Amosa 8
8
‘Ua Latalata le Malaia o Isaraelu
1‘Ua fa‘apea ‘ona fa‘aalia mai ‘iā te a‘u e le Ali‘i le ATUA; fa‘auta mai, o le ‘ato fua otatā. 2‘Ona fa‘apea mai lea o ia, “Amosa e, pe se ā ‘ea se mea ‘ua e iloa?”
I le ‘ua ‘ou tali atu, “O le ‘ato fua otatā.”
‘Ona fa‘apea mai ai lea o le ALI‘I, ‘iā te a‘u, “‘Ua o‘o mai le i‘uga i lo‘u nu‘u o Isaraelu, ‘ou te lē toe sopo‘ia lava.#Iere 24.1; Paru 4.8; Mika 7.1 3E fai ma uiō pese o le maota i lea aso,” o lo‘o fetalai mai ai le Ali‘i le ATUA; “e i ai i mea uma tino o tagata oti e tele, e lafoa‘iina ma le lē fegānavai.”#Iere 16.4, 6; 47.2; Amo 6.9-10
O le Malaia o Isaraelu
4‘Ia ‘outou fa‘alogologo i lenei mea, o ‘outou o ē fa‘asauā i ē matitiva, ‘ina ‘ia fa‘aumatia lava le ‘au matitiva o le nu‘u. 5O lo‘o fa‘apea mai, “Pe mavae atu afea le masina fa‘ato‘ā va‘aia ‘ia tatou fa‘atau ai saito? pe mavae afea fo‘i le sapati ‘ia tatou tatalaina atu ai saito? O lo‘o fa‘aitiitiina fo‘i le efa ma fa‘ateleina le sekeli, o lo‘o fai fua fa‘alētatau e pepelo ai.#Nee 13.15-16; Eseki 45.10; Mika 6.10-11 6Tatou te fa‘atau fo‘i tagata matitiva i ario ma le tagata vaivai i se‘evae e lua; tatou te fa‘atau atu fo‘i saito leaga.”
7‘Ua tautō le ALI‘I i le mamalu o Iakopo: E lē galo lava ‘iā te a‘u e fa‘avavau a latou galuega uma. 8E lē gatete ‘ea le lau‘ele‘ele ‘ona o lenei mea ma fa‘anoanoa ai i latou uma o ē nonofo ai? E lē matuā alu a‘e ‘ea e pei o se vaitafe? E le lafoa‘iina ‘ea ia ma lofia, pei o le vaitafe o Aikupito.#Hose 4.3; Saka 10.11 9O lo‘o fetalai mai le Ali‘i le ATUA, o lea aso ‘ou te fa‘agotoina ai le lā i le aoauli, ‘ou te fa‘apouliuligia fo‘i le lalolagi i le ao malamalama. 10‘Ou te liu i fa‘anoanoaga a ‘outou tausamiga, ‘ou te liliu fo‘i a ‘outou pese uma i auega; ‘ou te fa‘alavalava fo‘i sulugātiti uma i le ‘ie talatala o ulu fo‘i o tagata uma e selemamāina ia; ‘ou te faia lea mea ‘ia pei o le pese e aualofa a‘i ‘ona o le atali‘i e to‘atasi, o lona i‘uga fo‘i, o le aso vale lava lea.#Isai 3.24; Iere 6.26; Hose 2.11
11O lo‘o fa‘apea mai le Ali‘i le ATUA: Fa‘auta, e o‘o mai aso ‘ou te tu‘uina atu ai le oge i le nu‘u; e lē se oge i mea e ‘ai po o se gālala i le fiainu vai, a o le oge i le fa‘alogologo i afioga a le ALI‘I.#Fa‘ata 29.18; Isai 8.20-21 12Latou te feoa‘i e pau mai i le tasi vasa e o‘o atu i le isi vasa, e pau mai i le itū i matū e o‘o atu i le itū i sasa‘e latou te feoa‘i ai e sā‘ili‘ili atu ai le afioga a le ALI‘I, ‘ae lē maua. 13E vaivai i le fia inu i lea aso o taupou lālelei ‘atoa ma taulele‘a. 14O i latou o ē tautō i le agasala a Samaria, ma fa‘apea atu, “Tanu e, ‘ua soifua lou atua;” i le ma lea, “‘Ua ola le ala o Peresepa; e pa‘u‘ū lava i latou, latou te lē toe tūtūla‘i.”#1 Tu 12.28-29; Hose 10.8; Galu 9.2
Currently Selected:
Amosa 8: RSCB
Highlight
Copy
Compare
Share
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
