2 Timoteo Fa‘atomuaga
Fa‘atomuaga
O le Tusi e Lua a Paulo ‘iā Timoteo e pei lava o lana tusi muamua, o lana fa‘afetai ‘iā Timoteo i le ‘onosa‘i ma le tāofi mau o le fa‘atuatua (1.1-5). ‘Ae lē gata fo‘i i lea o ana fautuaga ‘iā Timoteo ma le Ekalesia ‘ia tūtūmau pea i le fa‘atuatua moni, (1.6—2.13). O le isi vaega tāua o le tusi, o le tima‘i atu a Paulo ‘iā Timoteo, ‘ia matuā fa‘asagatau atu ‘iā i latou o lo‘o tala‘iina ni tala taufa‘asesē, e fa‘aono sesē ai le to‘atele, (2.14—3.9)
Sa fa‘amanatu atu e Paulo ‘iā Timoteo, ‘ia manatua mea e tele sa tutupu i lona olaga, e ao ‘ona fa‘ata‘ita‘i i ai, e pei o lona fa‘atuatua ‘iā Keriso, o lona ‘onosa‘i, alofa, tali tigā ma mafatiaga o le galuega fa‘atala‘i.
O le to‘atele o tagata popoto i le ‘upu a le Atua, o le tusi lenei a Paulo sa tusia i le tausaga 67, i le vaitaimi lava o le Ali‘i. (Anno Domini)
O le Fa‘asologa o Matā‘upu:
O ‘upu fa‘afeiloa‘i 1.1-2
O le Fa‘afetai ma le Fa‘amālō 1.3—2.13
O Fautuaga ma Lapata‘iga 2.14—4.5
Tala‘aga o le olaga o Paulo 4.6-18
O le ‘upu mulimuli 4.19-22
Currently Selected:
2 Timoteo Fa‘atomuaga: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.