o lauga a Mose: 5.1—26.19
a. O tulafono e sefulu 5.1—10.22
e. O poloa‘iga, fa‘atonuga ma lapata‘iga 11.1—26.19
O fa‘atonuga i le ulufale atu i Kanana 27.1—28.68
O le toe fa‘afouina o le folafolaga 29.1—30.20
O ‘upu mulimuli a Mose 31.1—33.29
O le maliu o Mose 34.1-12.
Currently Selected:
Teuteronome O Le Fa‘atomuaga: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.