Teuteronome 20
20
O ‘Upu a le Ositaulaga ma le ‘au Faipule i le Nu‘u pe a o i le Tau‘a
1A ē alu atu e tau ai se tau‘a ma lou fili; a e iloa atu solofanua, ma kariota, ma le nu‘u e sili ‘ona to‘atele ‘iā te oe, ‘aua ne‘i e fefe ‘iā te i latou; auā o ‘iā te oe le ALI‘I lou Atua, o lē na ‘aveina a‘e oe a‘i le nu‘u o Aikupito.#Teu 31.6, 8; Iosu 17.18; Sala 20.7; Isai 31.1; 41.10 2A latalata ‘ona ‘outou tau, ‘ona fa‘alatalata atu lea o le ositaulaga,#20.2 O le fa‘aliliuga tuai; faitaulaga. ma tautalatala i le nu‘u, 3e fa‘apea atu ‘iā te i latou: “Isaraelu e, fa‘alogo mai ia, ‘ua ‘outou fa‘alatalata atu i le aso nei e tau le tau‘a ma o ‘outou fili; ‘aua ne‘i fa‘avaivai o ‘outou loto, ‘aua tou te fefefe, ‘aua tou te matata‘u, ‘aua fo‘i tou te gatete ‘iā te i latou. 4Auā o le ALI‘I lo ‘outou Atua tou te ō ma ia, na te tau ai la ‘outou tau‘a ma o ‘outou fili, na te fa‘aolaina ‘outou.”#Teu 1.30; 3.22; Iosu 23.10
5‘Ia fai atu fo‘i le ‘au faipule i le nu‘u, ‘ia fa‘apea atu, “O ai se tagata ‘ua faia sona fale fou, ‘ae le‘i fa‘aulufaleina? ‘inā alu o ia, ‘ina fo‘i atu i lona fale, ne‘i oti o ia i le tau‘a, ‘ona fa‘aulufaleina ai lea e se tasi. 6O ai fo‘i se tagata ‘ua faia se tōvine, ‘ae le‘i fa‘atagaina? ‘inā alu ia, ma fo‘i atu i lona fale, ne‘i oti o ia i le tau‘a, ‘ona fa‘atagaina ai lea e se tasi. 7O ai fo‘i se tagata ‘ua la fai le feagaiga ma se fafine e fai māna avā, ‘ae le‘i fa‘atasia? ‘inā alu ia, ma fo‘i atu i lona fale, ne‘i oti o ia i le tau‘a, ‘ona fai ai lea o ia ma avā a se tasi tagata.”
8‘Ia toe tautala atu fo‘i le ‘au faipule i le nu‘u, ‘ia latou fa‘apea atu, “O ai ‘ea se tagata e fefe, ma fa‘avaivai lona loto? ‘inā alu ia, ma fo‘i atu i lona fale, ne‘i fa‘avaivai loto i ona uso e pei o lona loto.”#Fa‘ama 7.3 9A uma fo‘i ‘ona tautala atu o le ‘au faipule i le nu‘u, ‘ona tofia lea e i latou o ali‘i e ‘ave ‘au e ta‘ita‘iina le nu‘u.
10A fa‘alatalata i se ‘a‘ai e tau ai le tau‘a, ‘ona e vala‘au atu lea i ai ‘ia ola le tau‘a;#Teu 2.26; Fa‘ama 21.13; 2 Samu 20.20 11‘āfai fo‘i e tali mai i latou ‘iā te oe, ‘inā ola ia, ma latou fa‘aavanoa faitoto‘a ‘iā te oe, ‘ona ‘avea ai lea o tagata uma e maua ai ma e ‘aumai taulaga ‘iā te oe, ma latou ‘au‘auna ‘iā te oe. 12‘Ae ‘āfai e lē mafai ‘iā te i latou ‘ona fai o se leleiga ma oe, ‘ae fia tau lava i latou ma oe, ‘ona e si‘osi‘oina atu ai lea; 13pe a tu‘uina mai fo‘i e le ALI‘I lou Atua ‘iā te oe, ‘ia e fasiotia tane uma lava o i ai i le pelu;#Nume 31.7 14na o fafine, ma tamaiti, ma manu vaefā, ma mea uma lava o i le ‘a‘ai, o le ‘oloa uma o i ai ‘e te vetea mou; ‘e te ‘ai fo‘i i mea a ou fili, ‘ua foa‘iina mai e le ALI‘I lou Atua ‘iā te oe. 15‘Ia fa‘apea ‘ona e fai i ‘a‘ai uma lava e matuā vāvā mamao ma oe, e le ni ‘a‘ai ia o na nu‘u.
16A o ‘a‘ai o na nu‘u e foa‘iina mai e le ALI‘I lou Atua ‘iā te oe e fai mou tofi, ‘aua ne‘i e fa‘aolaina ai se tasi e ola.#Nume 21.35; 33.52; Iosu 11.14 17A ‘ia e matuā fa‘aumatia i latou; o sa Hetī, ma sa Amorī, o sa Kananā, ma sa Perisē, o sa Hivī, ma sa Iepuse; e pei ‘ona fetalai mai ai o le ALI‘I lou Atua ‘iā te oe. 18‘Ina ne‘i latou a‘oa‘o mai ‘iā te ‘outou e fai e tusa ma a latou mea ‘inosia uma, ‘ua latou faia i o latou atua; ‘ona ‘outou agasala ai lea i le ALI‘I lo ‘outou Atua.#Eso 23.33; Teu 7.4; 12.30-31
19‘Āfai fo‘i e tele ni aso na e si‘osi‘oina ai se ‘a‘ai, ma tau ai le tau‘a ‘ina ‘ia maua, ‘aua ne‘i e fa‘atauma‘oi ona la‘au i ta a‘i i le matau; ‘aua ‘e te ‘ai ai, ‘aua ‘e te ta i lalo e fai a‘i se mea i le si‘osi‘oina; o le ‘a‘ai, (auā o le la‘au o le fanua mo tagata ia).#2 Tu 3.19, 25 20Na o la‘au ‘ua e iloa e lē ni la‘au ‘aina ‘ia, ‘e te fa‘atauma‘oi ma ta i lalo; ‘e te faia fo‘i se ‘olo e fa‘afeagai ma lea ‘a‘ai lua te tau ai le tau‘a, se‘ia fa‘ato‘ilaloina.
Currently Selected:
Teuteronome 20: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
